செய்திகள்
திமுக தலைவர் கருணாநிதிக்கு மருத்துவமனையில் தீவிர சிகிச்சை
உடல் நலம் பாதிக்கப்பட்ட திமுக தலைவர் கருணாநிதிக்கு காவேரி மருத்துவமனையில் தீவிர சிகிச்சை அளிக்கப்பட்டு வருகிறது. #Karunanidhi #DMK #KaveriHospital
சென்னை:
திமுக தலைவர் கருணாநிதிக்கு இன்று அதிகாலை மீண்டும் உடல்நலக் குறைவு ஏற்பட்டது. தகவலறிந்து ஆழ்வார்பேட்டை வீட்டில் இருந்து மு.க.ஸ்டாலின் மீண்டும் கோபாலபுரம் வீட்டுக்கு சென்றார். காவேரி மருத்துவமனை சார்பில் மருத்துவ குழுவினரும் வந்தனர்.
அதன்பின்னர், ஆம்புலன்ஸ் வரவழைக்கப்பட்டு சிகிச்சைக்காக அவர் காவேரி மருத்துவமனைக்கு அழைத்துச் செல்லப்பட்டார்.
காவேரி மருத்துவமனையில் அனுமதிக்கப்பட்ட கருணாநிதிக்கு அங்கு மருத்துவ குழுவினர் தீவிர சிகிச்சை அளித்து வருகின்றனர்.
ஸ்டாலின், ராஜாத்தி அம்மாள், கனிமொழி, துரைமுருகன், ராஜா உள்பட பலரும் மருத்துவமனையில் வருகை தந்தனர்.
தகவலறிந்து திமுக தொண்டர்கள் அதிகாலையில் கோபாலபுரம் இல்லம் மற்றும் காவேரி மருத்துவமனையில் குவிந்தனர். அவர்கள் கருணாநிதி வாழ்க, வாழ்க என கோஷம் போட்டனர்.