search icon
என் மலர்tooltip icon

    செய்திகள்

    அரை சதமடித்த ஒஷாடா பெர்னாண்டோ
    X
    அரை சதமடித்த ஒஷாடா பெர்னாண்டோ

    டி 20 கிரிக்கெட் தொடர் - பாகிஸ்தானை 3-0 என ஒயிட்வாஷ் செய்தது இலங்கை

    மூன்றாவது மற்றும் கடைசி 20 ஓவர் கிரிக்கெட் போட்டியில், பாகிஸ்தானை 13 ரன்கள் வித்தியாசத்தில் வீழ்த்திய இலங்கை அணி, தொடரை 3-0 என கைப்பற்றியது.
    லாகூர்:

    இலங்கை அணி பாகிஸ்தானில் சுற்றுப்பயணம் செய்து ஒருநாள் மற்றும் டி 20 தொடர்களில் விளையாடி வருகிறது. முதலில் நடந்த ஒருநாள் போட்டி தொடரில் 2-0 என்ற கணக்கில் பாகிஸ்தான் வென்றது. இரு அணிகளுக்கு இடையிலான டி20 தொடரில் இலங்கை அணி 2-0 என வெற்றி பெற்றிருந்தது.

    இந்நிலையில், இலங்கை மற்றும் பாகிஸ்தான் அணிகள் இடையிலான 3-வது மற்றும் கடைசி 20 ஓவர் கிரிக்கெட் போட்டி லாகூரில் நேற்றிரவு நடந்தது.

    முதலில் பேட் செய்த இலங்கை அணி 7 விக்கெட்டுக்கு 147 ரன்கள் சேர்த்தது. ஒஷாடா பெர்னாண்டோ 78 ரன்கள் விளாசினார்.

    இதையடுத்து, 148 ரன்கள் எடுத்தால் வெற்றி என்ற இலக்குடன் பாகிஸ்தான் களமிறங்கியது.

    ஆனால், பாகிஸ்தான் அணி நிர்ணயிக்கப்பட்ட 20 ஓவரில் 6 விக்கெட்டுக்கு 134 ரன்கள் மட்டுமே எடுத்தது. இதன்மூலம் இலங்கை அணி 13 ரன்கள் வித்தியாசத்தில் வெற்றி பெற்று தொடரை 3-0 என்ற கணக்கில் வென்று பாகிஸ்தானை ஒயிட் வாஷ் செய்தது.
    Next Story
    ×