சிவகங்கை

சிவகங்கை:

மானாமதுரை அருகே உள்ள மலைக்குளத்தை சேர்ந்தவர் ரவி (வயது25). இவரது மனைவி சண்முகப் பிரியா (வயது19). கடந்த 12-ந்தேதி உறவினர் வீட்டிற்கு செல்வதாக வீட்டில் கூறி சென்றுள்ளார்.

ஆனால் அவர் அங்கு செல்லவில்லை. அதே நேரம் வீட்டிற்கும் வரவில்லை. பல இடங்களில் தேடியும் சண்முகப்பிரியாவை பற்றி எந்த தகவலும் கிடைக்க வில்லை. இது குறித்து சிப்காட் போலீசில் புகார் செய்யப்பட்டது.

மானாமதுரை செக்கடி தெருவை சேர்ந்தவர் ரவிச்சந்திரன். இவரது மகள் இருளாயி. இவருக்கு ஓராண்டுக்கு முன்பு திருமணம் நடைபெற்றது.

ஆனால் கருத்து வேறுபாடு காரணமாக ஒரே வாரத்தில் இருளாயி, பெற்றோர் வீட்டிற்கு வந்துவிட்டார். கடந்த 6-ந்தேதி வீட்டில் இருந்து உறவினரை பார்த்து வருவதாக கூறி வெளியே சென்ற அவர் அதன்பிறகு வீடு திரும்பவில்லை. இது குறித்து சிப்காட் போலீசில் புகார் செய்யப்பட்டது. இன்ஸ்பெக்டர் முகமது பரக்கத்துல்லா வழக்குப் பதிவு செய்து மாயமான 2 பெண்களையும் தேடி வருகிறார்.

சிவகங்கை:

காளையார்கோவில் அருகே உள்ள சாத்தாணி கிராமத்தை சேர்ந்த 16 வயதுடைய ஒரு பெண் அதே பகுதியில் உள்ள ஒரு பள்ளியில் பிளஸ்-2 படித்து வருகிறார்.

சம்பவத்தன்று பள்ளிக்கு செல்வதாக கூறிவிட்டு சென்ற அவர் பின்னர் வீடு திரும்பவில்லை. இது குறித்த புகாரின்பேரில் காளையார்கோவில் போலீஸ் இன்ஸ்பெக்டர் கல்யாணகுமார் வழக்குப்பதிவு செய்து மாணவியை தேடி வருகிறார்.

காளையார்கோவில் சொர்ணவள்ளி தெருவை சேர்ந்தவர் அன்னபூர்ணம். இவரது மகள் திவ்யா (வயது21). இவர் சிவகங்கையில் உள்ள ஆஸ்பத்திரியில் நர்சாக பணியாற்றி வருகிறார்.

சம்பவத்தன்று வேலைக்கு செல்வதாக கூறிவிட்டு சென்ற திவ்யா பின்னர் வீடு திரும்பவில்லை. இது குறித்த புகாரின்பேரில் காளையார்கோவில் போலீஸ் சப்-இன்ஸ்பெக்டர் லெனின் அப்பாதுரை வழக்குப்பதிவு செய்து விசாரணை நடத்தி வருகிறார்.

சிவகங்கை:

ராமநாதபுரம் மாவட்டம் வெளிப்பட்டிணத்தை சேர்ந்தவர் நூர்ஜகான். இவரது மகள் ‌ஷகிலா பானு (வயது29). இவர் அதே பகுதியில் உள்ள விரவனூரை சேர்ந்த சாகுல் அமீது என்பவரை காதலித்து வந்ததாக கூறப்படுகிறது.

இதற்கு எதிர்ப்பு தெரிவித்த நூர்ஜகான் தனது மகளை புதுக்கோட்டையில் உள்ள தனது உறவினர் வீட்டிற்கு அனுப்பி வைத்தார்.

