நீங்கள் தேடியது "School exam results"

அசாமில் வினாத்தாள் கசிவு காரணமாக மார்ச் 24- 29ம் தேதி வரை நடக்க இருந்த 11ம் வகுப்பு பொதுத்தேர்வுகள் ரத்து செய்யப்படுவதாக அறிவிக்கப்பட்டுள்ளது.

கடந்த 6ம் தேதி முதல் அசாமில் தொடங்கிய 11ம் வகுப்பு தேர்வு மார்ச் 29 அன்று முடிவடைய இருந்தது.

இந்நிலையில், பல்வேறு பகுதிகளில் கணித பாடத்தின் வினாத்தாள் கசிவு புகார்கள் எழுந்தது. இதனையடுத்து, மார்ச் 24- 29 வரை நடைபெற இருந்த அனைத்து 11 ஆம் வகுப்பு தேர்வுகளையும் ரத்து செய்வதாக அசாம் பள்ளிக்கல்வித்துறை அமைச்சர் ரனோஜ் பெகு அறிவித்தார்.

முன்னதாக அசாமின் பார்பெட்டா மாவட்டத்தில் மார்ச் 20 அன்று நடைபெறவிருந்த 9 ஆம் வகுப்பு ஆங்கில தேர்வின் வினாத்தாள் சமூக ஊடகங்களில் கசிந்தால் தேர்வு ஒத்திவைக்கப்பட்டது குறிப்பிடத்தக்கது.

சென்னை:

தமிழகத்தில் 10 மற்றும் 12ம் வகுப்புகளுக்கான தேர்வு முடிவுகள் வரும் ஜூன் 20ம் தேதிவெளியிடப்படும் என அரசு தேர்வுத்துறை இயக்ககம் அறிவித்துள்ளது.

10-ஆம் வகுப்பு தேர்வு முடிவுகள் நாளை வெளியாகும் என அறிவிக்கப்பட்டு இருந்த நிலையில், ஜூன் 20-ஆம் தேதிக்கு காலை 12 மணிக்கு வெளியாகும் என தெரிவிக்கப்பட்டுள்ளது. அதேபோன்று 12-ஆம் வகுப்பு தேர்வு முடிவுகள் காலை 9.30 மணிக்கு வெளியாகும் என தெரிவிக்கப்பட்டுள்ளது.

மாணவர்கள் தங்களது பதிவு எண், பிறந்த தேதியை பதிவு செய்து முடிவுகளை இணையத்தில் தெரிந்துகொள்ளலாம்.

மாணவர்கள் www.tnresults.nic.in, www.dge1tn.nic.in, www.dge2tn.nic.in, www.dgetn.nic.in ஆகிய இணையதளங்களில் தேர்வு முடிவுகளை பார்க்கலாம். 10, 12ம் வகுப்பு தேர்வு முடிவுகள் தனித்தனியாக வெளியாகும் என அறிவிக்கப்பட்ட நிலையில் ஒரே நாளில் வெளியாகிறது.