என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
முகப்பு » cannes 2018
நீங்கள் தேடியது "Cannes 2018"
பாலியல் வன்முறையை எதிர்த்து பிரான்சில் நடைபெறும் கேன்ஸ் படவிழாவில், பாலிவுட் நடிகை மல்லிகா ஷெராவத் கூண்டுக்குள் தன்னை பூட்டிக் கொண்டு நூதன போராட்டத்தில் ஈடுபட்டார். #MallikaSherawat
பாலியல் குற்றங்கள் உலகளாவில் அதிகரித்துள்ளன. ஹாலிவுட் படங்களிலும் இந்திய திரையுலகிலும் நடிகைகளை பட வாய்ப்புக்காக படுக்கைக்கு அழைத்து துன்புறுத்தும் போக்கும் அதிகரித்துள்ளது. குழந்தைகளும் இந்த கொடுமைகளில் சிக்குகிறார்கள். பாலியல் வன்மங்களுக்கு உள்ளாக்கி அவர்களை கொலை செய்யும் பாதகங்களும் நடக்கின்றன.
இதற்கு எதிரான குரல் தற்போது ஓங்கி ஒலிக்க தொடங்கி உள்ளது. ஹாலிவுட் நடிகைகள் சமூக வலைத்தளத்தில் ‘மீடூ’ இயக்கம் தொடங்கி இருக்கிறார்கள். தெலுங்கில் நடிகை ஸ்ரீரெட்டியின் போராட்டத்துக்கு பிறகு திரையுலக பெண்களை பாதுகாக்க புதிய அமைப்பு தொடங்கப்பட்டு உள்ளது.
இந்த நிலையில் கமல்ஹாசனுடன் தசாவதாரம் படத்தில் வில்லியாக வந்து தமிழ் ரசிகர்கள் மத்தியில் பிரபலமாக இருக்கும் இந்தி நடிகை மல்லிகா ஷெராவத் பாலியல் தொல்லைகளுக்கு எதிராக விழிப்புணர்வை ஏற்படுத்த பிரான்சில் நடந்த கேன்ஸ் பட விழாவில் பூட்டப்பட்ட கூண்டுக்குள் இருந்தபடி நூதன போராட்டம் நடத்தினார்.
‘12 மணிநேரமாக நான் சிறை வைக்கப்பட்டு உள்ளேன். பெண்ணை சுதந்திரமாக வாழ விடுங்கள்’ என்று கோஷம் எழுப்பியபடி இந்த போராட்டத்தை நடத்தினார். இது பட விழாவுக்கு வந்த அனைவரையும் கவர்ந்தது. #MallikaSherawat
கேன்ஸ் திரைப்படவிழாவில் கவர்ச்சி உடையணிந்து சிவப்புக் கம்பளத்தில் நடந்து வந்து நடிகை ஐஸ்வர்யா ராய் அனைவரையும் கவர்ந்தார். #AishwaryaRai #Cannes2018
சர்வதேச கேன்ஸ் திரைப்பட விழா பிரான்ஸில் நடந்து வருகிறது. இதில் கலந்து கொள்வதற்காக நடிகர் தனுஷ், பாலிவுட் நடிகைகள் தீபிகா படுகோனே, பிரியங்கா சோப்ரா, ஹூமா குரேஷி, ஐஸ்வர்யா ராய் உள்ளிட்ட பலரும் பிரான்ஸ் சென்றுள்ளனர்.
இவர்கள் அனைவரும் கேன்ஸ் திரைப்பட விழாவில் வித்தியாசமான கவர்ச்சி உடையணிந்து சிவப்புக் கம்பளத்தில் நடந்து வந்து அனைவரின் பார்வையையும் கவர்ந்தனர்.
இதில் ஐஸ்வர்யா ராய்யின் புகைப்படங்கள் தற்போது வைரலாகி வருகிறது. பிரான்ஸில் தான் எடுத்துக் கொண்ட புகைப்படங்களை ஐஸ்வர்யா ராய் அவரது சமூக வலைதள பக்கத்தில் வெளியிட்டார். அதில், அவரது மகளுக்கு முத்தம் கொடுத்த புகைப்படமும் அடங்கும். அந்த புகைப்படங்கள் தற்போது சமூக வலைதளங்களில் வைரலாகி வருகிறது.
