14 ஏ.சி., 5 LED டிவி.. ரூ.60 லட்சம் செலவில் முதல்வர் ரேகா குப்தா இல்ல பணிகள் - சர்ச்சையால் நிறுத்தம்
- 14 ஏர் கண்டிஷனர்கள் மற்றும் பல தொலைக்காட்சிகள் உட்பட, குடியிருப்பின் புதுப்பிப்புக்காக ரூ.60 லட்சம் நிதி ஒதுக்கப்பட்டது.
- அதில் விளக்கு அமைப்புகளுக்கு மட்டுமே ரூ.6 லட்சத்திற்கும் அதிகமான நிதி ஒதுக்கப்பட்டது.
டெல்லி முதல்வர் ரேகா குப்தாவின் வீட்டின் ரூ.60 லட்சம் மதிப்பிலான புதுப்பித்தல் பணிகள் சர்ச்சைக்கு பின் நிறுத்தி வைக்கப்பட்டுள்ளது.
ராஜ் நிவாஸ் மார்க்கில் உள்ள ரேகா குப்தாவுக்கு இரண்டு பங்களாக்கள் ஒதுக்கப்பட்டுள்ளன. ஒன்று குடியிருப்புக்காகவும் மற்றொன்று அலுவலகப் பணிகளுக்காகவும் ஒதுக்கப்பட்டுள்ளது. இந்த அலுவலகம் கடந்த ஆண்டு திறக்கப்பட்டது.
14 ஏர் கண்டிஷனர்கள் மற்றும் , 5 LED தொலைக்காட்சிகள் உட்பட, குடியிருப்பின் புதுப்பிப்புக்காக ரூ.60 லட்சம் நிதி ஒதுக்கப்பட்டது. அதில் விளக்கு அமைப்புகளுக்கு மட்டுமே ரூ.6 லட்சத்திற்கும் அதிகமான நிதி ஒதுக்கப்பட்டது.
செவ்வாய்க்கிழமை பொதுப்பணித்துறை வெளியிட்ட டெண்டரின்படி, முதல் கட்ட கட்டுமானப் பணிகள் ஜூலை மாத நடுப்பகுதியில் தொடங்க திட்டமிடப்பட்டது.
பள்ளி கட்டண உயர்வு, விலைவாசி உயர்வு மற்றும் வேலையின்மை போன்ற பிரச்சினைகளால் மக்கள் பாதிக்கப்பட்ட நேரத்தில் முதலமைச்சரின் வீண் செலவுகளை ஆம் ஆத்மி மற்றும் காங்கிரஸ் விமர்சித்தது. இதைத்தொடர்நது நிர்வாக காரணங்களுக்காக புதுப்பித்தல் பணிகள் நிறுத்திவைக்கப்பட்டதாக டெல்லி அரசு அறிவித்தது.
முன்னதாக கடந்த பிப்ரவரி சட்டமன்றத் தேர்தலில் கெஜ்ரிவால் ஆடம்பர பங்களாவில் வசிப்பதாக பாஜக பிரசாரம் செய்து வெற்றி பெற்றது குறிப்பிடத்தக்கது.