என் மலர்
நீங்கள் தேடியது "A Silent Tribute"
- பஹல்காம் தாக்குதலில் பொதுமக்கள் 26 பேர் உயிரிழந்தனர்.
- பஹல்காம் தாக்குதலில் உயிரிழந்தவர்களுக்காக மைதானத்தில் 60 வினாடிகள் மவுன அஞ்சலி செலுத்தப்பட்டது.
ஐதராபாத்:
காஷ்மீரின் முக்கிய சுற்றுலாத் தலமான பஹல்காம் என்ற இடத்தில் நேற்று பயங்கரவாதிகள் சுற்றுலாப் பயணிகளை குறி வைத்து திடீர் தாக்குதல் நடத்தினர். இந்த தாக்குதலில் 26 பேர் உயிரிழந்தனர். இந்த தாக்குதல் சம்பவம் நாடு முழுவதும் பெரும் அதிர்வலைகளை ஏற்படுத்தியுள்ளது.
இந்த சூழலில், ஐ.பி.எல். கிரிக்கெட் தொடரில் மும்பை-ஐதராபாத் அணிகளுக்கு இடையிலான ஆட்டம் ஐதராபாத்தில் உள்ள ராஜீவ் காந்தி சர்வதேச ஸ்டேடியத்தில் இன்று நடந்து வருகிறது.
முன்னதாக போட்டி தொடங்குவதற்கு முன்பு பஹல்காம் தாக்குதலில் உயிரிழந்தவர்களுக்காக மைதானத்தில் மும்பை, ஐதராபாத் அணி வீரர்கள், நடுவர்கள், பார்வையாளர்கள் உள்ளிட்டோர் 60 வினாடிகள் மவுன அஞ்சலி செலுத்தினர். இரு அணி வீரர்களும் தங்கல் இரங்கலை தெரிவிக்கும் விதமாக கையில் கருப்பு பட்டை அணிந்து விளையாடி வருகின்றனர்.
- களிமேடு கிராமத்தில் சப்பர பவனியின் போது தீ விபத்து ஏற்பட்டு 11 பேர் உயிரிழந்தனர்.
- களிமேடு தீ விபத்தில் பலியானவர்களுக்கு மெழுகுவர்த்தி ஏந்தி 2 நிமிடம் மௌன அஞ்சலி செலுத்தினர்.
தஞ்சாவூர்:
தஞ்சாவூர் மாவட்டம் களிமேடு கிராமத்தில் சென்ற ஆண்டு நடைபெற்ற 94 வது அப்பர் குருபூஜை விழாவில் நடைபெற்ற சப்பர பவனியின் போது எதிர்பாராத விதமாக உயர் மின் அழுத்த கம்பியில் சப்பரம் உரசியதில் தீ விபத்து ஏற்பட்டு விவசாயி சுவாமிநாதன் , முன்னாள் ராணுவ வீரர் பிரதாப் , கோயில் பூசாரி ஆத்தா செல்வம், சிறுவன் ராஜ்குமார், சிறு வன் பரணிதரன், விவசாயி அன்ப ழகன், ராகவன், நாகராஜன், மோகன், சந்தோஷ், கோவிந்தராஜ் உள்ளிட்ட 11 பேர் உயிரிழந்தனர்.
தமிழ்நாட்டையே அதிர்ச்சிக்குள்ளாக்கிய இந்த சோக சம்பவத்தின் வடு இன்னமும் அந்த ஊர் மக்களின் மனதில் இருந்து ஆறாத நிலையில் அதில் பலியானோருக்கு தஞ்சாவூர் நகர பொதுமக்கள் சார்பில் முதலாமாண்டு நினைவு அஞ்சலி நிகழ்ச்சி இன்ற தஞ்சை ரயிலடியில் நடைபெற்றது.
தஞ்சை ஜோதி அறக்கட்டளை சார்பில் ஏற்பாடு செய்யப்பட்டிருந்த இந்த அஞ்சலி நிகழ்ச்சியில் தஞ்சாவூர் நகர பொதுமக்கள் மற்றும் ஆட்டோ ஓட்டுனர்கள் திரளாக கலந்துகொண்டு களிமேடு தீ விபத்தில் பலியானவர்களுக்கு அஞ்சலி செலுத்தும் வகையில் மெழுகுவர்த்தி ஏந்தி 2 நிமிடம் மௌன அஞ்சலி செலுத்தினர்.
அலங்கரித்து வைக்கப்ப ட்டிருந்த பலியானோர் புகைப்படங்களுக்கு மலர் தூவி அவர்களது ஆன்மா சாந்தியடையவும் பிரார்த்தனை செய்தனர். நிகழ்ச்சிக்கான ஏற்பாடு களை ஜோதி அறக்கட்டளை செயலாளர் டாக்டர் பிரபு ராஜ்குமார் மேற்பார்வையில் அறக்கட்டளை மேலாளர் ஞானசுந்தரி உள்ளிட்டோர் செய்திருந்தனர்.
