Budget 2025 Live Updates: வருமான வரி விலக்கு உச்ச வரம்பு ரூ.12 லட்சமாக அதிகரிப்பு

திருக்குறளை மேற்கோள் காட்டி நிர்மலா சீதாராமன் உரையாற்றினார்.

"வானோக்கி வாழும் உலகெல்லாம் மன்னவன்

கோல்நோக்கி வாழுங் குடி" என்ற திருக்குறளை மேற்கோள் காட்டினார்.

மீன்வளத்துறைக்கு ஊக்கமளிக்கும் வகையில், கடல் சார்ந்த பொருட்களுக்கான அடிப்படை இறக்குமதி வரி குறைப்பு. அதன்படி, கடல்சார் பொருட்களுக்கான அடிப்படை இறக்குமதி வரி 30 சதவீதத்திலிருந்து 5 சதவீதமாக குறைப்பு.

எலக்ட்ரிக் வாகனங்களுக்கான பேட்டரி உதிரி பாகங்களுக்கு இறக்குமதி வரி விலக்கு. லித்தியம் பேட்டரி, சிங்க், கோபால்ஸ் பௌடர் உள்ளிட்ட 12 வகையான அரிய வகை கனிமங்களுக்கு வரி விலக்கு.

புற்றுநோய் போன்ற அரியவகை நோய்களுக்கான 36 மருந்துகளுக்கு இறக்குமதி வரியில் இருந்து முற்றிலும் விலக்கு.

2024-25ம் நிதியாண்டில் திருத்தி அமைக்கப்பட்ட பட்ஜெட் மதிப்பீடு ரூ.31.47 லட்சம் கோடி.

வருமான வரித்துறையில் 100 சட்டப்பிரிவுகளை குற்றம் அற்றதாக ஆக்கும் வகையில் ஜன்விஷ்வாஷ் 2.0 மசோதா. 

புதிய வருமான வரி மசோதா பாராளுமன்றத்தில் அடுத்த வாரம் அறிமுகம் செய்யப்படுகிறது.

அந்நிய நேரடி முதலீட்டிற்கான உச்சவரம்பு 100 சதவீதமாக அதிகரிக்கப்படுகிறது- நிர்மலா சீதாராமன்.

உள்நாட்டு எலெக்ட்ரானிக் உற்பத்தி மையங்களை அரசு தொடங்கும்- நிர்மலா சீதாராமன்.

ஐஐடியில் பயிலும் மேலும் 10 ஆயிரம் ஆராய்ச்சி மாணவர்களுக்கு பிரதமரின் ஆராய்ச்சி ஊக்க தொகை திட்டம்- நிர்மலா சீதாராமன்