search icon
என் மலர்tooltip icon

    நீங்கள் தேடியது "Chicken Recipes"

    • சிக்கனை பலரும் விதவிதமாக சமைத்து ருசித்திருப்பார்கள்.
    • கிரீன் சிக்கன் கிரேவியை பலர் அறிந்திருக்க மாட்டார்கள்.

    சிக்கனை பலரும் விதவிதமாக சமைத்து ருசித்திருப்பார்கள். ஆனாலும் கூட 'கிரீன் சிக்கன் கிரேவி'யை அவர்கள் அறிந்திருக்க மாட்டார்கள். வித்தியாசமான, அதே நேரம் மிகவும் சுவையான 'கிரீன் சிக்கன் கிரேவி'யை எப்படி செய்வது என்று பார்க்கலாம்.

    தேவையான பொருட்கள்:

    சிக்கன் 1/2 கிலோ

    எண்ணெய் - 3 ஸ்பூன்

    பிரிஞ்சி இலை -2

    பட்டை -2

    ஏலக்காய் 2

    கிராம்பு 2

    வெங்காயம் -2

    இஞ்சி பூண்டு பேஸ்ட்- ஒரு ஸ்பூன்

    பச்சைமிளகாய் 2

    மஞ்சள் தூள் - கால் டீஸ்பூன்

    சீரகத்தூள் - அரை ஸ்பூன்

    கரம் மசாலா- அரை ஸ்பூன்

    மல்லித்தூள்- 2 ஸ்பூன்

    மிளகாய்த்தூள்- அரை ஸ்பூன்

    உப்பு- தேவையான அளவு

    கொத்தமல்லி- ஒரு கைப்பிடி

    புதினா - ஒரு கைப்பிடி

    முந்திரி - 7

    பச்சைமிளகாய்-  3-4

    தயிர்- ஒரு ஸ்பூன்

    மிளகுத்தூள்-1/2 ஸ்பூன்

    கசூரி மேத்தி- சிறிதளவு

    செய்முறை:

    அடி கனமான ஒரு பாத்திரத்தை அடுப்பில் வைத்து அதில் எண்ணெய் சேர்த்து சூடாக்கி, பட்டை, ஏலக்காய், பிரிஞ்சி இலை, கிராம்பு சேர்த்து வறுக்கவும். பின்னர் அதில் நறுக்கிய வெங்காயம் சேர்த்து பொன்னிறமாக வரும் அளவுக்கு வதக்க வேண்டும்.

    தொடர்ந்து, இஞ்சி பூண்டு விழுது சேர்த்து 3 நிமிடம் வதக்க வேண்டும். அடுத்து அதில் சிக்கன் சேர்த்து நன்கு வதக்கிய பின்னர் மஞ்சள் தூள், மிளகாய்த்தூள், மல்லித்தூள், சீரகத்தூள், கரம் மசாலா மற்றும் தேவையான அளவு உப்பு சேர்த்து கிளறி மூடி போட்டு மூடி வேக வைக்க வேண்டும்.

    பின்னர் ஒரு மிக்சி ஜாரில் கொத்தமல்லி, புதினா, பச்சைமிளகாய், தயிர், ஊறவைத்த முந்திரிப்பருப்பு, சிறிதளவு தண்ணீர் சேர்த்து நன்கு அரைத்து எடுத்துக்கொள்ள வேண்டும்.

    அரைத்த கலவையை சிக்கனில் சேர்த்து கிளறி நன்கு வே கவைக்க வேண்டும். சிக்கன் வெந்ததும் கடைசியாக அதில் மிளகுத்தூள், கசூரி மெத்தி சேர்த்து கிளறி இறக்கினால், வித்தியாசமான நிறத்துடன், சுவையான கிரீன் சிக்கன் கிரேவி ரெடி. இந்த கிரீன் சிக்கன் கிரேவி, சாதம், சப்பாத்தி, பூரி, இட்லி தோசை என அனைத்துக்கும் ருசிகரமான துணையாக இருக்கும்.

    • ஜப்பான் சிக்கன் இணையம் முழுவதும் பிரபலமாகி வருகிறது.
    • பல உணவகங்கள் தங்கள் மெனுவில் சேர்க்கத் தொடங்கி உள்ளன.

    ஜப்பான் சிக்கன் இணையம் முழுவதும் பிரபலமாகி வருகிறது. இது அம்மன் மெஸ் எனப்படும் ஈரோடு உணவகத்தில் பிரபலமான உணவு. இந்த உணவு இணையத்தில் மிகவும் புகழ் பெற்று வருகிறது தமிழகம் முழுவதும் உள்ள பல உணவகங்கள் இதை தங்கள் மெனுவில் சேர்க்கத் தொடங்கி உள்ளன. இந்த வித்தியாசமான மற்றும் சுவையான ஜப்பான் சிக்கன் வீட்டிலேயே எப்படி செய்வதென்று பார்ப்போம்...

