பாராளுமன்ற தேர்தலில் தி.மு.க. கூட்டணியில் காங்கிரஸ் உள்ளிட்ட பல்வேறு கட்சிகள் இடம் பெற்றுள்ளன. தொகுதி பங்கீடு தொடர்பாக பேசுவதற்காக இந்திய யூனியன் முஸ்லிம் லீக் கட்சி தலைவர் காதர் மொய்தீன் இன்று அண்ணா அறிவாலயம் சென்றார்.
அண்ணா அறிவாலயத்தில் திமுக தலைவர் ஸ்டாலின், துரை முருகன் உள்ளிட்ட தலைவர்களுடன் பேச்சுவார்த்தை நடத்தினார்.
அதன்பின்னர், இந்திய யூனியன் முஸ்லிம் லீக் கட்சி தலைவர் காதர் மொய்தீன் செய்தியாளர்களை சந்தித்தார். அப்போது பேசிய அவர், பாராளுமன்ற தேர்தலில் திமுக கூட்டணியில் இடம் பெற்றுள்ள இந்திய யூனியன் முஸ்லிம் லீக் கட்சிக்கு ஒரு தொகுதிகள் ஒதுக்கீடு செய்யப்பட்டுள்ளது. இதற்கான ஒப்பந்தம் கையொப்பமானது. ஒரு தொகுதியை ஒதுக்கீடு செய்த ஸ்டாலினுக்கு நன்றி என அறிவித்தார்.
ஏற்கனவே, திமுக கூட்டணியில் காங்கிரஸ் கட்சிக்கு புதுவை உள்பட 10 இடங்கள் ஒதுக்கீடு செய்யப்பட்டுள்ளது குறிப்பிடத்தக்கது. #LSpoll #DMKIUMLAlliance #Stalin
