சேலத்தில் 2 இடங்களில் தீ விபத்து

சேலம்:

சேலம் புதிய பஸ் நிலையத்தில் ஓசூர் பஸ்கள் நிற்கும் இடம் அருகே டைம் கீப்பருக்கான சிறிய ஷெட் உள்ளது. இதில் நள்ளிரவு திடீர் தீ விபத்து ஏற்பட்டது. தகவல் அறிந்து அங்கு வந்த தீயணைப்பு படையினர் தீயை அணைத்தனர். இதனால் அங்கு சிறிது நேரம் பரபரப்பு ஏற்பட்டது. இதே போல சேலம் கிச்சிப்பாளையம் ஓந்தான்காடு பகுதியை சேர்ந்த அப்துல் ரகீ.(55). இவர் வீட்டு மாடியில் மிட்டாய் தயாரிப்பு கூடம் வைத்துள்ளார். இங்கு நேற்று இரவு திடீர் தீ விபத்து ஏற்பட்டது. இதுபற்றி தகவல் அறிந்த செவ்வாய்பேட்டை தீயணைப்பு படையினர் விரைந்து சென்று தீயை அணைத்தனர்.