தமிழக அரசியல் களத்தில் இறங்கியுள்ள நடிகர் கமல்ஹாசன் இன்று தனது கட்சியின் பெயர் கொள்கைகளை அறிவிக்க உள்ளார். ராமேஸ்வரத்தில் உள்ள அப்துல் கலாம் இல்லத்தில் இருந்து தனது அரசியல் பயணத்தை தொடங்க திட்டமிட்டிருந்தார். முதல்கட்டமாக இன்று காலை அப்துல் கலாம் வீட்டில் இருந்து தனது அரசியல் பயணத்தை நடிகர் கமல் தொடங்கினார்.
தனது கட்சிப் பெயர், கொடி, கொள்கை உள்ளிட்டவற்றை இன்று தனது ரசிகர்கள் முன்பு இன்று அறிவிக்கும் கமல், மாலை 6.30 மணிக்கு மதுரையில் நடக்கும் பொதுக்கூட்டத்தில் பேச இருக்கிறார்.
இந்நிலையில், நடிகர் கமல்ஹாசன் அரசியல் பயணம் குறித்து தமிழகத்தை சேர்ந்தவரும், இந்திய அணியின் முன்னணி சுழற்பந்து வீச்சாளரான ரவிசந்திரன் அஸ்வின் ட்விட்டரில் கூறியிருப்பதாவது.
“தமிழகத்தில் இருந்து மற்றொரு சூப்பர் ஸ்டார் நடிகர் கமல்ஹாசன் இன்று மாலை தனது அரசியல் கட்சியை தொடங்குகிறார். அவரது வருகை அரசியல் களத்தில் ஒரு பெரிய மாற்றம் ஏற்படுமா?” என அவர் பதிவிட்டுள்ளார்.
#KamalHaasan #KamalPartyLaunch #Ashwin #RavichandranAshwin #RAshwin
