search icon
என் மலர்tooltip icon

    செய்திகள்

    நடிகர் சன்னி தியோல் பா.ஜனதாவில் இணைந்தார்
    X

    நடிகர் சன்னி தியோல் பா.ஜனதாவில் இணைந்தார்

    இந்தி சினிமாவில் முன்னணி நடிகரான சன்னி தியோல் இன்று பா.ஜனதா தலைவரும் மத்திய பாதுகாப்புத்துறை அமைச்சருமான நிர்மலா சீதாராமன் முன்னிலையில் அந்த கட்சியில் இணைந்தார். #BJP #SunnyDeol
    அமிர்தசரஸ்:

    இந்தி சினிமாவில் முன்னணி நடிகராக இருப்பவர் சன்னி தியோல். இவர் பிரபல இந்தி நடிகர் தர்மேந்திராவின் முதல் மனைவியின் மகன். தர்மேந்திரா பா.ஜனதா கட்சி சார்பில் கடந்த 2004ஆம் ஆண்டு பொதுதேர்தலில் போட்டியிட்டு வென்றவர்.

    தர்மேந்திராவின் இரண்டாவது மனைவியும் நடிகையுமான ஹேமமாலினியும் பா.ஜனதாவில் மதுரா தொகுதியில் போட்டியிடுகிறார். இந்நிலையில் சன்னி தியோல் இன்று பா.ஜனதா தலைவரும் மத்திய பாதுகாப்புத்துறை அமைச்சருமான நிர்மலா சீதாராமன் முன்னிலையில் அந்த கட்சியில் இணைந்தார். முன்னதாக சன்னி தியோல் கடந்த 19ந்தேதி டெல்லி விமான நிலையத்தில் பா.ஜனதா தேசிய தலைவர் அமித் ஷாவை சந்தித்து பேசினார்.



    சன்னி தியோல் பா.ஜனதாவில் இணைந்தது பற்றி நிர்மலா சீதாராமன் கூறும்போது ‘சன்னி தியோல் மக்களின் மனநிலையை நன்கு அறிந்தவர். சிறந்த தலைவராக விளங்குவார் என்று நம்புகிறோம்’ என்று கூறினார்.

    பஞ்சாப் மாநிலம் குர்தாஸ்பூர் தொகுதியில் அவர் போட்டியிடுவார் என்று தெரிகிறது. #BJP #SunnyDeol
    Next Story
    ×