    தேவையான பொருட்கள்:

    சிக்கன்- அரை கிலோ

    மைதா- 3 ஸ்பூன்

    சோள மாவு- 2 ஸ்பூன்

    மிளகு-1 டீஸ்பூன்

    உப்பு- தேவையான அளவு

    எண்ணெய்- தேவையான அளவு

    வெண்ணெய்- 3 டீஸ்பூன்

    பூண்டு- 3 பல்

    பச்சை மிளகாய்- 2

    பால்- 1/2 லிட்டர்

    முந்திரி- 10

    சர்க்கரை-1 டீஸ்பூன்

    கொத்தமல்லி இலை- சிறிதளவு

    செய்முறை:

    ஒரு பாத்திரத்தில் கழுவி வைத்துள்ள சிக்கன், மைதா, சோள மாவு, உப்பு, மிளகுதூள் சேர்த்து கொஞ்சம் தண்ணீர் சேர்த்து பிசைந்து வைத்துக்கொள்ள வேண்டும். இதனை 30 நிமிடம் ஊறவைக்க வேண்டும்.

    பின்னர் ஒரு கடாயில் எண்ணெய் சேர்த்து எண்ணெய் சூடானதும் கலந்துவைத்துள்ள சிக்கனை பொன்னிறமாக பொறித்து எடுத்துக்கொள்ள வேண்டும்.

    முந்திரியை மிக்சி ஜாரில் போட்டு பொடித்துக்கொள்ள வேண்டும்.

    அடுத்து மற்றொரு கடாயில் வெண்ணெய் சேர்த்து நறுக்கிய பூண்டு, நறுக்கிய பச்சை மிளகாய் சேர்த்து வதக்க வேண்டும். வதங்கிய பின்பு அதில் காய்ச்சி ஆறவைத்த பால் மற்றும் பொத்த முந்திரியை சேர்த்து கிளற வேண்டும்.

    இதனைத்தொடர்ந்து அதில் தேவையான அளவு உப்பு மற்றும் 1 டீஸ்பூன் சர்க்கரை, மிளகுத்தூள் சேர்த்து கிளறி கடைசியாக பொரித்த சிக்கனை சேர்க்க வேண்டும்.

    இறுதியாக கிரேவி பதத்திற்கு வந்ததும் அதில் கொத்தமல்லி இலை தூவி இறக்கினால் சுவையான ஜப்பான் சிக்கன் தயார்.

    • சிக்கனில் எத்தனையோ வகை ரெசிபிஸ் செஞ்சிருப்பீங்க..
    • சிக்கன்ல பொடிமாஸ் செஞ்சிருக்கீங்களா ? இப்போ செய்யலாம் வாங்க...

    தேவையான பொருட்கள்:

    எலுமிபில்லாத சிக்கன் - 250 கிராம்

    வெங்காயம் - ஒன்று

    இஞ்சி பூண்டு விழுது - 1 டீஸ்பூன்

    பச்சை மிளகாய் - 2

    குடைமிளகாய் - 1

    கரம் மசாலா - 1 டீஸ்பூன்

    மல்லித் தூள் - 1 டீஸ்பூன்

    மிளகாய்த் தூள் - 1 டேபிள் ஸ்பூன்

    கரம் மசாலா தூள் - அரை தேக்கரண்டி

    மிளகுத் தூள் - 1 டேபிள் ஸ்பூன்

    சோம்பு - கால் டீஸ்பூன்

    மஞ்சள் தூள் - கால் டீஸ்பூன்

    கறிவேப்பிலை - தேவைக்கேற்ப

    கொத்தமல்லி - சிறிதளவு

    உப்பு, எண்ணெய் -தேவைக்கு ஏற்ப

    செய்முறை:

    குடைமிளகாய், கொத்தமல்லி, வெங்காயம், ப.மிளகாயை பொடியாக நறுக்கி கொள்ளவும்.

    சிக்கனை நன்றாக கழுவி வைக்கவும்.

    வாணலியில் சிக்கன், உப்பு, மஞ்சள் தூள் மிளகுத் தூள் சேர்த்து நன்றாக வேக வைக்கவும். சிக்கன் நன்றாக வெந்ததும், ஆற வைத்து மிக்சிஜாரில் போட்டு திரித்திரியாக அரைக்கவும்.

    ஒரு வாணலியில் எண்ணெய் ஊற்றி சூடானதும் சோம்பு, கறிவேப்பலை போட்டு தாளித்த பின்னர் பச்சை மிளகாய், வெங்காயம் போட்டு வதக்கவும்.

    வெங்காயம் நன்கு வதங்கியதும் இஞ்சி பூண்டு விழுது சேர்த்து பச்சை வாசனை போகும் வரை நன்றாக வதக்கவும்.

    அடுத்து அதில் அரைத்த சிக்கன், குடைமிளகாய் சேர்த்து வதக்கவும்.

    அடுத்து அதில் மல்லித் தூள், மிளகாயத் தூள், கரம் மசாலா தூள், சிறிது உப்பு(சிக்கன் வேகவைக்கும் போது உப்பு சேர்த்துள்ளது) சேர்த்து நன்றாக கிளறவும்.

    சிக்கன் உதிரிஉதிரியாக வந்தவுடன் அதில் கொத்தமல்லி தழை தூவி இறக்கவும் அவ்ளோதாங்க.. சுவையான சிக்கன் பொடிமாஸ் ரெடி.

