வாக்காளர் விவரங்களை வெளியிடுவதில் எந்த தாமதமும் இல்லை: தேர்தல் ஆணையம்

புதுடெல்லி:

பாராளுமன்ற தேர்தலில் நடந்து முடிந்துள்ள 5 கட்ட வாக்குப்பதிவிலும் தொகுதி வாரியாக பதிவான வாக்கு சதவீதத்தை மட்டுமே தேர்தல் ஆணையம் வெளியிட்டு வந்தது.

வாக்குப்பதிவு விவரங்களை முழுமையாக வெளியிடாதது தொடர்பான விமர்சனங்களை அடுத்து, வாக்குப்பதிவு முடிந்துள்ள தொகுதிகளுக்கு தற்போது முழு விவரங்களையும் வெளியிட்டுள்ளது.

வாக்குச்சாவடி வாரியான வாக்காளர்களின் எண்ணிக்கையை அதன் இணையதளத்தில் பதிவேற்றம் செய்யவேண்டும் என தன்னார்வ தொண்டு நிறுவனத்தின் மனு மீது சுப்ரீம் கோர்ட் உத்தரவு பிறப்பிக்க மறுத்த ஒரு நாளுக்குப் பிறகு, தேர்தல் ஆணையம் வாக்காளர்களின் எண்ணிக்கையை வெளியிட்டுள்ளது.

இந்நிலையில், வாக்காளர் விவரங்களை வெளியிடுவதில் எந்த தாமதமும் இல்லை. பதிவான வாக்குகளில் எந்த மாற்றமும் செய்ய முடியாது என இந்திய தேர்தல் ஆணையம் தெரிவித்துள்ளது.