மொபைல்ஸ்

இந்திய ஸ்மார்ட்போன் சந்தையில் சக்திவாய்ந்த மாடல்களில் ஒன்பிளஸ் 8 குறிப்பிடத்தக்க ஒன்றாக இருக்கிறது. ரூ. 41,999 விலையில் கிடைக்கும் ஒன்பிளஸ் 8 ஸ்மார்ட்போனில் ஸ்னாப்டிராகன் 865 பிராசஸர், 5ஜி கனெக்டிவிட்டி, தலைசிறந்த கேமரா உள்ளிட்டவை வழங்கப்பட்டு உள்ளது.

விரைவில் ஒன்பிளஸ் 8டி ஸ்மார்ட்போன் இந்திய சந்தையில் அறிமுகமாக இருக்கிறது. இந்நிலையில், ஒன்பிளஸ் 8 மாடலுக்கு சிறப்பு சலுகை வழங்கப்படுகிறது. அமேசான் தளத்தில் ஒன்பிளஸ் 8 மாடலுக்கு ரூ. 3 ஆயிரம் தள்ளுபடி வழங்கப்படுகிறது. தேர்வு செய்யப்பட்ட வங்கி கார்டுகள், மாத தவணைகளுக்கு ரூ. 3 ஆயிரம் கேஷ்பேக் வழங்கப்படுகிறது.

அந்த வகையில் விலை குறைப்பின் படி ஒன்பிளஸ் 8 பேஸ் வேரியண்ட் ஆன 6 ஜிபி ரேம் மாடல் ரூ. 38,999 விலையில் கிடைக்கிறது. இந்த சலுகை அக்டோபர் 9 ஆம் தேதி வரை வழங்கப்படுகிறது. 

ஒன்பிளஸ் 8 சிறப்பம்சங்கள்:

- 6.55 இன்ச் 1080x2400 பிக்சல் FHD+ 402 ppi 20:9 ஃபிளுயிட் AMOLED டிஸ்ப்ளே

- 3D கார்னிங் கொரில்லா கிளாஸ் பாதுகாப்பு

- 2.84 ஜிகாஹெர்ட்ஸ் ஆக்டாகோர் ஸ்னாப்டிராகன் 865 பிராசஸர்

- அட்ரினோ 650 GPU

- 8 ஜிபி LPDDR4X ரேம், 128 ஜிபி UFS 3.0 மெமரி

- 12 ஜிபி LPDDR4X ரேம், 256 ஜிபி UFS 3.0 மெமரி

- ஆண்ட்ராய்டு 10 மற்றும் ஆக்சிஜன் ஒஎஸ் 10.0

- டூயல் சிம்

- 48 எம்பி பிரைமரி கேமரா, 0.8μm, f/1.75, OIS + EIS 

- 16 எம்பி 116° அல்ட்ரா வைடு கேமரா, f/2.2

- 2 எம்பி மேக்ரோ கேமரா, f/2.4, 4K வீடியோ

- 16 எம்பி செல்ஃபி கேமரா, f/2.45, EIS

- இன் டிஸ்ப்ளே கைரேகை சென்சார்

- யுஎஸ்பி டைப் சி, டூயல் ஸ்டீரியோ ஸ்பீக்கர்கள், டால்பி அட்மோஸ்

- 5ஜி SA/NSA, டூயல் 4ஜி வோல்ட்இ, வைபை, ப்ளூடூத்

- யுஎஸ்பி டைப் சி

- 4300 எம்ஏஹெச் பேட்டபி

- ராப் சார்ஜ் 30T ஃபாஸ்ட் சார்ஜிங் 

போக்கோ பிராண்டின் புதிய போக்கோ சி3 ஸ்மார்ட்போன் அக்டோபர் 6 ஆம் தேதி இந்தியாவில் அறிமுகமாகிறது. இந்த ஸ்மார்ட்போன் ப்ளிப்கார்ட் தளத்தில் மட்டும் பிரத்யேகமாக விற்பனை செய்யப்பட இருக்கிறது.

