நீங்கள் தேடியது "ரெஹான் அகமது"

கொழும்பு:

டி20 உலகக் கோப்பை தொடரின் சூப்பர் 8 சுற்று ஆட்டத்தின் நேற்றைய ஆட்டத்தில் நியூசிலாந்து, இங்கிலாந்து அணிகள் மோதின.

இதில் முதலில் பேட்டிங் செய்த நியூசிலாந்து 20 ஓவரில் 7 விக்கெட்டுக்கு 159 ரன்கள் எடுத்தது. இங்கிலாந்து சார்பில் அடில் ரஷித், வில் ஜாக்ஸ், ரேஹான் அகமது ஆகியோர் தலா 2 விக்கெட் வீழ்த்தினர்.

இதையடுடுத்து 160 ரன்கள் எடுத்தால் வெற்றி என்ற இலக்குடன் களமிறஙகிய இங்கிலாந்து 19.3 ஓவரில் 6 விக்கெட்டுக்கு 161 ரன்கள் எடுத்து அபார வெற்றி பெற்றது.

இங்கிலாந்து அணி வெற்றி பெற 19 பந்துகளில் 43 ரன்கள் தேவைப்பட்ட இக்கட்டான நிலையில் 21 வயதான ரெஹான் அகமது களமிறங்கினார். அப்போது பால்கனியில் அமர்ந்திருந்த இங்கிலாந்து பயிற்சியாளர் மெக்கல்லம், 'வாக்கி-டாக்கி' மூலம் கீழே இருந்த வீரர்களுக்கு ஒரு தகவலை அனுப்பினார்.

அதில், "ரெஹானிடம் போய் சேவாக்கை போல பேட்டிங் செய்யச் சொல்லுங்கள்" என்று மெக்கல்லம் கூறியுள்ளார்.

பயிற்சியாளரின் இந்த அறிவுரையைக் கேட்ட ரெஹான், அதே பாணியில் களத்தில் புகுந்து விளையாடினார். வெறும் 7 பந்துகளில் 19 ரன்கள் (அதில் இரண்டு பிரம்மாண்ட சிக்சர்கள் அடங்கும்) குவித்து, ஆட்டத்தை இங்கிலாந்து பக்கம் திருப்பினார். இறுதியில் இங்கிலாந்து 4 விக்கெட் வித்தியாசத்தில் வெற்றி பெற்று அரை இறுதிக்குத் தகுதி பெற்றது.

போட்டிக்குப் பிறகு ரெஹான் அகமது கூறுகையில்:-

"பயிற்சியாளர் அந்த செய்தியை ஒரு நகைச்சுவையாகத்தான் அனுப்பினார். ஆனால், முந்தைய நாள் பயிற்சியின் போது நேராக சிக்சர் அடிக்க நான் பயிற்சி மேற்கொண்டிருந்தேன். அதையே களத்திலும் செயல்படுத்தினேன்" எனத் தெரிவித்தார்.

கராச்சி:

பாகிஸ்தான், இங்கிலாந்து அணிகளுக்கு இடையிலான 3-வது டெஸ்ட் போட்டி கராச்சியில் நடைபெற்று வருகிறது.

முதலில் ஆடிய பாகிஸ்தான் முதல் இன்னிங்சில் 304 ரன்களையும், இங்கிலாந்து அணி 354 ரன்களையும் எடுத்தது. இதையடுத்து நடந்த 2-வது இன்னிங்சில் பாகிஸ்தான் 216 ரன்களுக்கு ஆல் அவுட் ஆனது.

இங்கிலாந்து சார்பில் இளம் பந்துவீச்சாளர் ரெஹான் அஹமது 5 விக்கெட்டுகளை வீழ்த்தி அசத்தினார்.

இந்நிலையில், டெஸ்ட் கிரிக்கெட் வரலாற்றில் அறிமுக போட்டியில் 5 விக்கெட்டுகளை வீழ்த்திய இளம் வீரர் என்ற சாதனையையும், ரெஹான் அகமது ஏற்படுத்தியுள்ளார்.

ஏற்கனவே, ஆஸ்திரேலிய வீரர் பாட் கம்மின்ஸ் தனது அறிமுக டெஸ்ட் போட்டியில் தென் ஆப்பிரிக்காவுக்கு எதிரான ஆட்டத்தில் 6 விக்கெட்டுகளை எடுத்திருந்தார். அப்போது அவருக்கு 18 வயது 193 நாட்கள்.

தற்போது 5 விக்கெட்டுகளை கைப்பற்றிய ரெஹான் அகமதுவுக்கு 18 வயது மற்றும் 126 நாட்கள் மட்டுமே முடிந்துள்ளது. இதன்மூலம் கடந்த 11 ஆண்டுகளாக நீடித்து வந்த சாதனையை முறியடித்துள்ளார்.

லண்டன்:

ஆஸ்திரேலிய அணிக்கு எதிரான ஆஷஸ் டெஸ்ட் கிரிக்கெட் தொடரின் முதல் ஆட்டத்தில் இங்கிலாந்து அணி 2 விக்கெட்கள் வித்தியாசத்தில் தோல்வி அடைந்தது.

இந்த ஆட்டத்தின் போது சுழற்பந்து வீச்சு ஆல்ரவுண்டரான மொயின் அலிக்கு விரல் பகுதியில் காயம் ஏற்பட்டது. 2-வது டெஸ்ட் போட்டி வரும் 28-ம் தேதி லார்ட்ஸ் மைதானத்தில் தொடங்குகிறது.

அதற்குள் மொயின் அலி, காயத்தில் இருந்து குணமடைவது சந்தேகம் என்று கூறப்படுகிறது. இதை கருத்தில் கொண்டு இங்கிலாந்து அணியில் 18 வயதான சுழற்பந்து வீச்சாளர் ரெஹான் அகமது சேர்க்கப்பட்டுள்ளார். ரெஹான் அகமது கடந்த டிசம்பர் மாதம் பாகிஸ்தான் அணிக்கு எதிரான விளையாடி இருந்தார்.