    லைஃப்ஸ்டைல் சம்பந்தமான அனைத்து தகவல்களையும் அறிந்து கொள்ள இந்த லிங்க்கை கிளிக் செய்யவும்... https://www.maalaimalar.com/health

    • சைனீஸ் உணவுகளில் மிகவும் பிரபலமான ஒன்று டிராகன் சிக்கன்.
    • குழந்தைகளுக்கு இந்த சிக்கன் மிகவும் பிடிக்கும்.

    தேவையான பொருட்கள் :

    எலும்பில்லாத சிக்கன் - 1 கிலோ

    இஞ்சி - சிறிய துண்டு

    பூண்டு - 10 பல்

    சில்லி ப்ளேக்ஸ் - 1 1/2 டீஸ்பூன்

    தக்காளி சாஸ் - 2 டீஸ்பூன்

    சோயா சாஸ் - 1 டேபிள் ஸ்பூன்

    சர்க்கரை - 1/2 டீஸ்பூன்

    கொத்தமல்லி - 1 கையளவு

    வெங்காயம் - 1

    வெங்காயத் தாள் - சிறிதளவு

    வெஜிடேபிள் ஆயில் - தேவையான அளவு

    ஊற வைப்பதற்கு…

    இஞ்சி பூண்டு பேஸ்ட் - 2 டீஸ்பூன்

    மிளகுத் தூள் - 1 1/2 டீஸ்பூன்

    முட்டை - 1 (வெள்ளைக்கரு மட்டும்)

    சோள மாவு - 2 டேபிள் ஸ்பூன்

    செய்முறை

    இஞ்சி, பூண்டு, வெங்காயம், வெங்காயத்தாள், கொத்தமல்லியை பொடியாக நறுக்கி கொள்ளவும்.

    சிக்கனை நன்றாக சுத்தம் செய்து சற்று நீளமாக வெட்டி கொள்ளவும்.

    ஒரு கிண்ணத்தில் எலும்பில்லாத சிக்கனை போட்டு அதில் ஊற வைப்பதற்கு கொடுத்துள்ள பொருட்களை சேர்த்து நன்றாக பிரட்டி, தனியாக 1 மணி நேரம் ஊற வைக்க வேண்டும்.

    ஊறவைத்த சிக்கனை எண்ணெயில் போட்டு, பொன்னிறமாக பொரித்து தனியாக வைத்துக் கொள்ள வேண்டும்.

    நாண்ஸ்டிக் தவாவை அடுப்பில் வைத்து, அதில் 2 டேபிள் ஸ்பூன் எண்ணெய் ஊற்றி காய்ந்ததும், அதில் இஞ்சி, பூண்டு சேர்த்து பொன்னிறமாக வதக்கி, சில்லி சாஸ் சேர்த்து கிளறி, தக்காளி சாஸ், சோயா சாஸ் மற்றும் சர்க்கரை சேர்த்து, கலவையை கொதிக்க விட வேண்டும்.

    கலவையானது கொதிக்க ஆரம்பித்ததும், தீயை மிதமான சூட்டில் வைத்து, அதில் பொரித்து வைத்துள்ள சிக்கனை சேர்த்து, மூடி வைத்து 5 நிமிடம் வேக வைத்து இறக்க வேண்டும்.

    இப்போது அருமையான டிராகன் சிக்கன் ரெடி!!!

    இதன் மேல் கொத்தமல்லி மற்றும் வெங்காயத் தாள் தூவி அலங்கரித்து பரிமாறலாம்.

    லைஃப்ஸ்டைல் சம்பந்தமான அனைத்து தகவல்களையும் அறிந்து கொள்ள இந்த லிங்க்கை கிளிக் செய்யவும்... https://www.maalaimalar.com/health

    • சிக்கனில் பல்வேறு ருசியான ரெசிபிகளை செய்யலாம்.
    • குழந்தைகளுக்கு சிக்கன் என்றால் மிகவும் பிடிக்கும்.

    தேவையான பொருட்கள்

    எலும்பில்லாத சிக்கன் - 300 கிராம்

    பிரெட் - 1 துண்டு

    இஞ்சி பூண்டு விழுது - 2 தேக்கரண்டி

    வால்நட் - 1/2 கப்

    மிளகாய் தூள் - 2 தேக்கரண்டி

    சீரக தூள் - 1 தேக்கரண்டி

    இட்டாலியன் சீசனிங் - 1 1/2 தேக்கரண்டி

    எலுமிச்சைபழச்சாறு - 1/2 பழத்தின் சாறு

    சில்லி பிளேக்ஸ் - 1 தேக்கரண்டி

    மிளகு தூள் - 1/4 தேக்கரண்டி

    சோளமாவு - 1/4 கப்

    மைதா - 1/4 கப்

    தண்ணீர்

    உப்பு - 1/4 தேக்கரண்டி

    எண்ணெய் - பொரிப்பதற்கு

    செய்முறை:

    * சிக்கனை நன்றாக சுத்தம் செய்து கொள்ளவும்.

    * பிரெட்டை துண்டுகளாக நறுக்கி கொள்ளவும்.

