அரையிறுதியில் இங்கிலாந்து அணி - பிரிட்டிஷ் ஏர்வேஸ் வித்தியாசமான வாழ்த்து

லண்டன்:

ரஷியாவில் நடந்து வரும் உலக்கோப்பை கால்பந்து தொடர் இறுதிகட்டத்தை எட்டியுள்ளது. அரையிறுதியில் இங்கிலாந்து, குரோசியா மற்றும் பிரான்ஸ், பெல்ஜியம் அணிகள் மோத உள்ளன. இங்கிலாந்து சாம்பியன் பட்டத்தை பெற வாய்ப்பு அதிகமாக உள்ளதாக கூறப்படுகிறது.

இந்நிலையில், 14-ம் தேதி இரவு நடக்க உள்ள இறுதிப்போட்டியில் நிச்சயமாக இங்கிலாந்து விளையாடும் என்ற நம்பிக்கையில் பிரிட்டிஷ் ஏர்வேஸ் நிறுவனம் பிரத்யேக வாழ்த்தை தெரிவித்துள்ளது. மாஸ்கோவில் இருந்து லண்டனுக்கு 15-ம் தேதி அணி வருகிறது என்பதை குறிக்கும் வகையில் போர்டிங் பாஸ் வடிவிலான அந்த வாழ்த்து வெளியிடப்பட்டுள்ளது.