இந்நிலையில் சம்பவத்தன்று திருப்பத்தூரில் நடந்த ஒரு திருமண நிகழ்ச்சிக்காக நூர்ஜகான் தனது மகளுடன் வந்தார். திருப்பத்தூர் பஸ் நிலையம் அண்ணாசிலை அருகே அவர்கள் நின்று கொண்டிருந்தனர். அப் போது அங்கு காரில் வந்த ஷாகுல் அமீது உள்ளிட்ட சிலர் ‌ஷகிலாபானுவை கடத்தி சென்றனர்.

உடனே நூர்ஜகான் அங்குள்ள போலீசுக்கு தகவல் கொடுத்தார். உடனே மாவட்டம் முழுவதும் போலீசார் உஷார் படுத்தப்பட்டனர்.

மதகுபட்டி போலீஸ் இன்ஸ் பெக்டர் மோகன் மற்றும் போலீசார் இளம்பெண் கடத்தப்பட்ட காரை மதகுபட்டி அருகே மடக்கி பிடித்தனர். பின்னர் காரில் இருந்த ‌ஷகிலா பானுவை மீட்டு, ஷாகுல் அமீதுவை கைது செய்தனர்.

காரைக்குடி:

காரைக்குடி மகர்நோன்பு பொட்டலை சேர்ந்தவர் ஆறுமுகம். இவரது மனைவி இந்திரா (வயது72). இவர் பழைய ரூபாய் நோட்டுகளை மாற்றுவதற்காக கோவிலூர் ரோட்டில் உள்ள ஒரு அரசு வங்கியில் காத்திருந்தார்.

அப்போது அங்கு வந்த கோட்டையூர் விநாயகர் அக்ரகாரத்தை சேர்ந்த சங்கர் (வயது42) என்பவர் இந்திராவிடம் வங்கி ஊழியர் என்று அறிமுகப்படுத்தி கொண்டு ரூ.5 ஆயிரத்தை எடுத்து கொண்டு தப்பினார்.

இது குறித்து போலீசில் புகார் கூறப்பட்டது. இந்நிலையில் மீண்டும் இந்திரா அதே வங்கியில் பணம் செலுத்த வந்தபோது அங்கிருந்த சங்கரை மடக்கி பிடித்து போலீசில் ஒப்படைத்தார். காரைக்குடி வடக்கு குற்றப்பிரிவு போலீஸ் இன்ஸ்பெக்டர் முருகன் வழக்குப்பதிவு செய்து சங்கரை கைது செய்தார்.

இதேபோல் காரைக்குடி என்.ஜி.ஓ. காலனியை சேர்ந்த அனீஸ்பாத்திமா என்பவர் செக்காலை ரோட்டில் உள்ள ஒரு தனியார் வங்கியில் பணம் செலுத்த காத்திருந்தபோது அங்கு வந்த 42 வயது மர்ம ஆசாமி ரூ.2 ஆயிரத்தை மாற்றி தருவதாக கூறி வாங்கி கொண்டு தப்பினார்.

இது குறித்து காரைக்குடி வடக்கு போலீசார் விசாரணை நடத்தி வருகின்றனர்.

காரைக்குடி:

காரைக்குடி அருகே உள்ள கோட்டையூர் எழில்நகரை சேர்ந்தவர் சுந்தரலிங்கம் (வயது49). இவர் புதுவயலில் அடகு கடை நடத்தி வருகிறார். சம்பவத்தன்று வீட்டை பூட்டிவிட்டு சுந்தரலிங்கம் கடைக்கு சென்றுவிட்டார்.

மதிய நேரத்தில் சுந்தர லிங்கத்தின் பக்கத்து வீட்டை சேர்ந்த தெய்வானை என்ற பெண் அவருக்கு போனில் பேசினார். அப்போது அவர் உங்கள் வீட்டின் முன்பு ஒரு கார் நின்றுள்ளதாகவும், சில மர்ம ஆசாமிகள் வீட்டுக்குள் போனதாகவும் தெரிவித்தார்.

உடனடியாக சுந்தர லிங்கம் வீட்டுக்கு புறப்பட்டார். அதற்குள் அந்த மர்ம ஆசாமிகள் அங்கிருந்து தப்பினர். வீட்டில் சென்று பார்த்தபோது 5½ பவுன் நகை கொள்ளை போயிருந்தது.