அதுமட்டுமின்றி இன்று கவர்ச்சியான உடையுடன் வந்த ஐஸ்வர்யா ராய், அனைவரையும் கவர்ந்தார். #AishwaryaRai #Cannes2018
ரஜினி நடிப்பில் வெளியாக இருக்கும் காலா படத்தில் நடித்துள்ள நாயகிகளுள் ஒருவரான ஹூமா குரேஷி, அவரும் பாலியல் தொல்லையை சந்தித்ததாக கூறியிருக்கிறார். #HumaQureshi
பா.இரஞ்சித் இயக்கத்தில் ரஜினிகாந்த் நடிப்பில் வருகிற ஜூன் 7-ஆம் தேதி ரிலீசாக இருக்கும் படம் `காலா'. மும்பை பின்னணியில் உருவாகி இருக்கும் இந்த படத்தில் ஒரு முக்கிய கதாபாத்திரத்தில் பாலிவுட் நடிகை ஹூமா குரோஷியும் நடித்திருக்கிறார்.
பிரான்சில் நடந்து வரும் 71-வது கேன்ஸ் திரைப்படவிழாவில் கலந்து கொண்டு நடிகை ஹூமா குரேஷி பெண்களுக்கு பாலியல் தொல்லை பற்றிய #MeToo இயக்கம், கருத்து சுதந்திரம், இந்தியாவில் பெண்களின் நிலை பற்றி அவரது சொந்த அனுபவங்களை பற்றி பேசினார். அப்போது அவர் கூறியதாவது:-
"இந்தியாவிலும், உலகின் பல இடங்களிலும், பெண்கள் துன்புறுத்துதலுக்கு உள்ளாகின்றனர். அவர்களுக்கு எதிரான அமைப்புகளும் தற்போது உருவாகிவிட்டது. இந்தியாவில் சிறுமிகள் பாலியல் பலாத்காரம் செய்யபடுகின்றனர்.
ஒரு பெண் சத்தமாக கத்துகிறாள் என்றால், அவள் உதவியை கேட்கிறாள் என்று அர்த்தம். அதற்காக அவளை தவறாக சித்தரிப்பது தவறானது, அவளுக்கு உதவவே, அவளை காப்பாற்றவே நாம் முன்வர வேண்டும். நமது நாட்டு பெண்கள் மற்றும் குழந்தைகளை காப்பாற்ற வேண்டும் என்று நினைக்கிறேன்.
இந்த மாதிரியான சம்பவங்கள் ஒரு பெரிய மாற்றத்திற்கான தேவையை காட்டுகின்றன. இதற்கு சட்டங்கள் மட்டும் உதவ முடியாது, நாம் நேரிடையாக களத்தில் இறங்க வேண்டும். மாற்றம் ஆழ்ந்ததாகவும், தன்னார்வமாகவும் இருக்க வேண்டும்.
பெண்களை படுக்கைக்கு அழைப்பது திரைத்துறையில் மட்டுமல்ல, எல்லாத் துறையிலும் உள்ளது. நானும் அதை சந்தித்து உள்ளேன் என்று கூறினார். #HumaQureshi #Cannes71 #Cannes2018
தனுஷின் முதல் ஹாலிவுட் படமான `தி எக்ஸ்டார்ட்டினரி ஜார்னி ஆஃப் தி ஃபகிர்' படத்திற்கு தனுஷின் பிரபல பாடலை வரிகளையே தலைபடபாக்கி உள்ளனர். #Dhanush #Cannes2018
தமிழ் சினிமாவில் முன்னணி நாயகனாக வலம் வரும் நடிகர் தனுஷின் முதல் ஹாலிவுட் படம் `தி எக்ஸ்டார்ட்டினரி ஜார்னி ஆஃப் தி ஃபகிர்' உலகளவில் பிரபலமான கேன்ஸ் படவிழாவில் திரையிடப்பட உள்ளது. அதற்காக நடிகர் தனுஷ் பிரான்ஸ் சென்றுள்ளார். நேற்று ஃபகிர் படத்தின் தமிழ் போஸ்டரை தனுஷ் வெளியிட்டார். தமிழில் இந்த படத்திற்கு `வாழ்க்கைய தேடி நானும் போனேன்' என்று தலைப்பு வைக்கப்பட்டுள்ளது.