ஏற்கனவே வெளியான தகவல்களின் படி கடந்த ஜூன் மாதத்தில் அறிமுகம் செய்யப்பட்ட ரெட்மி 9சி ஸ்மார்ட்போன் போக்கோ சி3 பெயரில் அறிமுகம் செய்யப்படலாம் என எதிர்பார்க்கப்படுகிறது. 

தற்போதைய டீசர்களின் படி புதிய ஸ்மார்ட்போன் மூன்று பிரைமரி கேமராக்கள் கொண்டிருக்கும் என தெரியவந்துள்ளது. மேலும் இது கேம் சேன்ஜராக இருக்கும் என போக்கோ டீசர்களில் தெரிவிக்கப்பட்டு இருக்கிறது. 

இந்த ஸ்மார்ட்போனில் 6.53 இன்ச் எல்சிடி டாட் டிராப் நாட்ச் ஸ்கிரீன், 2.3 ஜிகாஹெர்ட்ஸ் ஆக்டாகோர் மீடியாடெக் ஹீலியோ ஜி35 பிராசஸர் வழங்கப்பட இருப்பதாக கூறப்படுகிறது. இத்துடன் 13 எம்பி பிரைமரி கேமரா, 2 எம்பி மேக்ரோ கேமரா மற்றும் 2 எம்பி டெப்த் சென்சார் வழங்கப்படலாம்.

இத்துடன் பின்புறம் கைரேகை சென்சார், 5000 எம்ஏஹெச் பேட்டரி வழங்கப்படலாம் என தெரிகிறது. புதிய போக்கோ சி3 ஸ்மார்ட்போன் 4 ஜிபி + 64 ஜிபி வேரியண்ட்டில் அறிமுகம் செய்யப்படலாம் என எதிர்பார்க்கப்படுகிறது.

இந்தியாவில் சியோமியின் ரெட்மி நோட் 9 ஸ்மார்ட்போன் ஓபன் சேல் முறையில் விற்பனை செய்யப்படுகிறது. ஓபன் சேல் விற்பனை சியோமியின் அதிகாரப்பூர்வ வலைதளத்தில் விற்பனை செய்யப்படுகிறது.

ரெட்மி நோட் 9 ஸ்மார்ட்போன் இந்தியாவில் இரு மாதங்களுக்கு முன் அறிமுகம் செய்யப்பட்டது. எனினும், இதுவரை இந்த ஸ்மார்ட்போன் பிளாஷ் முறையில் விற்பனை செய்யப்பட்டு வந்தது. ரெட்மி நோட் 9 மாடலில் பன்ச் ஹோல் டிஸ்ப்ளே, குவாட் கேமரா சென்சார்கள் மற்றும் 5020 எம்ஏஹெச் பேட்டரி வழங்கப்பட்டு இருக்கின்றன.

சியோமி அதிகாரப்பூர்வ வலைதளம் மட்டுமின்றி எம்ஐ ஹோம் ஸ்டோர்களிலும் விற்பனை செய்யப்படுகிறது. இந்தியாவில் ரெட்மி நோட் 9 ஸ்மார்ட்போன் 4 ஜிபி + 64 ஜிபி மெமரி மாடல் விலை ரூ. 11,999 என்றும் 4 ஜிபி + 128 ஜிபி மெமரி மாடல் விலை ரூ. 13,499 என்றும் டாப் எண்ட் 6 ஜிபி + 128 ஜிபி மாடல் ரூ. 14,999 என நிர்ணயம் செய்யப்பட்டு உள்ளது.

சிறப்பம்சங்களை பொருத்தவரை ரெட்மி நோட் 9 ஸ்மார்ட்போனில் 6.53 இன்ச் ஃபுல் ஹெச்டி பிளஸ் எல்சிடி ஸ்கிரீன், கார்னிங் கொரில்லா கிளாஸ் 5 பாதுகாப்பு, மீடியாடெக்  ஹீலியோ ஜி85 பிராசஸர், அதிகபட்சம் 6 ஜிபி ரேம், ஆண்ட்ராய்டு 10 மற்றும் எம்ஐ யுஐ 11 வழங்கப்பட்டுள்ளது. 

