தங்கம் விலை சவரனுக்கு ரூ.200 குறைந்தது

சென்னை:

தங்கம் விலை கடந்த சில நாட்களாகவே ஏற்ற இறக்கமாக காணப்படுகிறது.

கடந்த 5-ந்தேதி ஒரு பவுன் தங்கம் ரூ.38,680-க்கு விற்கப்பட்டது. மறுநாள் அது ரூ.38,720 ஆக உயர்ந்தது. 7-ந்தேதி தங்கம் விலை மீண்டும் குறைந்து ரூ.38,680-க்கு விற்றது.

8-ந்தேதி மீண்டும் ரூ.38,720 ஆக உயர்ந்தது. கடந்த 10-ந்தேதி பவுனுக்கு ரூ.520 குறைந்து ரூ.38,200-க்கு விற்றது. 11-ந்தேதி ரூ.37,920 ஆக குறைந்தது.

நேற்று முன்தினம் மேலும் குறைந்து ரூ.37,840-க்கு விற்பனையானது. ஆனால் நேற்று சற்று அதிகரித்து ரூ.38,080-க்கு விற்கப்பட்டது.

இந்த நிலையில் தங்கம் விலை பவுனுக்கு ரூ.200 குறைந்துள்ளது. ஒரு பவுன் தங்கம் ரூ.37,880-க்கு விற்கப்படுகிறது. நேற்று ஒரு கிராம் தங்கம் ரூ.4,760-க்கு விற்கப்பட்டது. இன்று பவுனுக்கு ரூ.25 குறைந்து ரூ.4,735-க்கு விற்கப்படுகிறது.

இதே போல் வெள்ளி விலையும் இன்று குறைந்துள்ளது. நேற்று ஒரு கிராம் வெள்ளி ரூ.62.50-க்கு விற்கப்பட்டது. இன்று கிராமுக்கு 20 காசுகள் குறைந்து ரூ.62.30-க்கு விற்கப்படுகிறது. 1 கிலோ பார் வெள்ளி ரூ.62,30-க்கு விற்கப்படுகிறது.