நீங்கள் தேடியது "Chakrapani Temple"

கும்பகோணத்தில் சக்கரபாணி கோவில் உள்ளது. பல்வேறு சிறப்புகள் வாய்ந்த இந்த கோவிலில் ஆண்டுதோறும் வைகாசி மாதம் பவுர்ணமி நாளில் தெப்ப உற்சவம் நடத்தப்படுவது வழக்கம்.

அதன்படி கடந்த 14-ந்தேதி இரவு கோவில் பிரகாரத்தில் உள்ள அமிர்தபுஷ்கரணியில் விஜயவல்லி, சுதர்சனவல்லி தாயாரோடு சக்கரபாணி மின்னொளியில் அலங்கரிக்கப்பட்ட தெப்பத்தில் எழுந்தருளி பக்தர்களுக்கு காட்சி அளித்தார்.

தொடர்ந்து தெப்பம் திருக்குளத்தில் மூன்று முறை வலம் வந்து பெருமாள், தாயாருக்கு சிறப்பு தீபாராதனை காண்பிக்கப்பட்டது. இதில் திரளான பக்தர்கள் கலந்து கொண்டு சாமி தரிசனம் செய்தனர்.