எனக்கு அவரை போல் அரசியல் ஞானஒளி இல்லை- முதலமைச்சருக்கு டாக்டர் ராமதாஸ் பதில்

சென்னை:

பா.ம.க. நிறுவனர் டாக்டர் ராமதாஸ் துபாயில் இருந்து விமானத்தில் சென்னை வந்தார். சென்னை மீனம்பாக்கம் விமான நிலையத்தில் அவர், நிருபர்களிடம் பேட்டியளித்தார். அப்போது ''ராமதாசுக்கு வேலை இல்லை. அதனால் தினமும் அறிக்கை விட்டு கொண்டு இருப்பார் என முதலமைச்சர் மு.க.ஸ்டாலின் கூறி உள்ளாரே?'' என நிருபர்கள் கேட்டனர்.

அதற்கு டாக்டர் ராமதாஸ், ''அவரை (முதலமைச்சர் மு.க.ஸ்டாலின்) போல் பிரகாசமான ஞானஒளி எனக்கு இல்லைதான். நான் என்ன செய்ய முடியும்? அவரை போல் பிரகாசமான அரசியல் ஞானஒளி நான் பெறவில்லையே என வருத்தமாக இருக்கிறது" என்றார்.

மேலும் அவரிடம், 2026-ம் ஆண்டு தேர்தல் குறித்து கேட்டதற்கு பதில் எதுவும் சொல்லாமல் சென்றுவிட்டார்.