இந்த முறையாவது கோப்பையை வெல்லுமா ஆர்சிபி? திருப்பதியில் சாமி தரிசனம் செய்த வீரர்கள்- வைரலாகும் வீடியோ

ஐபிஎல் தொடரின் 18-வது சீசன் இந்தியாவில் பல்வேறு நகரங்களில் விறுவிறுப்பாக நடைபெற்று வருகிறது. இதில் யாரும் எதிர்பார்க்காத சென்னை சூப்பர் கிங்ஸ் தொடர் தோல்விகளை சந்தித்து புள்ளிப்பட்டியலில் கடைசி இடத்தில் உள்ளது.

நடப்பு ஐபிஎல் தொடரில் இதுவரை 48 லீக் போட்டிகள் முடிவடைந்த நிலையில் புள்ளிப்பட்டியலில் முதல் இடத்தில் ஆர்சிபி அணி உள்ளது. ஆர்சிபி அணி 10 போட்டிகளில் 7 போட்டியில் வெற்றியும் 3 போட்டியில் தோல்வியும் கண்டுள்ளது. ஆர்சிபி அணி அடுத்த போட்டியில் சென்னை சூப்பர் கிங்ஸ் அணியை மே 3-ந் தேதி எதிர் கொள்கிறது.

இந்நிலையில் ஆர்சிபி அணி கேப்டன் பட்டிதார் மற்றும் ஜித்தேஷ் சர்மா ஆகியோர் திருப்பதிக்கு சென்று சாமி தரிசனம் செய்துள்ளனர். மேலும் மகளிர் ஆர்சிபி வீராங்கனையான ஷ்ரேயங்கா பாட்டீலும் இவர்களுடன் சாமி தரிசனம் செய்தார். இது தொடர்பான புகைப்படம் மற்றும் வீடியோக்கள் சமூக வலைதளங்களில் வைரலாகி வருகிறது.

விராட் கோலிக்காக இந்த முறை ஆர்சிபி அணி கோப்பையை வெல்ல வேண்டும் என ஆர்சிபி ரசிகர்கள் மட்டுமின்றி மற்ற அணி ரசிகர்களும் எதிர்பார்க்கின்றனர்.