இத்துடன் 48 எம்பி பிரைமரி கேமரா, 8 எம்பி அல்ட்ரா வைடு லென்ஸ், 2 எம்பி மேக்ரோ சென்சார், 2 எம்பி டெப்த் சென்சார் வழங்கப்பட்டுள்ளது. முன்புறம் 13 எம்பி செல்ஃபி கேமரா வழங்கப்பட்டுள்ளது. 

இதுமட்டுமின்றி 3டி கர்வ்டு பேக் கொண்டிருக்கும் ரெட்மி நோட் 9 ஸ்மார்ட்போனின் பின்புறம் கைரேகை சென்சார், 5020 எம்ஏஹெச் பேட்டரி, 22.5 வாட் ஃபாஸ்ட் சார்ஜர், 9 வாட் ரிவர்ஸ் சார்ஜிங் வசதி வழங்கப்பட்டு இருக்கிறது.

இந்தியாவில் சாம்சங் கேலக்ஸி எம்11 மற்றும் கேலக்ஸி எம்01 ஸ்மார்ட்போன்களுக்கு விலை குறைப்பு அறிவிக்கப்பட்டு உள்ளது. கேலக்ஸி எம்11 ஸ்மார்ட்போனின் விலை முதல் முறையாக குறைக்கப்படுகிறது. கேலக்ஸி எம்01 ஸ்மார்ட்போனின் விலை இரண்டாவது முறையாக குறைக்கப்பட்டு இருக்கிறது.

இரு சாம்சங் ஸ்மார்ட்போன்களும் இந்த ஆண்டு ஜூன் மாத வாக்கில் அறிமுகம் செய்யப்பட்டன. தற்சமயம் கேலக்ஸி எம்11 ஸ்மார்ட்போனின் விலையில் ரூ. 1000 வரை குறைக்கப்பட்டு இருக்கிறது. கேலக்ஸி எம்01 ஸ்மார்ட்போனிற்கு ரூ. 400 விலை குறைப்பு அறிவிக்கப்பட்டு உள்ளது.

விலை குறைப்பின் படி கேலக்ஸி எம்11 ஸ்மார்ட்போனின் 3 ஜிபி + 32 ஜிபி மாடல் ரூ. 10,499 என்றும் 4 ஜிபி + 64 ஜிபி மாடல் ரூ. 11,999 என மாறி இருக்கிறது. இந்த ஸ்மார்ட்போன் பிளாக், மெட்டாலிக் புளூ மற்றும் வயலெட் நிறங்களில் கிடைக்கிறது. 

கேலக்ஸி எம்01 ஸ்மார்ட்போனின் 3 ஜிபி + 32 ஜிபி மாடல் விலை ரூ. 7999 என மாறி இருக்கிறது. இது பிளாக், புளூ மற்றும் ரெட் நிறங்களில் கிடைக்கிறது. இரு மாடல்களும் அமேசான் மற்றும் சாம்சங் வலைதளங்களில் விற்பனை செய்யப்படுகிறது.

