என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
மக்களுக்கு எதிராக மத்திய அரசு செயல்படுகிறது- முத்தரசன் குற்றச்சாட்டு
Byமாலை மலர்25 March 2021 2:57 PM GMT (Updated: 25 March 2021 2:57 PM GMT)
மத்திய அரசு கார்ப்பரேட் நிறுவனங்களுக்கு ஆதரவாகவும், விவசாயிகளுக்கு எதிராகவும் நாடாளுமன்றத்தில் சட்டங்கள் இயற்றி உள்ளது என்று முத்தரசன் குற்றம் சாட்டியுள்ளார்.
புதுச்சேரி:
காங்கிரஸ்-தி.மு.க. கூட்டணியில் தட்டாஞ்சாவடி தொகுதியில் இந்திய கம்யூனிஸ்டு கட்சி சார்பில் சேது செல்வம் போட்டியிடுகிறார். அவரை ஆதரித்து இந்திய கம்யூனிஸ்டு கட்சியின் தமிழ் மாநில செயலாளர் முத்தரசன் நேற்று பிரசாரத்தில் ஈடுபட்டார்.
அப்போது அவர் கூறியதாவது:-
கடந்த 5 ஆண்டுகளாக மக்களால் தேர்ந்தெடுக்கப்பட்ட மாநில அரசை மத்தியில் ஆளும் மோடி அரசு நிலைகுலையச் செய்தது. காங்கிரஸ், தி.மு.க. மதசார்பற்ற முற்போக்கு கூட்டணி மற்றும் மக்களுக்கு எதிராக மத்திய அரசு செயல்படுகிறது.
தமிழ்நாட்டில் ஆட்சி மாற்றம் ஏற்படுவது உறுதி. தி.மு.க. தலைவர் மு.க.ஸ்டாலின் முதல்-அமைச்சராக பொறுப்பு ஏற்பதும் உறுதியாகி உள்ளது. அ.தி.மு.க. பா.ஜ.க. கூட்டணிகளை மக்கள் நிராகரிக்க வேண்டும்.
முன்னாள் முதல்-அமைச்சர் ரங்கசாமி 2 தொகுதிகளில் போட்டியிடுகிறார். அவருக்கு நம்பிக்கை இருந்தால் ஏதாவது ஒரு தொகுதியில் போட்டியிட வேண்டும். தட்டாஞ்சாவடியில் வெற்றி பெறமுடியாது என்று கருதி ஏனாம் தொகுதியிலும் போட்டியிடுகிறார். சந்தர்ப்பவாத கூட்டணியில் இடம் பெற்றுள்ளதால் 2 தொகுதிகளில் ரங்கசாமி போட்டியிடுகிறார்.
மத்திய அரசு கார்ப்பரேட் நிறுவனங்களுக்கு ஆதரவாகவும், விவசாயிகளுக்கு எதிராகவும் நாடாளுமன்றத்தில் சட்டங்கள் இயற்றி உள்ளது. இப்படிப்பட்ட கூட்டணி கட்சிகளை மக்கள் ஆதரிக்காமல் புறக்கணிக்க வேண்டும்.
இவ்வாறு அவர் பேசினார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X