டாக்டர் வைத்திலிங்கத்திற்கு ஆதரவாக அமைச்சர் பா.பென்ஜமின் வீதி வீதியாக பிரசாரம்

சென்னை:

ஸ்ரீபெரும்புதூர் தொகுதியில் அ.தி.மு.க. கூட்டணி சார்பில் பா.ம.க. வேட்பாளர் டாக்டர் அ.வைத்திலிங்கம் போட்டியிடுகிறார்.

மாம்பழம் சின்னத்தில் போட்டியிடும் அவருக்கு ஆதரவாக ஊரகத் தொழில் துறை அமைச்சர் பா.பென்ஜமின் தீவிர பிரசாரம் செய்து வருகிறார். தேர்தலுக்கு இன்னும் 7 நாட்களே உள்ள நிலையில் அவர் கொளுத்தும் வெயிலில் வாக்கு சேகரித்தார்.

படித்தவரை தேர்வு செய்து பாராளுமன்றத்திற்கு அனுப்பினால் தான் பல்வேறு திட்டங்களை கொண்டு வர முடியும். மக்களின் எதிர்பார்ப்புகளை நிறைவேற்றக் கூடிய மக்களின் மனநிலையை அறியக் கூடிய மருத்துவராக வைத்திலிங்கம் இருப்பதால் அவரை வெற்றி பெற செய்யுங்கள் என்று மதுரவாயல் தொகுதிக்கு உட்பட்ட சென்னை மாநகராட்சி வார்டுகளில் ஆதரவு திரட்டினார்.

அமைச்சர் பா.பென்ஜமினுடன் திருவள்ளூர் மாவட்ட அவை தலைவர் கா.சு. ஜனார்த்தனம், வட்ட செயலாளர் கந்தன், பா.ம.க. மாநில துணை பொதுச்செயலாளர் கே.என். சேகர், திருவள்ளூர் மாவட்ட செயலாளர் பிரகாஷ் மற்றும் அ.தி.முக.. கூட்டணி கட்சி நிர்வாகிகள் பிரசாரத்தில் ஈடுபட்டனர். #LokSabhaElections2019