சாம்சங் கேலக்ஸி எம்01 சிறப்பம்சங்கள்

- 5.7 இன்ச் 1520×720 பிக்சல் HD+ LCD இன்ஃபினிட்டி வி டிஸ்ப்ளே

- ஆக்டா-கோர் ஸ்னாப்டிராகன் 439 பிராசஸர்

- அட்ரினோ 505 GPU

- 3 ஜிபி ரேம், 32 ஜிபி மெமரி

- மெமரியை கூடுதலாக நீட்டிக்கும் வசதி

- ஆண்ட்ராய்டு 10 மற்றும் ஒன்யுஐ 2.0

- டூயல் சிம்

- 13 எம்பி பிரைமரி கேமரா, எல்இடி ஃபிளாஷ்

- 2 எம்பி இரண்டாவது டெப்த் சென்சார்

- 5 எம்பி செல்ஃபி கேமரா

- ஃபேஸ் அன்லாக்

- 3.5 எம்எம் ஆடியோ ஜாக், எஃப்எம் ரேடியோ, டால்பி அட்மோஸ்

- டூயல் 4ஜி வோல்ட்இ, வைபை, ப்ளூடூத் 4.2

- 4000 எம்ஏஹெச் பேட்டரி

ரியல்மி நிறுவனம் தனது ரியல்மி 7ஐ ஸ்மார்ட்போன் இந்தியாவில் அக்டோபர் 7 ஆம் தேதி அறிமுகமாகும் என அறிவித்து உள்ளது. இதே நாளில் ரியல்மி ஸ்மார்ட் டிவி SLED அறிமுகமாகும் என ஏற்கனவே அறிவிக்கப்பட்டு இருந்தது. இவை ப்ளிப்கார்ட் தளத்தில் விற்பனை செய்யப்பட இருக்கின்றன.

ரியல்மி 7ஐ சிறப்பம்சங்கள்:

- 6.5 இன்ச் 1600x720 பிக்சல் HD+ LCD ஸ்கிரீன்

- ஆக்டாகோர் ஸ்னாப்டிராகன் 662 பிராசஸர்

- அட்ரினோ 610 ஜிபியு

- 4 ஜிபி / 6 ஜிபி LPDDR4x ரேம்

- 64 ஜிபி / 128 ஜிபி மெமரி

- மெமரியை கூடுதலாக நீட்டிக்கும் வசதி

- டூயல் சிம்

- ஆண்ட்ராய்டு 10 மற்றும் ரியல்மி யுஐ

- 64 எம்பி பிரைமரி கேமரா, எல்இடி ஃபிளாஷ்

- 8 எம்பி அல்ட்ரா வைடு கேமரா

- 2 எம்பி டெப்த் கேமரா

- 2 எம்பி மேக்ரோ கேமரா

- 16 எம்பி செல்ஃபி கேமரா

- பின்புறம் கைரேகை சென்சார்

- 3.5 எம்எம் ஆடியோ ஜாக், எஃப்எம் ரேடியோ

- டூயல் 4ஜி வோல்ட்இ, வைபை, ப்ளூடூத் 5

- யுஎஸ்பி டைப்-சி

- 5000 எம்ஏஹெச் பேட்டரி

- 18 வாட் ஃபாஸ்ட் சார்ஜிங்

இதுமட்டுமின்றி ரியல்மி நிறுவனம் தனது ரியல்மி 7ப்ரோ ஸ்பெஷல் எடிஷனை அறிமுகம் செய்ய இருப்பதாக அறிவித்து உள்ளது. இந்த மாடலில் சன் கிஸ்டு லெதர் பினிஷ் கொண்டிருக்கும். இத்துடன் பல்வேறு இதர சாதனங்களும் அக்டோபர் 7 நிகழ்வில் அறிமுகம் செய்ய ரியல்மி திட்டமிட்டு உள்ளது.

ஹெச்எம்டி குளோபல் நிறுவனம் நோக்கியா 9.3 பியூர்வியூ, நோக்கியா 7.3 5ஜி மற்றும் நோக்கியா 6.3 ஸ்மார்ட்போன்களை நவம்பர் மாத வாக்கில் அறிமுகம் செய்ய இருப்பதாக தகவல் வெளியாகி இருக்கிறது. இவற்றில் நோக்கியா 9.3 பியூர்வியூ பிளாக்ஷிப் மாடல் ஆகும். இந்த மாடல் பற்றிய விவரங்கள் பலமுறை இணையத்தில் லீக் ஆகி இருக்கின்றன.

நோக்கியா 7.3 5ஜி மற்றும் நோக்கியா 6.3 மாடல் பற்றிய விவரங்களும் அவ்வப்போது இணையத்தில் வெளியாகி இருக்கின்றன. நோக்கிாயா 9.3 மாடலில் 120 ஹெர்ட்ஸ் டிஸ்ப்ளே, 108 எம்பி பிரைமரி கேமரா, 8கே வீடியோ ரெக்கார்டிங் வசதி வழங்கப்படும் என எதிர்பார்க்கப்படுகிறது.