    * ஒரு பாத்திரத்தில் சுத்தம் செய்த சிக்கனை போட்டு அதனுடன் உப்பு, மிளகு தூள், மிளகாய் தூள், சீரக தூள், இட்டாலியன் சீசனிங், எலுமிச்சை பழச்சாறு, இஞ்சி பூண்டு விழுது, எண்ணெய் 2 டீஸ்பூன் சேர்த்து கலந்து 30 நிமிடம் ஊறவிடவும்.

    * மிக்ஸியில் நறுக்கிய பிரெட் துண்டு, வால்நட், சில்லி பிளேக்ஸ், உப்பு, மிளகு தூள், இட்டாலியன் சீசனிங் சேர்த்து கொரகொரப்பாக அரைக்கவும்.

    * ஒரு கிண்ணத்தில் மைதா, சோளமாவை போட்டு தேவையான அளவு தண்ணீர் சேர்த்து கரைத்து கொள்ளவும்.

    * ஊற வைத்த சிக்கனை மாவில் தோய்த்து பிறகு வால்நட் பிரெட் தூளில் பிரட்டி வைத்து கொள்ளவும். இவ்வாறு அனைத்து சிக்கன் துண்டுகளையும் செய்து வைக்கவும்.

    * கடாயில் பொரிப்பதற்கு தேவையான அளவு எண்ணெய் ஊற்றி சூடானதும் அடுப்பை மிதமான தீயில் வைத்து சிக்கன் துண்டுகளை சேர்த்து பொன்னிறமாக பொரித்து எடுக்கவும்.

    * சூப்பரான சிக்கன் டென்டெர்ஸ் தயார்.

    ஆரோக்கியம் சம்பந்தமான அனைத்து தகவல்களையும் அறிந்து கொள்ள இந்த லிங்க்கை கிளிக் செய்யவும்... https://www.maalaimalar.com/health

    • இந்த குழம்பு சாதத்துடன் சேர்த்து சாப்பிட அற்புதமாக இருக்கும்.
    • தோசை, சப்பாத்தி, இட்லியுடனும் சேர்த்து சாப்பிட நன்றாக இருக்கும்.

    தேவையான பொருட்கள்:

    சிக்கன் - 1 கிலோ

    சின்ன வெங்காயம் - 30

    தக்காளி - 4-

    பச்சை மிளகாய் - 2

    இஞ்சி பூண்டு விழுது - 2 டேபிள் ஸ்பூன்

    உருளைக்கிழங்கு - 1

    உப்பு - சுவைக்கேற்ப

    கறிவேப்பிலை - சிறிது

    தேங்காய் எண்ணெய் - 1/4 கப்

    தாளிப்பதற்கு...

    சோம்பு - 2 டீஸ்பூன்

    சீரகம் - 1 டீஸ்பூன்

    பிரியாணி இலை - 1

    ஏலக்காய் - 5

    கிராம்பு - 5

    பட்டை - 1 துண்டு

    வறுத்து அரைப்பதற்கு...

    வரமிளகாய் - 10-12

    மல்லி விதைகள் - 4 டேபிள் ஸ்பூன்

    சீரகம் - 2 டீஸ்பூன்

    மிளகு - 2 டீஸ்பூன்

    கறிவேப்பிலை - 1 கையளவு

    அரைப்பதற்கு...

    துருவிய தேங்காய் - 1 கப்

    பொட்டுக்கடலை - 1 டேபிள் ஸ்பூன்

    சோம்பு - 1 டேபிள் ஸ்பூன்

    செய்முறை:

    * தக்காளி, வெங்காயத்தை பொடியாக நறுக்கி கொள்ளவும்.

    * ப.மிளகாயை நீளவாக்கில் வெட்டிகொள்ளவும்.

    * உருளைக்கிழங்கை துண்டுகளாக வெட்டிக்கொள்ளவும்.

    * ஒரு வாணலியை அடுப்பில் வைத்து, அதில் 'வறுத்து அரைப்பதற்கு' கொடுத்துள்ள பொருட்களை போட்டு பொன்னிறமாக வறுத்து இறக்கி, மிக்சர் ஜாரில் போட்டு, நீர் ஊற்றி நன்கு மென்மையாக அரைத்து தனியாக ஒரு பௌலில் எடுத்து வைத்துக் கொள்ள வேண்டும்.

    * பின்னர் அதே மிக்சர் ஜாரில் தேங்காய், சோம்பு, பொட்டுக்கடலை சேர்த்து, சிறிது நீர் ஊற்றி நன்கு மென்மையாக அரைத்துக் கொள்ள வேண்டும்.

    * ஒரு அகலமான வாணலியை அடுப்பில் வைத்து, அதில் எண்ணெய் ஊற்றி சூடானதும், தாளிப்பதற்கு கொடுத்துள்ள பொருட்களை சேர்த்து தாளித்த பின் வெங்காயத்தைப் போட்டு பொன்னிறமாவ வதக்கி, இஞ்சி பூண்டு விழுது சேர்த்து பச்சை வாசனை போக வதக்க வேண்டும்.

