search icon
என் மலர்tooltip icon

    நீங்கள் தேடியது "Svitolina"

    எட்டு முன்னணி வீராங்கனைகள் பங்கேற்று விளையாடும் உலக பைனல்ஸ் டென்னிஸ் தொடரில் ஸ்விடோலினா அரையிறுதிக்கு முன்னேறியுள்ளார். #WTAFinals #CarolineWozniacki #ElinaSvitolina
    சிங்கப்பூர்:

    டாப்-8 வீராங்கனைகள் மட்டுமே பங்கேற்றுள்ள பெண்கள் டென்னிஸ் சாம்பியன்ஷிப் போட்டி சிங்கப்பூரில் நடந்து வருகிறது. இதில் ‘ஒயிட்’ பிரிவில் நேற்று கடைசி கட்ட லீக் ஆட்டங்கள் நடந்தன. ஒரு ஆட்டத்தில் தரவரிசையில் 8-வது இடம் வகிக்கும் கரோலினா பிளிஸ்கோவா (செக்குடியரசு), சக நாட்டவர் பெட்ரா கிவிடோவாவை 6-3, 6-4 என்ற நேர் செட்டில் விரட்டியடித்தார்.

    மற்றொரு ஆட்டத்தில் நடப்பு சாம்பியனான கரோலின் வோஸ்னியாக்கி (டென்மார்க்), 7-ம் நிலை வீராங்கனையான எலினா ஸ்விடோலினாவுடன் (உக்ரைன்) பலப்பரீட்சை நடத்தினார். இதில் நேர் செட்டில் வெற்றி பெற்றால் மட்டுமே அரைஇறுதி வாய்ப்பை பெற முடியும் என்ற நெருக்கடியுடன் களம் புகுந்த வோஸ்னியாக்கி முதலாவது செட்டை வசப்படுத்தினார். 2-வது செட்டில் 5-5 என்று வரை சமநிலை வந்தது. அதன் பிறகு அடுத்த இரு கேம்களை ஸ்விடோலினா தனதாக்கி, வோஸ்னியாக்கியின் கனவை சிதைத்தார். 2 மணி 35 நிமிடங்கள் நீடித்த இந்த ஆட்டத்தில் ஸ்விடோலினா 5-7, 7-5, 6-3 என்ற செட் கணக்கில் வோஸ்னியாக்கியை சாய்த்து 3-வது வெற்றியோடு அரைஇறுதிக்கு முன்னேறினார். இந்த பிரிவில் பிளிஸ்கோவாவும் (2 வெற்றி, ஒரு தோல்வி) அரைஇறுதியை உறுதி செய்தார். வோஸ்னியாக்கி (ஒரு வெற்றி, 2 தோல்வி), கிவிடோவா (3 தோல்வி) வெளியேறினர்.

    ‘ரெட்’ பிரிவில் இன்று நடக்கும் லீக் ஆட்டங்களில் ஒசாகா (ஜப்பான்)-கிகி பெர்டென்ஸ் (நெதர்லாந்து), ஏஞ்சலிக் கெர்பர் (ஜெர்மனி)- ஸ்லோனே ஸ்டீபன்ஸ் (அமெரிக்கா) ஆகியோர் மோதுகிறார்கள். 
    விம்பிள்டன் கிராண்ட் ஸ்லாம் டென்னிஸ் தொடரில் முன்னணி வீராங்கனைகள் 8 பேர் 3-வது சுற்றுக்குக் கூட முன்னேறாமல் வெளியேறியுள்ளனர். #Wimbledon2018
    விம்பிள்டன் கிராண்ட் ஸ்லாம் டென்னிஸ் தொடர் லண்டனில் நடைபெற்று வருகிறது. இந்த தொடரில் முன்னணி வீரர்கள் மற்றும் வீராங்கனைகள் முதல் சுற்று, 2-வது சுற்று என தொடக்க நிலையிலேயே அதிர்ச்சிகரமாக தோல்வியடைந்து வெளியேறி வருகிறார்கள்.

    உச்சக்கட்டமாக வீராங்கனைகளில் விம்பிள்டன் டென்னிஸ் தொடருக்கான தரவரிசையில் முதல் 10 இடங்களை பிடித்துள்ள வீராங்கனைகளுக்கு பெரும் சோதனை ஏற்பட்டுள்ளது.

    ஏனென்றால் முதல் 10 வீராங்கனைகளில் 8 பேர் 2-வது மற்றும் 3-வது சுற்றோடு வெளியேறிவிட்டனர். முதல் நிலை வீராங்கனையான ஹாலெப், 7-ம் நிலை வீராங்கனையான பிலிஸ்கோவா ஆகியோர் மட்டுமே தொடரில் நீடிக்கின்றனர்.


    3-ம் நிலை வீராங்கனை முகுருசா

    2-ம் நிலை வீராங்கனை வோஸ்னியாக்கி, 3-ம் நிலை வீராங்கனையான முகுருசா, 4-ம் நிலை வீராங்கனை ஸ்டீபன்ஸ், 5-ம் நிலை வீராங்கனையான ஸ்விடோலினா, 6-ம் நிலை வீராங்கனையான கார்சியாக 8-ம் நிலை வீராங்கனையான கிவிட்டோவா, 9-ம் நிலை வீராங்கனையான வீனஸ் வில்லியம்ஸ், 10-ம் நிலை வீராங்கனையான கெய்ஸ் ஆகியோர் தொல்வியடைந்து வெளியேறியுள்ளனர்.
    பிரெஞ்ச் கிராண்ட் ஸ்லாம் தொடரில் பெட்ரா கிவிடோவா, ஸ்விடோலினா 3-வது சுற்றுக்கு முன்னேறியுள்ளனர். #French Open
    பிரெஞ்ச் கிராண்ட் ஸ்லாம் டென்னிஸ் தொடரில் பெண்களுக்கான ஒற்றையர் பிரிவின் 2-வது சுற்று ஆட்டங்கள் நடைபெற்று வருகிறது. ஒரு ஆட்டத்தில் 8-ம் நிலை வீராங்கனையான செக் குடியரசின் பெட்ரா கிவிடோவா, ஸ்பெயின் நாட்டின் லாரா அர்ருயாபர்ரேனாவை எதிர்கொண்டார். இதில் கிவிடோவா 6-0, 6-4 என எளிதில் 3-வது சுற்றுக்கு முன்னேறினார். 3-வது சுற்றில் 25-ம் நிலை வீராங்கனையான எஸ்டோனியாவின் அனெட் கோன்டாவெயிட்டை எதிர்கொள்கிறார்.


    ஸ்விடோலினா

    மற்றொரு ஆட்டத்தில் 4-ம் நிலை வீராங்கனையான உக்ரைனின் எலினா ஸ்விடோலினா ஸ்லோவாகியாவின் விக்டோரியா குஸ்மோவாவை எதிர்கொண்டார். இதில் ஸ்விடோலினா 6-3, 6-4 என நேர்செட் கணக்கில் வெற்றி பெற்று 3-வது சுற்றுக்கு முன்னேறினார். 3-வது சுற்றில் ஸ்விடோலினா 31-ம் நிலை வீராங்கனையான ரொமானியாவின் மிகாயேலா புஸ்ஸர்நெஸ்குவை எதிர்கொள்கிளார்.

    மற்ற ஆட்டங்கிளில் என் ஒசாகா, சினியாகோவா, அனெட் கோன்டாவெயிட், ஸ்ட்ரைகோவா ஆகியோரும் 3-வது சுற்றுக்கு முன்னேறினார்கள்.
    ×