என் மலர்
நீங்கள் தேடியது "எலக்ட்ரிக் பைக்"
- சர்வீஸ் சென்டரில் இருந்து புகை வெளியேறியுள்ளது.
- பேட்டரிகள் தீயில் எரிந்து சேதமடைந்தன.
ஈரோடு:
ஈரோடு வீரப்பம் பாளை யம் பிரிவில் ரமேஷ் என்ப வர் இருசக்கர எலக்ட்ரிக் வாகன ஷோரூம் நடத்தி வருகிறார். நேற்று இரவு வழக்கம் போல அனைவரும் ஷோரூமை பூட்டிவிட்டு வீட்டுக்கு சென்றுவி ட்டனர்.
சிறிது நேரத்தில் ஷோரூம் அருகில் உள்ள சர்வீஸ் சென்டரில் இருந்து புகை வெளியேறியுள்ளது.
அதைக்கண்டு அருகில் இருந்தவர்கள் தீயணைப்பு நிலையத்துக்கு தகவல் தெரி வித்தனர். ஷோரூம் உரிமை யாளர் ரமேஷுக்கும் தகவலறிந்து அங்கு வந்தார்.
சம்ப வ இடத்துக்கு வந்த தீயணை ப்பு துறையினர் தீயை அணைத்து மேலும் பரவாமல் தடுத்தனர். உரிமையாளர் ரமேஷ் மற்றும் தீயணைப்புத் துறை யினர் அங்கிருந்த பேட்டரி களை மேலும் தீ பரவாமல் இருக்க அங்கிருந்து அப்புறப் படுத்தினர்.
இருப்பினும் இந்த தீ விபத்தில் 10-க்கும் மேற்பட்ட பேட்டரிகள் தீயில் எரிந்து சேதமடைந்தன.
அதிக நேரம் சார்ஜ் போடப்பட்டதால் பேட்டரிகளில் தீப்பிடித்தது முதல் கட்ட விசாரணையில் தெரிய வந்துள்ளது.
- இது ஸ்போர்ட்ஸ் பைக் மாடலாக இருக்கும் என்று கூறப்படுகிறது.
- இந்த மாடலில் பல்வேறு வசதிகள் வழங்கப்படலாம்.
ஓலா எலெக்ட்ரிக் நிறுவனம் பல்வேறு எலெக்ட்ரிக் மோட்டார்சைக்கிள் மாடல்களை உருவாக்கி வருவது அனைவரும் அறிந்ததே. புதிய எலெக்ட்ரிக் பைக் மாடல்களின் ப்ரோடோடைப் வெர்ஷனை ஓலா நிறுவனம் கடந்த ஆண்டு வெளியிட்டிருந்தது.
இந்த நிலையில், தான் உருவாக்கி வரும் புதிய எலெக்ட்ரிக் பைக் மாடல்களில் ஒன்றுக்கு ஓலா எலெக்ட்ரிக் நிறுவனம் காப்புரிமை பெற்றுள்ளது. இந்த பைக்கின் டிசைன் பார்க்க ரோட்ஸ்டர் கான்செப்ட் போன்றே காட்சியளிக்கிறது. எனினும், இது ஸ்போர்ட்ஸ் பைக் மாடலாக இருக்கும் என்று கூறப்படுகிறது.
இது தொடர்பான டிசைன் காப்புரிமைகளில் இந்த எலெக்ட்ரிக் பைக் க்ளிப் ஆன் ஹேண்டில்களை கொண்டிருக்கும் என தெரியவந்துள்ளது. மேலும் இதில் யு.எஸ்.டி. ஃபோர்க்குகளுக்கு மாற்றாக டெலிஸ்கோபிக் ஃபோர்க்குகள் வழங்கப்படுகின்றன. இதில் டிஸ்க் பிரேக் இடதுபுறமாக வழங்கப்படுகிறது.
ஓலா எலெக்ட்ரிக் ஸ்போர்ட்ஸ் பைக்கின் பேட்டரி மற்றும் மோட்டார் பற்றிய விவரங்கள் மர்மமாகவே உள்ளன. இந்த மாடலில் டி.எஃப்.டி., எல்.இ.டி. இலுமினேஷன், ரைட் மோட் என பல்வேறு வசதிகள் வழங்கப்படும் என்று எதிர்பார்க்கலாம்.
நெல்லையை அடுத்த கொண்டாநகரம் கிராமத்தை சேர்ந்தவர் டேனியல் ஆசீர் (வயது 42).
இவர் மருந்து விற்பனை பிரதிநிதியாக வேலை பார்த்து வருகிறார். இவர் தொழில் நிமித்தமாக செல்வதற்கு ‘எலக்ட்ரிக் பைக்’ பயன்படுத்தி வருகிறார்.
இந்நிலையில் இன்று காலை வீட்டின் முன்பு நிறுத்தி வைக்கப்பட்டிருந்த அவரது ‘எலக்ட்ரிக் பைக்’ திடீரென தீப்பிடித்து எரியத் தொடங்கியது. இதனைக் கண்டு அதிர்ச்சி அடைந்த அவர் வீட்டில் இருந்து தண்ணீரை ஊற்றி தீயை அணைக்க முயன்றார்.
ஆனாலும் தீ மளமளவென கொளுந்து விட்டு எரியத் தொடங்கியது. இதையடுத்து அவர் பேட்டை தீயணைப்பு நிலையத்திற்கு தகவல் கொடுத்தார். தீயணைப்பு வீரர்கள் சம்பவ இடத்திற்கு விரைந்து வந்து எரிந்து கொண்டிருந்த தீயை அணைத்தனர்.
இதனால் பெரும் விபத்து தவிர்க்கப்பட்டது. இந்த ‘எலக்ட்ரிக் பைக்’- ன் மதிப்பு ரூ.1 லட்சம் ஆகும்.
திடீரென ‘எலக்ட்ரிக் பைக்’ தீப்பிடித்து எரிய காரணம் என்ன? என்று விசாரணை நடந்து வருகிறது.