    * பிறகு அதில் தக்காளி மற்றும் கறிவேப்பிலையை சேர்த்து நன்கு வதக்க வேண்டும்.

    * பின் அதில் சிக்கனை கழுவிப் போட்டு, 5-6 நிமிடம் நன்கு சிக்கனை வதக்க வேண்டும்.

    * பின்னர் அதில் வறுத்து அரைத்த மசாலா மற்றும் நீரை ஊற்றி கிளறி, அதை குக்கரில் ஊற்றி அடுப்பில் வைத்து, குக்கரை மூடி 2 விசில் விட்டு இறக்கிக் கொள்ள வேண்டும்.

    * விசில் போனதும் குக்கரைத் திறந்து, அதில் உருளைக்கிழங்குகளை போட்டு, பின் அரைத்த தேங்காய் மசாலா சேர்த்து அடுப்பில் வைத்து, 10-15 நிமிடம் குறைவான தீயில் கொதிக்க வைத்து இறக்கினால், சுவையான வறுத்தரைச்ச சிக்கன் குழம்பு தயார்.

    • இந்த ரசத்தை சூப் போன்றும் குடிக்கலாம்.
    • சூடான சாதத்துடன் சேர்த்து சாப்பிட இந்த ரசம் சூப்பராக இருக்கும்.

    தேவையான பொருட்கள்

    சிக்கன்(எலும்புடன்) - 1/2 கிலோ

    சின்ன வெங்காயம் - 50 கிராம்

    தக்காளி - 1

    இஞ்சி - 1 துண்டு

    பூண்டு - 5 பல்

    பச்சை மிளகாய் - 1

    சீரகத்தூள் - 1 தேக்கரண்டி

    மிளகுத்தூள் - 1 தேக்கரண்டி

    பட்டை, லவங்கம் - தலா 1

    மிளகாய்த்தூள் - 1 தேக்கரண்டி

    தனியாத்தூள் - 1 தேக்கரண்டி

    மஞ்சள்தூள் - 1 /2 தேக்கரண்டி

    கொத்தமல்லி - சிறிதளவு

    உப்பு, எண்ணெய் - தேவையான அளவு

    செய்முறை

    சிக்கனை நன்றாக கழுவி சுத்தம் செய்து கொள்ளவும்.

    இஞ்சி, பூண்டை விழுதாக அரைத்துக் கொள்ளவும்.

    தக்காளி, வெங்காயம், கொத்தமல்லியை பொடியாக நறுக்கி கொள்ளவும்.

    கடாயில் எண்ணெய் ஊற்றி பட்டை, லவங்கம் சேர்த்து தாளித்து, இரண்டாக நறுக்கிய வெங்காயம் சேர்த்து வதக்கவும்.

    வெங்காயம் சற்று வதங்கிய பின் இஞ்சி, பூண்டு விழுது சேர்த்து பச்சை வாசனை போக வதக்கவும்.

    பின் தக்காளி, பச்சை மிளகாய் சேர்த்து நன்கு மசியுமாறு வதக்கிக் கொள்ளவும்.

    வதக்கிய கலவையை குக்கரில் போட்டு, மிளகுத்தூள், சீரகத்தூள், மிளகாய்த்தூள், தனியாத்தூள், மஞ்சள்தூள், உப்பு, சிக்கன் சேர்த்து நன்கு கலக்கி, 6 விசில் வரும் வரை வேக விடவும்.

    பின்பு சூப்பில் கொத்தமல்லி தழை தூவி, எலுமிச்சைசாறு பிழிந்து பரிமாறவும்.

    • குழந்தைகளுக்கு சிக்கன் என்றால் மிகவும் பிடிக்கும்.
    • சிக்கனை பல்வேறு ருசியான ஸ்நாக்ஸ் செய்யலாம்.

    தேவையான பொருட்கள்

    எலும்பில்லாத சிக்கன் - கால் கிலோ

    வெங்காயம் - 50 கிராம்

    முட்டை - 2

    வெங்காயத்தாள் - 20 கிராம்

    வேக வைத்த உருளைக்கிழங்கு - 100 கிராம்

    பூண்டு விழுது - 1 டீஸ்பூன்

    உப்பு - சுவைக்கு

    மிளகுத்தூள் - 1 டீஸ்பூன்

    பிரெட் தூள் - 20 கிராம் + தேவையான அளவு

    சோள மாவு - தேவையான அளவு

    எண்ணெய் - பொரிக்க தேவையான அளவு


    செய்முறை

    பிளாஸ்டிக் கவரை கேன் வடிவில் (Piping bag) செய்து கொள்ளவும்.

    சிக்கனை நன்றாக சுத்தம் செய்து வைக்கவும்.

    வெங்காயம், வெங்காயத்தாளை பொடியாக நறுக்கிகொள்ளவும்.

    முட்டையை ஒரு கிண்ணத்தில் ஊற்றி நன்றாக அடித்து வைக்கவும்.

    மிக்சிஜாரில் சிக்கனை போட்டு அதனுடன் நறுக்கிய வெங்காயம், வெங்காயத்தாள், வேக வைத்த உருளைக்கிழங்கு, பூண்டு விழுது, உப்பு, மிளகுத்தூள், பிரெட் தூள் 20 கிராம் சேர்த்து நைசாக அரைத்து கொள்ளவும்.