இதேபோன்று நோக்கியா 7.3 5ஜி மாடலில் 6.5 இன்ச் ஃபுல் ஹெச்டி பிளஸ் பன்ச் ஹோல் டிஸ்ப்ளே, குவால்காம் ஸ்னாப்டிராகன் 690 பிராசஸர், 48 எம்பி பிரைமரி கேமரா, 24 எம்பி செல்பி கேமரா மற்றும் 4000 எம்ஏஹெச் பேட்டரி வழங்கப்படலாம் என கூறப்படுகிறது.

நோக்கியா 6.3 மாடலில் 6.2 இன்ச் ஃபுல் ஹெச்டி பிளஸ் டிஸ்ப்ளே, பியூர் டிஸ்ப்ளே பிராண்டிங், 3 ஜிபி / 4 ஜிபி / 6 ஜிபி ரேம், 32 ஜிபி / 64 ஜிபி / 128 ஜிபி மெமரி, குவாட் கேமரா சென்சார்கள், 16 எம்பி செல்பி கேமரா மற்றும் 4000 எம்ஏஹெச் பேட்டரி வழங்கப்படுகிறது.

இந்தியாவில் ரெட்மி 9ஏ ஸ்மார்ட்போனின் 6 ஜிபி ரேம், 128 ஜிபி மெமரி வேரியண்ட் இந்தியாவில் அறிமுகம் செய்யப்பட்டது. இதன் விலை CNY999 இந்திய மதிப்பில் ரூ. 10,900 என நிர்ணயம் செய்யப்பட்டு இருக்கிறது.

தற்சமயம் புதிய மாடல் சீன சந்தையில் அறிமுகம் செய்யப்பட்டு இருக்கிறது. அந்த வகையில் இதன் இந்திய வெளியீடு பற்றி இதுவரை எந்த தகவலும் இல்லை. ஏற்கனவே ரெட்மி 9ஏ ஸ்மார்ட்போன் 4 ஜிபி + 64 ஜிபி, 2 ஜிபி + 32 ஜிபி மற்றும் 4 ஜிபி + 128 ஜிபி  என மூன்று வித நிறங்களில் கிடைக்கிறது. 

புதிய ரெட்மி 9ஏ ஸ்மார்ட்போனில் 6.53 இன்ச் எல்சிடி டாட் டிராப் நாட்ச் ஸ்கிரீன், 5000 எம்ஏஹெச் பேட்டரி, ஆக்டாகோர் மீடியாடெக் ஹீலியோ ஜி25 பிராசஸர் வழங்கப்பட்டு உள்ளது. 

புகைப்படங்களை எடுக்க 13 எம்பி பிரைமரி கேமரா, 5எம்பி செல்ஃபி கேமரா வழங்கப்பட்டுள்ளது. இத்துடன் ஆண்ட்ராய்டு 10 மற்றும் எம்ஐயுஐ 12 இயங்குதளம் கொண்டு இயங்குகிறது. 

ரெட்மி 9ஏ சிறப்பம்சங்கள்:

