search icon
என் மலர்tooltip icon

    செய்திகள்

    அரை சதமடித்த பூனம் ராவத்
    X
    அரை சதமடித்த பூனம் ராவத்

    பெண்கள் கிரிக்கெட்: வெஸ்ட் இண்டீசை 53 ரன்கள் வித்தியாசத்தில் வீழ்த்தியது இந்தியா

    வெஸ்ட் இண்டீஸ் அணிக்கெதிரான 2வது ஒருநாள் கிரிக்கெட் போட்டியில் 53 ரன்கள் வித்தியாசத்தில் வெற்றி பெற்ற இந்திய தொடரை 1-1 என சமன் செய்துள்ளது.
    ஆன்டிகுவா:

    இந்திய பெண்கள் கிரிக்கெட் அணி, வெஸ்ட் இண்டீஸில் சுற்றுப் பயணம் செய்து விளையாடி வருகிறது. இவ்விரு அணிகள் இடையிலான முதல் போட்டியில் வெஸ்ட் இண்டீஸ் அணி ஒரு ரன் வித்தியாசத்தில் வெற்றி பெற்றது.

    இந்நிலையில், இரு அணிகளுக்கு இடையிலான 2வது ஒருநாள் போட்டி நடைபெற்றது. இதில் ‘டாஸ்’ ஜெயித்து முதலில் பேட்டிங் செய்த இந்திய அணி 6 விக்கெட்டுக்கு 191 ரன்கள் சேர்த்தது. அதிகபட்சமாக பூனம் ராவத் 77 ரன்னும், ஹர்மன்பிரீத் கவு 46 ரன்னும், கேப்டன் மிதாலிராஜ் 40 ரன்னும் எடுத்தனர்.
     
    அடுத்து 192 ரன்கள் இலக்கை நோக்கி களம் இறங்கிய வெஸ்ட் இண்டீஸ் அணி இந்திய அணியினரின் பந்து வீச்சில் சுருண்டனர்.

    50 ஓவர் முடிவில் வெஸ்ட் இண்டீஸ் அணி 138 ரன்களுக்கு ‘ஆல்-அவுட்’ ஆகி 53 ரன் வித்தியாசத்தில் தோல்வியை தழுவியது. கேம்பெல் 39 ஸ்டபானிஸ் டெய்லர் 20 ரன்னும் எடுத்தனர். மற்றவர்கள் விரைவில் அவுட்டாகினர்.

    இந்த வெற்றியின் மூலம் 3 போட்டிகள் கொண்ட இந்த தொடரில் இரு அணிகளும் வெஸ்ட் இண்டீஸ் அணி 1-1 என்ற கணக்கில் சமனிலை வகிக்கிறது. 3-வது ஒருநாள் கிரிக்கெட் போட்டி இதே மைதானத்தில் நாளை மறுதினம் நடக்கிறது.
    Next Story
    ×