எல்லாவற்றையும் சிறப்பாக மாற்றிவிட்டாய்...காதலிக்கு பிறந்தநாள் வாழ்த்து தெரிவித்த கே.எல்.ராகுல்

ஆஸ்திரேலியாவில் டி20 உலகக் கோப்பை நடைபெற்று வருகிறது. இந்த தொடரின் அரையிறுதியில் இந்திய அணி இடம் பெற நாளைய போட்டியில் வெற்றி பெற வேண்டிய கட்டாயத்தில் உள்ளது. ரோகித் சர்மா தலைமையிலான இந்தியா தன்னுடைய முதல் 4 போட்டிகளில் 3 வெற்றிகளை பதிவு செய்துள்ளது.

இதனால் 2007-க்குப்பின் 2-வது உலக கோப்பையை வெல்லுமா என்ற எதிர்பார்ப்பு இந்திய ரசிகர்களிடம் ஏற்பட்டுள்ளது. இந்த தொடரின் முதல் 3 போட்டிகளில் சொதப்பிய ராகுல் 4-வது போட்டியில் சிறப்பான ஆட்டத்தை வெளிப்படுத்தி அரை சதம் அடித்தார்.

இந்நிலையில் இன்று அவரது காதலியான அதியா ஷெட்டிக்கு இன்ஸ்ட்கிராமில் பிறந்தநாள் வாழ்த்து கூறியுள்ளார். அதில் இனிய பிறந்தநாள் வாழ்த்துக்கள் என் (ஜோக்கர் பொம்மை போடப்பட்டுள்ளது) நீ அனைத்தையும் சிறப்பாய் மாற்றிவிட்டாய் என பதிவிட்டிருந்தார்.

மேலும் இந்திய அணியின் முன்னாள் கேப்டன் விராட் கோலிக்கும் இன்று பிறந்தநாள் என்பது குறிப்பிடத்தக்கது.