- 6.53 இன்ச் 1600x720 பிக்சல் ஹெச்டி பிளஸ் ஸ்கிரீன்

- 2 ஜிகாஹெர்ட்ஸ் ஆக்டாகோர் மீடியாடெக் ஹீலியோ ஜி25 பிராசஸர்

- ஐஎம்ஜி பவர்விஆர் ஜிஇ8320 ஜிபியு

- 2 ஜிபி / 3 ஜிபி ரேம்

- 32 ஜிபி மெமரி

- மெமரியை கூடுதலாக நீட்டிக்கும் வசதி

- டூயல் சிம்

- ஆண்ட்ராய்டு 10 மற்றும் எம்ஐயுஐ 12

- 13 எம்பி பிரைமரி கேமரா, எல்இடி ஃபிளாஷ், f/2.2

- 5 எம்பி செல்பி கேமரா, f/2.2

- 3.5 எம்எம் ஆடியோ ஜாக், எஃப்எம் ரேடியோ

- ஸ்பிலாஷ் ப்ரூஃப்

- டூயல் 4ஜி வோல்ட்இ, வைபை, ப்ளூடூத் 5

- மைக்ரோ யுஎஸ்பி 

- 5000 எம்ஏஹெச் பேட்டரி

- 10 வாட் சார்ஜிங்

ரியல்மி யுஐ 2.0 கொண்ட புதிய ஸ்மார்ட்போன் அக்டோபர் மாத வாக்கில் அறிமுகமாகும் என ரியல்மி துணை  தலைவர் தெரிவித்து இருந்தார். இந்நிலையில், புதிய ரியல்மி ஸ்மார்ட்போன் கியூ சீரிஸ் பிராண்டிங் கொண்டிருக்கும் என தகவல் வெளியாகி உள்ளது.

மேலும் ரியல்மி கியூ சீரிஸ் ஸ்மார்ட்போன் அக்டோபர் 13 ஆம் தேதி அறிமுகமாகும் என்றும் கூறப்படுகிறது. புதிய ஸ்மார்ட்போன் பற்றி ரியல்மி சார்பில் இதுவரை எந்த தகவலும் வழங்கப்படவில்லை. 

முன்னதாக RMX2173 மற்றும் RMX2117 எனும் மாடல் நம்பர்கள் கொண்ட இரு ரியல்மி ஸ்மார்ட்போன் TENAA வலைதளத்தில் சான்று பெற்று இருந்தன. இதில் RMX2176 சிறப்பம்சங்கள் ரியல்மி எக்ஸ்7  மாடலில் இருந்ததை போன்றே கொண்டிருக்கிறது.

இதனால் RMX2176 மாடல் நம்பர் கொண்ட ஸ்மார்ட்போன் ரியல்மி எக்ஸ்7 லைட் எனும் பெயரில் அறிமுகமாகும் என கூறப்படுகிறது. இரு மாடல்களிலும் கேமரா மட்டும் வேறுபடும் என தெரிகிறது. RMX2173 மாடல் நம்பர் கொண்ட ஸ்மார்ட்போன் ரியல்மி கியூ சீரிசில் வெளியாகும் என கூறப்படுகிறது.

முன்னதாக 2019 ஆண்டில் ரியல்மி கியூ மாடல் அறிமுகம் செய்யப்பட்டு, பின் அது ரியல்மி 5 ப்ரோ என ரி-பிராண்டு செய்யப்பட்டது. இதன் காரணமாக புதிய கியூ சீரிஸ் மாடல் ரியல்மி கியூ2 எனும் பெயரில் அறிமுகமாகும் என தெரிகிறது. எனினும், இதுபற்றி அதிகாரப்பூர்வ தகவல் எதுவும் வெளியாகவில்லை.

ஐந்து கேமரா சென்சாருடன் உருவாகும் சாம்சங் ஸ்மார்ட்போன் விவரங்கள் இணையத்தில் லீக் ஆகி இருக்கிறது. இந்த ஸ்மார்ட்போன் கேலக்ஸி ஏ72 எனும் பெயரில் உருவாகி வருகிறது. இது ஐந்து கேமரா சென்சார் கொண்ட முதல் சாம்சங் ஸ்மார்ட்போன் ஆகும்.

சாம்சங் கேலக்ஸி ஏ72 ஸ்மார்ட்போன் அடுத்த ஆண்டின் முதல் அரையாண்டு காலக்கட்டத்தில் அறிமுகம் செய்யப்படலாம் என எதிர்பார்க்கப்படுகிறது. இந்த ஸ்மார்ட்போன் மிட்-ரேன்ஜ் பிரிவில் நிலைநிறுத்தப்படுகிறது. இது சாம்சங் கடந்த ஆண்டு அறிமுகம் செய்த கேலக்ஸி ஏ71 மாடலின் மேம்பட்ட வெர்ஷன் ஆகும்.

