நீங்கள் தேடியது "கொரியா ஓபன் டென்னிஸ்"

கொரியா ஓபன் டென்னிஸ் தொடர் தென்கொரியாவில் உள்ள சியோலில் கடந்த 15-ந்தேதி தொடங்கியது. பெண்களுக்கான இந்த தொடரின் இறுதிப் போட்டி இன்று நடைபெற்றது. இதில் 2-ம் நிலை வீராங்கனையான நெதர்லாந்தின் கிகி பெர்ட்டென்ஸ், தரநிலை பெறாத குரோசியாவின் அஜ்லா டொம்ல்ஜானோவிச்சை எதிர்கொண்டார்.

2-ம் நிலை வீராங்கனையான கிகி பெர்ட்டேன்ஸ்க்கு குரோசியா வீராங்கனை கடும் நெருக்கடி கொடுத்தார். இதனால் முதல் செட்டை பிரேக்கர் வரை சென்றது. இறுதியில் கிகி பெர்ட்டென்ஸ் 7(7)-6(2) என கடும் பேராட்டத்திற்குப் பின் கைப்பற்றினார்.



ஆனால் 2-வது செட்டை 4-6 என அதிர்ச்சிகரமாக இழந்தார். ஆனால் சாம்பியன் பட்டத்தை தீர்மானிக்கக் கூடிய 3-வது செட்டில் அபாரமான ஆட்டத்தை வெளிப்படுத்தினார். இதனால் 6-2 என 3-வது செட்டை கைப்பற்றி சாம்பியன் பட்டம் வென்றார்.

பெண்களுக்கான இரட்டையர் பிரிவில் தென்கொரியா ஜோடி தைவான் ஜோடியை வீழ்த்தி சாம்பியன் பட்டம் வென்றது.