சுந்தரலிங்கம் கொடுத்த புகாரின்பேரில் பள்ளத்தூர் போலீஸ் சப்-இன்ஸ்பெக்டர் ஜெயபாண்டியன் வழக்குப்பதிவு செய்து கொள்ளையர்களை தேடி வருகிறார்.

நேற்றும் இதே பகுதியில் உள்ள ஒரு வீட்டில் 18½ பவுன் நகை, ரூ.2 லட்சத்து 20 ஆயிரம், 1 கிலோ வெள்ளி ஆகியவை கொள்ளை போயிருந்தது என்பது குறிப்பிடத்தக்கது.

சிவகங்கை:

பூவந்தி அருகே உள்ள அரசனூரைச் சேர்ந்தவர் ரமாதேவி (வயது 33). இவரது மகன் முருகன் (17). திருமாஞ்சோலை அரசு பள்ளியில் பிளஸ்-2 படித்து வருகிறார்.

சம்பவத்தன்று காலை வழக்கம் போல் முருகன் பள்ளிக்குச் சென்றான். ஆனால் மாலையில் அவர் வீடு திரும்பவில்லை. பல இடங்களில் தேடியும் முருகனை பற்றிய எந்த தகவலும் கிடைக்கவில்லை.

இதுகுறித்து பூவந்தி போலீசில் புகார் செய்யப்பட்டது. இன்ஸ்பெக்டர் செங்குட்டுவன் வழக்குப்பதிவு செய்து மாயமான மாணவன் முருகனை தேடி வருகிறார்.

தேவகோட்டை:

சிவகங்கை மாவட்டம் தேவகோட்டை அருகே உள்ளது கண்டதேவி கிராமம். இங்கு கிராம நிர்வாக அலுவலகம் உள்ளது.

இதனை இன்று தலையாரி பெரியண்ணன் திறக்க வந்தார். அப்போது அலுவலக வாசலில் சுமார் 70 வயது மதிக்கத்தக்க ஆண் பிணமாக கிடப்பதை கண்டு அதிர்ச்சி அடைந்தார். அவரது அருகே பூச்சி மருந்து பாட்டிலும் கிடந்தது எனவே அவர் வி‌ஷம் குடித்து தற்கொலை செய்து இருக்கலாம் என தெரிகிறது

அவர் யார்? எந்த ஊரை சேர்ந்தவர்? என்ற விவரம் தெரியவில்லை. மேலும் பிணமாக கிடந்தவர் மாற்றுத்திறனாளி ஆவார். அவர் உதவித்தொகை எதுவும் கேட்டு மனு கொடுக்க வந்தவரா? அல்லது வேறு காரணத்தால் தற்கொலை செய்தாரா? என்பது குறித்து ஆறாவயல் போலீஸ் சப்-இன்ஸ்பெக்டர் சந்திரசேகர் வழக்குப்பதிவு செய்து விசாரணை நடத்தி வருகிறார்.

சிவகங்கை:

சிவகங்கை இந்திரா நகரை சேர்ந்தவர் ராஜா (வயது 27). இவர் தனது மோட்டார் சைக்கிளில் சென்றுகொண்டு இருந்தார். அம்பேத்கார் சிலை அருகே சென்று கொண்டிருந்தபோது மேலபிடாவூரை சேர்ந்த பாலகிருஷ்ணன் என்பவர் ராஜாவை வழிமறித்தார். அவர் நின்றதும் கழுத்தில் கிடந்த 2½ பவுன் தங்க செயினை பறித்துக்கொண்டு பாலகிருஷ்ணன் தப்பி ஓடிவிட்டார்.

இதுகுறித்து சிவகங்கை போலீசில் ராஜா புகார் செய்தார். போலீசார் வழக்கு பதிவு செய்து விசாரணை நடத்தி வருகிறார்கள். தப்பி ஓடிய பாலகிருஷ்ணன் மீது பல வழக்குகள் இருப்பதாக தெரிய வந்துள்ளது. தலைமறைவாக இருக்கும் அவரை போலீசார் தேடி வருகிறார்கள்.