இந்த தலைப்பு தனுஷின் `வேலையில்லா பட்டதாரி' படத்தில் இடம்பெற்ற பாடலையே படத்தின் தலைப்பாக்கியுள்ளனர்.
ஹாலிவுட் இயக்குநர் கென் ஸ்காட் இயக்கியிருக்கும் இந்த படம் ஐக் வார்ட்ரோபின் `தி எக்ஸ்டார்ட்டினரி ஜார்னி ஆஃப் தி ஃபகிர்' என்ற நாவலை தழுவி காமெடி படமாக உருவாகியுள்ளது. இந்த படத்தில் தனுஷுடன் பெர்னைஸ் பெஜோ, பர்காத் அப்தி, அபெல் ஜப்ரி, எரின் மோரியார்டி உள்ளிட்ட பலரும் நடித்துள்ளனர்.
வருகிற மே 30-ஆம் தேதி இந்த படம் பிரான்சில் ரிலீசாக இருக்கிறது. தமிழிலும் அதேநாளில் ரிலீஸ் செய்ய படக்குழு திட்டமிட்டுள்ளது. #Dhanush #Cannes2018 #FakirAtCannes #VaazhkayaThediNaanumPonen
தனுஷ் நடிப்பில் உருவாகி இருக்கும் முதல் ஹாலிவுட் படமான `தி எக்ஸ்டார்ட்டினரி ஜார்னி ஆஃப் தி ஃபகிர்' படத்தை திரையிடுவதற்காக நடிகர் தனுஷ் கேன்ஸ் திரைப்பட விழாவில் பங்கேற்க சென்றிருக்கிறார். #Dhanush #Cannes2018
தனுஷின் முதல் ஹாலிவுட் படமான `தி எக்ஸ்டார்ட்டினரி ஜார்னி ஆஃப் தி ஃபகிர்' உலகளவில் பிரபலமான கேன்ஸ் படவிழாவில் திரையிடப்பட உள்ளது. அதற்காக நடிகர் தனுஷ் பிரான்ஸ் சென்றுள்ளனர்.
ஹாலிவுட் இயக்குநர் கென் ஸ்காட் இயக்கியிருக்கும் இந்த படம் ஐக் வார்ட்ரோபின் `தி எக்ஸ்டார்ட்டினரி ஜார்னி ஆஃப் தி ஃபகிர்' என்ற நாவலை தழுவி காமெடி படமாக உருவாகியுள்ளது. இந்த படத்தில் தனுஷுடன் பெர்னைஸ் பெஜோ, பர்காத் அப்தி, அபெல் ஜப்ரி, எரின் மோரியார்டி உள்ளிட்ட பலரும் நடித்துள்ளனர்.
உலக சினிமா சந்தையில் நல்ல வரவேற்பை பெற்று வரும் இந்த படத்தின் வெளிநாட்டு உரிமையை பெரும்பாலான நாடுகளில் சோனி பிக்சர்ஸ் கைப்பற்றியிருக்கிறது.
வருகிற மே 30-ஆம் தேதி இந்த படம் பிரான்சில் ரிலீசாக இருக்கிறது. அதே வாரத்தில் இந்தியாவிலும் ரிலீஸ் செய்ய படக்குழு திட்டமிட்டுள்ளதாக தகவல் வெளியாகி இருக்கிறது. இந்த படத்தின் புதிய போஸ்டர் இன்று வெளியாக இருக்கிறது என்பது குறிப்பிடத்தக்கது. #Dhanush #Cannes2018 #FakirAtCannes
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X