    அரைத்த சிக்கன் விழுதை (Piping bag) கேன் கவரில் போடவும்.

    ஒரு தட்டில் பட்டர் பேப்பரை விரித்து அதன் மேல் அரைத்த விழுதை டோநட்ஸ் வடிவில் செய்யவும். செய்ததை பிரிட்ஜில் 2 மணிநேரம் வைக்கவும். பிரிட்ஜில் வைத்த உடன் அவை சற்று கெட்டியாகி இருக்கும்.

    கடாயில் எண்ணெய் ஊற்றி பொரிப்பதற்கு தேவையான எண்ணெய் ஊற்றி சூடானதும் அடுப்பை மிதமான தீயில் வைத்து டோநட்ஸை எடுத்து சோள மாவில் நன்றாக பிரட்டி பின் முட்டையில் முக்கி மீண்டும் பிரெட் தூளில் நன்றாக பிரட்டி எடுத்து எண்ணெயில் போட்டு பொரித்து எடுக்கவும்.

    இவ்வாறு அனைத்தையும் எண்ணெயில் போட்டு பொரித்து எடுக்கவும்.

    இப்போது சூப்பரான சிக்கன் டோநட்ஸ் ரெடி.

    • குழந்தைகளுக்கு இந்த ஸ்நாக்ஸ் மிகவும் பிடிக்கும்.
    • 15 நிமிடத்தில் சூப்பரான சுவையான ஸ்நாக்ஸ் தயார் செய்யலாம்.

    தேவையான பொருட்கள்

    எலும்பில்லாத சிக்கன் - 300 கிராம்

    சீஸ் துருவல் - 1 கப்

    இஞ்சி பூண்டு விழுது - 1 டீஸ்பூன்

    உப்பு - சுவைக்கு

    மிளகுத்தூள் - 1 டீஸ்பூன்

    தனி மிளகாய் தூள் - அரை டீஸ்பூன்

    சில்லி பிளேக்ஸ் - அரை டீஸ்பூன்

    பொடியாக நறுக்கிய கொத்தமல்லி - சிறிதளவு

    ஓரிகானோ - அரை டீஸ்பூன்

    சோள மாவு - 3 டீஸ்பூன்

    பிரெட் தூள் - 2 டீஸ்பூன் + தேவையான அளவு

    வெண்ணெய் - 1 டீஸ்பூன்

    சோயா சாஸ் - 1 டீஸ்பூன்

    எண்ணெய் - பொரிக்க தேவையான அளவு

    செய்முறை

    மிக்சியில் சிக்கனை போட்டு அதனுடன் இஞ்சி பூண்டு விழுது, உப்பு, மிளகுத்தூள், தனி மிளகாய் தூள், சில்லி பிளேக்ஸ், ஓரிகானோ, பிரெட் தூள் 2 டீஸ்பூன், வெண்ணெய், சோயா சாஸ் போட்டு நன்றாக அரைத்து கொள்ளவும்.

    அரைத்த விழுதை ஒரு பாத்திரத்தில் போட்டு அதனுடன் பொடியாக நறுக்கி கொத்தமல்லியை போட்டு நன்றாக கலந்து கொள்ளவும்.

    சோள மாவை சிறிது தண்ணீர் ஊற்றி கரைத்து கொள்ளவும்.

    பிரெட் தூளை ஒரு தட்டில் பரப்பி வைக்கவும்.

    சிக்கன் மசாலாவை சிறிது எடுத்து உருண்டையாக உருட்டி மெல்லிய பிளாஸ்டிக் கவரில் எண்ணெய் தடவில் அதில் உருண்டையை வைத்து மெலிதாக பூரி போல் தட்டவும். பின்னர் அதன் நடுவில் சிறிதளவு சீஸை வைத்து நன்றாக மூடி சதுரமான வடிவில் செய்யவும். இவ்வாறு அனைத்தையும் செய்து வைக்கவும்.

    கடாயை அடுப்பில் வைத்து எண்ணெய் ஊற்றி சூடானதும் அடுப்பை மிதமான தீயில் வைத்து செய்து வைத்த பைட்ஸை சோள மாவு கரைசலில் முக்கி பிரெட் தூளில் பிரட்டி எண்ணெயில் போட்டு பொன்னிறமாக பொரித்து எடுக்கவும்.

    இவ்வாறு அனைத்தையும் செய்யவும்.

    இப்போது சூப்பரான சிக்கன் சீஸ் பைட்ஸ் ரெடி.

    • இந்த ஸ்நாக்ஸ் செய்ய 20 நிமிடங்களே போதுமானது.
    • இன்று இதன் செய்முறையை பார்க்கலாம்.

