search icon
என் மலர்tooltip icon

    நீங்கள் தேடியது "FootBall Fans"

    • அர்ஜென்டினா நாட்டின் கால்பந்து வீரர் மெஸ்சியின் ரசிகர்கள் கோழிக்கோட்டை அடுத்த செருபுழா ஆற்றின் மீது மெஸ்சியின் 30 அடி உயர கட்-அவுட் அமைத்தனர்.
    • கட்-அவுட்டை அந்த வழியாக சென்றவர்கள் செல்போனில் படம் பிடித்து சமூக வலைதளத்தில் பதிவிட்டனர்.

    திருவனந்தபுரம்:

    கேரளாவில் கால்பந்து ரசிகர்கள் அதிகம் உள்ளனர். அவர்கள் அர்ஜென்டினா, பிரேசில், பிரான்சு, இத்தாலி நாடுகளின் கால்பந்து வீரர்கள் பெயரில் ரசிகர் மன்றங்களும் அமைத்துள்ளனர்.

    அந்த வகையில் அர்ஜென்டினா நாட்டின் கால்பந்து வீரர் மெஸ்சியின் ரசிகர்கள் கோழிக்கோட்டை அடுத்த செருபுழா ஆற்றின் மீது மெஸ்சியின் 30 அடி உயர கட்-அவுட் அமைத்தனர்.

    இந்த கட்-அவுட்டை அந்த வழியாக சென்றவர்கள் செல்போனில் படம் பிடித்து சமூக வலைதளத்தில் பதிவிட்டனர். இது வைரலானதை தொடர்ந்து மற்ற வீரர்களின் ரசிகர்களும் இதுபோல கட்-அவுட் அமைக்க முடிவு செய்தனர்.

    அதன்படி நேற்று பிரேசில் கால்பந்து ஜாம்பவன் நெய்மருக்கு அவரது ரசிகர்கள் அதே செருபுழா ஆற்றில் கட்-அவுட் அமைத்தனர்.

    இந்த கட்-அவுட் மெஸ்சியின் கட்-அவுட்டை விட 10 அடி உயரமாக 40 அடியில் நிறுவப்பட்டது. ஆற்றுக்குள் அடுத்தடுத்து மெஸ்சி, நெய்மரின் கட்-அவுட்கள் காணப்படுவது பொதுமக்களை வியப்பில் ஆழ்த்தியுள்ளது.

    ரஷியாவில் நடைபெற்று முடிந்துள்ள உலகக்கோப்பை கால்பந்து திருவிழாவை 77 லட்சம் ரசிகர்கள் நேரில் பார்த்து ரசித்துள்ளனர். #WorldCup2018
    உலகக்கோப்பை கால்பந்து திருவிழா ஜூன் 14-ந்தேதி முதல் ஜூலை 15-ந்தேதி வரை ரஷியாவில் நடைபெற்றது. இதில் பிரான்ஸ் வெற்றி பெற்ற கோப்பையை கைப்பற்றியது. குரோசியா 2-வது இடம் பிடித்தது.

    ரஷியாவில் வெளிநாட்டைச் சேர்ந்தவர்கள் நுழைவதற்கு பல்வேறு கட்டுப்பாடுகள் உண்டு. ஆனால் உலகக்கோப்பை தொடரை காண்பதற்காக ரசிகர்கள் அதிக அளவில் ரஷியா வரவேண்டும் என்பதற்காக அதிபர் புதின் பல்வேறு சலுகைகள் வழங்கினார்.



    இதனால் வெளிநாட்டில் இருந்து ஏராளமான ரசிகர்கள் போட்டியை ரசிப்பதற்காக ரஷியாவில் குவிந்தனர். அதேபோல் உள்ளூர் ரசிகர்களும் அதிக அளவில் நேரில் சென்று போட்டியை ரசித்தார்கள்.



    ஒட்டுமொத்த போட்டிகளையும் 77 லட்சம் ரசிகர்கள் நேரில் பார்த்து ரசித்துள்ளனர். பிரேசிலில் கடந்த 2014-ம் ஆண்டு நடைபெற்ற உலகக்கோப்பையை பார்த்த ரசிகளின் எண்ணிக்கையை விட 25 லட்சம் அதிகமாகும்.
    ×