ம.பி., ராஜஸ்தான், சத்தீஸ்கரில் பாஜக ஆட்சி- தெலுங்கானாவில் காங்கிரஸ் ஆட்சி: லைவ் அப்டேட்ஸ்

ஐதராபாத்தில் உள்ள மாநில கட்சி தலைவர் ரேவந்த் ரெட்டியின் வீட்டிற்கு வெளியே பட்டாசுகள் வெடித்து கொண்டாட்டத்தில் ஈடுபட்ட தொண்டர்கள்.

ராஜஸ்தான்: ஜெய்ப்பூரில் உள்ள கோவிந்த் தேவ்ஜி கோவிலில் பாஜக எம்பியும், வித்யாதர் நகர் வேட்பாளருமான தியா குமாரி பிரார்த்தனை செய்தார்.

4 மாநில தேர்தல் முடிவுகள்: தெலுங்கானாவில் 10, மத்திய பிரதேசத்தில் 127, ராஜஸ்தானில் 100, சத்தீஸ்கரில் 33 ஆகிய இடங்களில் பாஜக முன்னிலை வகிக்கிறது.

4 மாநில தேர்தல் முடிவுகள்: தெலுங்கானாவில் 61, மத்திய பிரதேசத்தில் 94, ராஜஸ்தானில் 86, சத்தீஸ்கரில் 55 ஆகிய இடங்களில் காங்கிரஸ் முன்னிலை வகிக்கிறது.

மத்திய பிரதேசத்தில் வாக்கு எண்ணிக்கை நடைபெற்று வரும் நிலையில், மத்திய அமைச்சரும், நரசிங்பூர் பாஜக வேட்பாளருமான பிரகலாத் சிங் படேல் தனது இல்லத்தில் பிரார்த்தனையில் ஈடுபட்டார்.

தெலுங்கானாவில் வாக்குகள் எண்ணப்பட்டு வரும் நிலையில், பிஆர்எஸ் எம்எல்சியும், சந்திரசேகர ராவின் மகளுமான கவிதா ஐதராபாத்தில் உள்ள தனது இல்லத்தில் இருந்து முதல்வர் முகாம் அலுவலகத்திற்கு புறப்பட்டார்.

தெலுங்கானாவில் 119 சட்டசபை தொகுதிகளில் தேர்தல் நடைபெற்றது. இதில் 60 தொகுதிகளில் வெற்றி பெற்றால் பெரும்பான்மையுடன் ஆட்சி அமைக்கலாம் என்ற நிலையில் காங்கிரஸ் 66 இடங்களில் தற்போது வரை முன்னிலையில் உள்ளது.

தெலுங்கானா காங்கிரஸ் தலைவர் ரேவந்த் ரெட்டியின் ஆதரவாளர்கள் ஐதராபாத்தில் உள்ள அவரது இல்லத்தின் முன்பு திரண்டனர்.

சத்தீஸ்கர் மாநிலம் ராய்பூரில் உள்ள வாக்குச்சாவடியில் பதிவான வாக்குகளை எண்ணும் பணி நடைபெற்று வருகிறது.

4 மாநில தேர்தல் முடிவுகள்: சத்தீஸ்கரில் காலை 9 மணி நிலவரப்படி காங்கிரஸ்- 47, பாஜக-37 ஆகிய இடங்களில் முன்னிலை