என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
தொழில்நுட்பம்
X
வாட்ஸ்அப் ஸ்டேட்டஸ்களில் விளம்பரங்கள் - முக்கிய முடிவை எடுத்த ஃபேஸ்புக்
Byமாலை மலர்26 April 2020 5:45 AM GMT (Updated: 25 April 2020 11:38 AM GMT)
வாட்ஸ்அப் ஸ்டேட்டஸ்களில் விளம்பரங்களை வழங்குவது குறித்து ஃபேஸ்புக் நிறுவனம் முக்கிய முடிவை எடுத்துள்ளது.
வாட்ஸ்அப் ஸ்டேட்டஸ்களில் விளம்பரங்களை வழங்கும் திட்டத்தை ஃபேஸ்புக் நிறுவனர் மார்க் ஜூக்கர்பர்க் தற்காலிகமாக கைவிட்டு விட்டதாக சில தினங்களுக்கு முன் தகவல் வெளியானது. இதன் மூலம் முதலீட்டாளர்கள் கோபமுற்று இருப்பதாகவும் கூறப்படுகிறது.
இந்த நிறுவனம் வாட்ஸ்அப் மொபைல் போன் நம்பர்களை ஃபேஸ்புக்குடன் இணைந்து, வாட்ஸ்அப் அக்கவுண்ட்களில் எதுபோன்ற விளம்பரங்களை பதிவிடலாம் என்பதை முடிவு செய்யும் என கூறப்படுகிறது. இந்த திட்டம் ஃபேஸ்புக் நிறுவனத்திற்குள் சர்ச்சை ஏர்படுத்தி இருப்பதாக கூறப்படுகிறது.
இதை செயல்படுத்தும் பட்சத்தில், பெரும்பாலான பயனர்கள் தங்களின் ஃபேஸ்புக் அக்கவுண்ட்களை அழிக்க வாய்ப்புள்ளது என ஃபேஸ்புக் நிறுவனம் கருதுவதாக தெரிகிறது.
முன்னதாக கடந்த ஆண்டு ஆகஸ்ட் மாதத்தில் ஃபேஸ்புக் நிறுவனம் தனது வாட்ஸ்அப் செயலியில் விளம்பரங்களை வழங்க இருப்பதாக தகவல் வெளியானது. பின் வாட்ஸ்அப் துணை தலைவர் க்ரிஸ் டேனியல்ஸ் வாட்ஸ்அப் ஸ்டேட்டஸ் பகுதியில் விளம்பரங்கள் வழங்க இருப்பதாக தெரிவித்தார். தற்சமயம் வெளியாகி இருக்கும் தகவல்களில் ஃபேஸ்புக் நிறுவனம் தனது செயலியில் விளம்பரங்களை வழங்க வேண்டாம் என முடிவு செய்துள்ளதாக கூறப்பட்டு இருக்கிறது.
மேலும் சில மாதங்களுக்கு முன்பே வாட்ஸ்அப் நிறுவனம் தனது செயலியில் விளம்பரங்களை வழங்க நியமிக்கப்பட்டு இருந்த குழுவை களைத்துவிட்டதாக கூறப்படுகிறது. பின் செயலியின் குறியீடுகளில் இருந்து விளம்பரங்களை சேர்க்கும் குறியீடுகளை நீக்கிவிட்டதாக தகவல் வெளியாகியுள்ளது.
அதன்படி வாட்ஸ்அப் ஆண்ட்ராய்டு பீட்டா 2.19.356 பதிப்பில் ஸ்டேட்டஸ்களில் விளம்பரங்களை சேர்க்க செய்யும் குறியீடுகள் எதுவும் இல்லை என வாட்ஸ்அப் புதிய அம்சங்கள் பற்றிய தகவல்களை வெளியிடும் நிறுவனம் தெரிவித்து இருக்கிறது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X