வீட்டுக்காவலில் பரமக்குடி பா.ஜனதா ஒன்றிய தலைவர்?

தமிழக முதலமைச்சர் மு.க. ஸ்டாலின் இரண்டு நாள் பயணமாக இன்று ராமநாதபுரம் செல்ல இருக்கிறார். ராமநாதபுரம் செல்லும் முதல்வர், பல்வேறு நிகழ்ச்சிகளில் கலந்து கொண்டு நலத்திட்ட பணிகளை வழங்க இருக்கிறார்.

இதற்கிடையே, ராமநாதபுரம் மாவட்டத்துக்கு முதலமைச்சர் மு.க.ஸ்டாலின் வருகை குறித்து இணையதளத்தில் தவறான கருத்துக்களை பரமக்குடி பாஜக ஒன்றிய தலைவர் முத்துலிங்கம் பதிவிட்டதாக தெரிகிறது. இந்த நிலையில், முதலமைச்சர் மு.க. ஸ்டாலின் ராமநாதபுரம் செல்ல இருக்கும் நிலையில், முன்னெச்சரிக்கை நடவடிக்கையாக முத்துலிங்கம் வீட்டுக் காவலில் கைது செய்யப்பட்டுள்ளதாக தகவல் வெளியாகியுள்ளது.