பல்லடம்:
பல்லடம் அருகே உள்ள காரணம்பேட்டையில் கோவை - திருச்சி தேசிய நெடுஞ்சாலையில் சம்பவத்தன்று இரவு அடையாளம் தெரியாத வாகனம் மோதிய விபத்தில் 65 வயது மதிக்கத்தக்க முதியவர் ஒருவர் பலத்த காயமடைந்தார். அந்த வழியே சென்றவர்கள் கொடுத்த தகவலின் பேரில் சம்பவ இடம் சென்ற போலீசார் அவரை மீட்டு, 108 ஆம்புலன்ஸ் மூலம் பல்லடம் அரசு மருத்துவமனைக்கு அனுப்பி வைத்தனர். அங்கு அவருக்கு முதலுதவி சிகிச்சை அளிக்கப்பட்டு மேல் சிகிச்சைக்காக கோவை அரசு மருத்துவமனைக்கு அனுப்பி வைக்கப்பட்டு சிகிச்சை பெற்று வந்த நிலையில் சிகிச்சை பலனின்றி நேற்று அவர் உயிரிழந்தார். இது குறித்து பல்லடம் போலீசார் விசாரணை மேற்கொண்டுள்ளனர்.