தற்போதைய தகவல்களின் படி கேலக்ஸி ஏ72 மாடலில் 64 எம்பி பிரைமரி கேமரா, 12 எம்பி அல்ட்ரா வைடு கேமரா, 8 எம்பி டெலிபோட்டோ கேமரா, 5 எம்பி மேக்ரோ கேமரா மற்றும் 5 எம்பி டெப்த் சென்சார் வழங்கப்படுகிறது. இத்துடன் 32 எம்பி செல்பி கேமரா வழங்கப்படுகிறது.

இதுதவிர அடுத்த ஆண்டு முதல் ஸ்மார்ட்போன்களின் கேமரா மாட்யூல்களின் எண்ணிக்கையை அதிகப்படுத்த சாம்சங் திட்டமிட்டு வருவதாக தகவல் வெளியாகி உள்ளது. மேலும் ஆப்டிக்கல் இமேஜ் ஸ்டேபிலைசேஷன் வசதி கொண்ட முதல் மாடலாக கேலக்ஸி ஏ72 இருக்கும் என்றும் கூறப்படுகிறது.

இத்துடன் உயர்-ரக கேலக்ஸி ஏ சீரிஸ் மாடல்களில் OIS தொழில்நுட்பம் வழங்கப்பட இருப்பதாக கூறப்படுகிறது. கேலக்ஸி ஏ72 மாடலுடன் கேலக்ஸி ஏ52 ஸ்மார்ட்போனும் அறிமுகம் செய்யப்படலாம் என தெரிகிறது.

ஒன்பிளஸ் நிறுவனத்தின் ஒன்பிளஸ் நார்டு ஸ்மார்ட்போன் ஓபன் சேல் முறையில் விற்பனை செய்யப்படுகிறது. ஓபன் சேல் அமேசான் இந்தியா மற்றும் ஒன்பிளஸ் அதிகாரப்பூர்வ வலைதளங்களில்ல் நடைபெறுகிறது. 

தற்சமயம் ஒன்பிளஸ் நார்டு 8 ஜிபி ரேம், 128 ஜிபி மெமரி வேரியண்ட் மற்றும் டாப் எண்ட் 12 ஜிபி ரேம் வேரியண்ட் ஓபன் சேல் முறையில் விற்பனை செய்யப்படுகிறது. இதன் பேஸ் வேரியண்ட் ஆன 6 ஜிபி ரேம் விற்பனை செப்டம்பர் 28 ஆம் தேதி பிளாஷ் விற்பனை செய்யப்பட இருக்கிறது.

இந்தியாவில் ஒன்பிளஸ் நார்டு பேஸ் வேரியண்ட் விலை ரூ. 24,999 முதல் துவங்குகிறது. இதன் 8 ஜிபி ரேம் வேரியண்ட் ரூ. 27,999 விலையிலும், டாப் எண்ட் 12 ஜிபி ரேம் மாடல் ரூ. 29,999 விலையில் விற்பனை செய்யப்படுகிறது. இரு வேரியண்ட்களும் ஓபன் சேல் விற்பனை செய்யப்படுகிறது.

சிறப்பம்சங்களை பொருத்தவரை ஒன்பிளஸ் நார்டு ஸ்மார்ட்போனில் 6.44 இன்ச் எஃப்ஹெச்டி பிளஸ் ஃபுளூயிட் AMOLED டிஸ்ப்ளே, 90 ஹெர்ட்ஸ் ரிஃப்ரெஷ் ரேட் வழங்கப்பட்டுள்ளது. 

புகைப்படங்களை எடுக்க 48 எம்பி பிரைமரி கேமரா, 8 எம்பி அல்ட்ரா வைடு ஆங்கில் கேமரா, 5 எம்பி டெப்த் சென்சார் மற்றும் 2 எம்பி மேக்ரோ சென்சார் வழங்கப்பட்டுள்ளது. இத்துடன் 32 எம்பி இன்-ஸ்கிரீன் கேமரா, 8 எம்பி அல்ட்ரா வைடு சென்சார் வழங்கப்பட்டுள்ளது.

ஹெச்எம்டி குளோபல் நிறுவனம் நோக்கியா 3.4 மற்றும் நோக்கியா 2.4 ஸ்மார்ட்போன் மாடல்களை பட்ஜெட் விலையில் சர்வதேச சந்தையில் அறிமுகம் செய்தது. 