    தேவையான பொருட்கள்

    எலும்பில்லாத சிக்கன் - 200 கிராம்

    வெங்காயம் - 1

    ப.மிளகாய் - 2

    இஞ்சி பூண்டு விழுது - 1 டீஸ்பூன்

    கொத்தமல்லி தழை - சிறிதளவு

    உப்பு - 1 டீஸ்பூன்

    தனி மிளகாய் தூள் - 1 டீஸ்பூன்

    தனியா கொரகொரப்பாக பொடித்தது - 1 டீஸ்பூன்

    சீரகத்தூள், கரம் மசாலா தூள், சிக்கன் டிக்கா மசாலா -தலா அரை டீஸ்பூன்

    முட்டை - 1 (பாதி)

    பிரெட் - 2 ஸ்லைஸ்

    சோயா சாஸ் - 2 டீஸ்பூன்

    எலுமிச்சை சாறு - அரை டீஸ்பூன்

    உருளைக்கிழங்கு - 3 பெரியது

    சோளா மாவு - சிறிதளவு

    எண்ணெய் - பொரிப்பதற்கு

    செய்முறை

    சிக்கனை நன்றாக சுத்தம் செய்து கொள்ளவும்.

    வெங்காயம், ப.மிளகாய், கொத்தமல்லியை பொடியாக நறுக்கி கொள்ளவும்.

    மிக்சி ஜாரில் சிக்கனை போட்டு அதனுடன், வெங்காயம், ப.மிளகாய், இஞ்சி பூண்டு விழுது, கொத்தமல்லி, உப்பு, தனி மிளகாய் தூள், சீரகத்தூள், கரம் மசாலா தூள், சிக்கன் டிக்கா மசாலா, கொரகொரப்பாக பொடித்த தனியா, பாதி முட்டை, பிரெட் துண்டுகள், எலுமிச்சை சாறு, சோயா சாஸ் சேர்த்து நன்றாக அரைத்து கொள்ளவும். இந்த மசாலா திக்கான பதத்தில் இருக்கும். கட்டியாக இருக்க வேண்டும்.

    உருளைக்கிழங்கை தோல் நீக்கி விட்டு 1 1/2 இஞ்ச் அளவில் தடிமனாக வட்ட வடிவில் வெட்டிக்கொள்ளவும்(படத்தில் உள்ளபடி). வெட்டிய உருளைக்கிழங்கின் நடுவில் பாதி அளவு வெட்டவும். இரண்டாக வெட்டி விடக்கூடாது. பாதிஅளவு மட்டுமே வெட்ட வேண்டும்.

    உருளைக்கிழங்கின் மேல் சோளா மாவை போட்டு நன்றாக பிரட்டி விடவும்.

    இப்போது அரைத்த மசாலவை சிறிது எடுத்து உருளைக்கிழங்கில் நடுவில் வைக்கவும். ஒரங்களில் வெளியில் வரக்கூடாது. இவ்வாறு அனைத்து உருளைக்கிழங்கிலும் வைக்கவும்.

    அடுத்து கடாயை அடுப்பில் வைத்து பொரிப்பதற்கு தேவையான எண்ணெய் ஊற்றி சூடானதும் அடுப்பை மிதமான தீயில் வைத்து செய்து வைத்த உருளைக்கிழங்கை போட்டு இருபுறமும் நன்றாக வெந்ததும் எடுக்கவும்.

    இப்போது சூப்பரான சிக்கன் ஸ்டப்ஃடு உருளைக்கிழங்கு ரெடி.

    • சிக்கனில் விதவிதமான ஸ்நாக்ஸ் செய்யலாம்.
    • இந்த ரெசிபியை செய்வது மிகவும் சுலபம்.

    தேவையான பொருட்கள்

    உருளைக்கிழங்கு - 2

    எலும்பில்லாத சிக்கன் - 1 கப்

    நெய் - 1 டீஸ்பூன்

    முட்டை - 2

    சில்லி பிளேக்ஸ் - 1 டீஸ்பூன்

    சாட் மசாலா - 1 டீஸ்பூன்

    தனி மிளகாய் தூள் - 1 டீஸ்பூன்

    ஆரிகானோ - 1 டீஸ்பூன்

    பொடியாக நறுக்கிய குடைமிளகாய் - 1 டீஸ்பூன்

    பொடியாக நறுக்கிய வெங்காயம் - 1 டீஸ்பூன்

    பொடியாக நறுக்கிய கொத்தமல்லி - 1 டீஸ்பூன்

    இஞ்சி பூண்டு விழுது - 1 டீஸ்பூன்

    கபாப் ஸ்டிக் - 10

    உப்பு - சுவைக்கு

    பிரெட் துள் - தேவைக்கு

    எண்ணெய் - பொரிக்க

    செய்முறை

    உருளைக்கிழங்கை வேக வைத்து தோல் உரித்து மசித்து கொள்ளவும்.

    சிக்கனை வேக வைத்து உதிர்த்து கொள்ளவும்.

    முட்டையை ஒரு கிண்ணத்தில் உடைத்து ஊற்றி நன்றாக அடித்துகொள்ளவும்.

    ஒரு பாத்திரத்தில் மசித்த உருளைக்கிழங்கை போட்டு அதனுடன் வேக வைத்து உரித்த சிக்கன், உப்பு, இஞ்சி பூண்டு விழுது, பொடியாக நறுக்கிய வெங்காயம், கொத்தமல்லி, குடைமிளகாய், ஆரிகானோ, தனி மிளகாய் தூள், சாட் மசாலா, சில்லி பிளேக்ஸ், நெய் சேர்த்து நன்றாக பிசைத்த பின்னர் கடைசியாக 2 டீஸ்பூன் பிரெட் தூள் சேர்த்து கலந்து வைக்கவும்.

    ஒரு தட்டில் பிரெட் தூளை கொட்டி பரப்பி வைக்கவும்.

    2 கபாப் ஸ்டிக்கை எடுத்து கொண்டு அதில் சிக்கன் மசாலாவை ஒரு உருண்டை அளவு எடுத்து கபாப் ஸ்டிக்கில் வைத்து தட்டையாக தட்டவும். இவ்வாறு அனைத்து மசாலாவையும் செய்யவும்.

    கடாயில் எண்ணெய் ஊற்றி சூடானதும் அடுப்பை மிதமான தீயில் வைத்து செய்து வைத்த ஸ்டிக்கை முட்டை கலவையில் முக்கி பிரெட் தூளில் பிரட்டி எண்ணெயில் போட்டு பொரித்து எடுக்கவும்.

    இப்போது சூப்பரான ஸ்நாக்ஸ் சிக்கன் ஸ்டிக் ரெடி.

    ஆந்திர மாநிலத்தின் பாரம்பரிய உணவுகள் காரத்திற்கும், ருசிக்கும் பெயர் பெற்றவை. அசத்தலான ருசியுடன் கூடிய ஆந்திர ஸ்டைல் சிக்கன் வறுவல் எவ்வாறு தயாரிப்பது என்று பார்ப்போம்.
    மசாலா தயாரிக்க தேவையான பொருட்கள்:

    தனியா - 1½ தேக்கரண்டி
    சீரகம் - 1 தேக்கரண்டி
    சோம்பு -1 தேக்கரண்டி
    மிளகு - 1 தேக்கரண்டி
    ஏலக்காய் - 3
    கிராம்பு - 4
    பட்டை - சிறிய துண்டு
    காய்ந்த மிளகாய் - 6
    காஷ்மீரி மிளகாய் - 4

    செய்முறை:

    வாணலியில் பட்டை, கிராம்பு, ஏலக்காய், தனியா, சீரகம், சோம்பு, மிளகு, காய்ந்த மிளகாய், காஷ்மீரி மிளகாய் ஆகியவற்றை போட்டு, எண்ணெய் ஊற்றாமல் இரண்டு நிமிடம் மிதமான தீயில் வறுத்தெடுக்க வேண்டும். பின்னர் அதை ஆற வைத்து பொடியாக அரைத்துக் கொள்ளவும்.

    வறுவலுக்குத் தேவையான பொருட்கள்:

    கோழிக்கறி - 1 கிலோ
    பெரிய வெங்காயம் - 4
    பச்சை மிளகாய் - 2
    கறிவேப்பிலை - தேவையான அளவு
    இஞ்சி பூண்டு விழுது - இரண்டு தேக்கரண்டி
    உப்பு - தேவையான அளவு
    மஞ்சள் தூள் - ½ தேக்கரண்டி
    மிளகாய்த்தூள் - 4 தேக்கரண்டி
    எண்ணெய் - தேவையான அளவு

    செய்முறை:

    கோழிக்கறியை மஞ்சள் தூள், மிளகாய்த்தூள், சிறிதளவு உப்பு கலந்து அரை மணி நேரம் ஊற வைக்கவும்.

    பெரிய வெங்காயத்தை பொடிதாக நறுக்கிக் கொள்ளவும்.

    வாணலியில் தேவையான அளவு எண்ணெய் ஊற்றி, சூடானதும் நறுக்கி வைத்துள்ள பெரிய வெங்காயத்தைப் போட்டு பொன்னிறமாக மாறும் வரை வதக்கவும்.

    பின்பு பச்சை மிளகாயை இரண்டாக வெட்டி அதில் சேர்த்துக் கிளறவும்.

    அதன் பின்னர் இஞ்சி பூண்டு விழுது போட்டு, பச்சை வாசனை போகும் வரை வதக்கவும். பின்பு அதில் கறிவேப்பிலை சேர்க்கவும்.

    சிறிது நேரம் கழித்து அந்தக் கலவையில் ஊற வைத்த கோழிக்கறியை சேர்த்து வதக்கவும்.

    பின்னர் அதனுடன் அரைத்து வைத்துள்ள மசாலாப் பொடி இரண்டு தேக்கரண்டி சேர்த்துக் கலக்கவும். கலவையில் தண்ணீர் சேர்க்கத் தேவையில்லை,

    கோழிக்கறியில் ஏற்கனவே உப்பு போட்டு ஊற வைத்திருப்பதால், சுவைத்துப் பார்த்து உப்பு சேர்த்துக் கொள்ளவும்.

    கலவையில் இருந்து எண்ணெய் பிரிந்து மேலே வரும் பக்குவத்தில் சிறிது கறிவேப்பிலை போட்டு கிளறி இறக்கவும்.

    ருசியான ஆந்திரா சிக்கன் வறுவல் தயார்.
    ×