சர்வதேச சந்தையை தொடர்ந்து தற்சமயம் இரு மாடல்களும் இந்திய சந்தையில் அறிமுகமாக இருப்பதாக தகவல் வெளியாகி உள்ளது. இதை உறுதிப்படுத்தும் வகையில் நோக்கியா 3.4 மற்றும் நோக்கியா 2.4 ஸ்மார்ட்போன்கள் நோக்கியா இந்தியா வலைதளத்தில் பட்டியலிடப்பட்டு இருக்கிறது. 

அந்த வகையில் இவற்றின் இந்திய வெளியீடு விரைவில் நடைபெறும் என எதிர்பார்க்கப்படுகிறது. எனினும், இவற்றின் சரியான வெளியீட்டு தேதி இதுவரை அறியப்படவில்லை.

சிறப்பம்சங்களை பொருத்தவரை நோக்கியா 3.4 ஸ்மார்ட்போனில் 6.39 இன்ச் பன்ச் ஹோல் ஹெச்டி பிளஸ் டிஸ்ப்ளே, ஆக்டாகோர் ஸ்னாப்டிராகன் 460 பிராசஸர், அதிகபட்சம் 4 ஜிபி ரேம், 64 ஜிபி மெமரி, மூன்று பிரைமரி கேமரா சென்சார்கள், 8 எம்பி செல்ஃபி கேமரா மற்றும் 4000 எம்ஏஹெச் பேட்டரி வழங்கப்படுகிறது.

நோக்கியா 2.4 ஸ்மார்ட்போனில் 6.5 இன்ச் ஹெச்டி பிளஸ் டிஸ்ப்ளே, மீடியாடெக் ஹீலியோ பி22 பிராசஸர், 3 ஜிபி ரேம், 64 ஜிபி மெமரி, 4500 எம்ஏஹெச் பேட்டரி, டூயல் பிரைமரி கேமராக்கள், 5 எம்பி செல்ஃபி கேமரா வழங்கப்படுகிறது. 

ஒன்பிளஸ் 8டி ஸ்மார்ட்போன் விரைவில் அறிமுகம் செய்யப்பட இருக்கிறது. இந்நிலையில், ஸ்மார்ட்போனின் விவரங்கள் ஒவ்வொன்றாக அதிகாரப்பூர்வமாக அறிவிக்கப்பட்டு வருகின்றன.

புதிய ஒன்பிளஸ் 8டி ஸ்மார்ட்போனில் பன்ச் ஹோல் ஸ்கிரீன் கொண்ட 120 ஹெர்ட்ஸ் AMOLED டிஸ்ப்ளே வழங்கப்படுவதாக ஒன்பிளஸ் அறிவித்து இருக்கிறது. இதைத் தொடர்ந்து ஒன்பிளஸ் ஸ்மார்ட்போன் விலை அமேசானில் தவறுதலாக பட்டியலிடப்பட்டு பின் உடனடியாக நீக்கப்பட்டது.

அதன்படி ஒன்பிளஸ் 8டி ஸ்மார்ட்போனின் 8 ஜிபி + 128 ஜிபி மெமரி மாடல் 599 யூரோக்கள், இந்திய மதிப்பில் ரூ. 51,559 என நிர்ணயம் செய்யப்பட இருக்கிறது. இது ஒன்பிளஸ் 8 ஐரோப்பிய வெர்ஷனை விட 50 யூரோக்கள் வரை குறைவு ஆகும். 

இதுவரை வெளியாகி இருக்கும் தகவல்களின்படி ஒன்பிளஸ் 8டி மாடலில் 6.5 இன்ச் 120Hz FHD+ டிஸ்ப்ளே, ஸ்னாப்டிராகன் 865 பிராசஸர், 48 எம்பி பிரைமரி கேமரா, 16 எம்பி சென்சார், 5 எம்பி சென்சார் மற்றும் 2 எம்பி சென்சார் மற்றும் 16 எம்பி செல்ஃபி கேமரா வழங்கப்படலாம் என கூறப்படுகிறது.