டாடா மோட்டார்ஸ் நிறுவனத்தின் புதிய ஹேரியர் எஸ்.யு.வி. மாடல் அடுத்த ஆண்டின் முதல் பாதியில் வெளியிட இருக்கிறது. புதிய ஹேரியர் எஸ்.யு.வி. மாடல் இந்திய சாலைகளில் சோதனை செய்யப்பட்டு வருகிறது.
அந்த வகையில் ரஷ்லேன் வெளியிட்டு இருக்கும் தகவல்களில் டாடா மோட்டார்ஸ் விற்பனையாளர்கள் புதிய ஹேரியர் எஸ்.யு.வி. மாடலுக்கான முன்பதிவுகளை துவங்கி இருப்பதாக தெரிவிக்கப்பட்டுள்ளது. ரூ.50,000 கட்டணம் செலுத்தி முன்பதிவு செய்ய முடியும் என கூறப்படுகிறது. முன்பதிவை ரத்து செய்வோருக்கு முன்பணம் திரும்ப வழங்கப்படும் என தெரிவிக்கப்பட்டு இருப்பதாகவும் தகவல் வெளியாகியுள்ளது.
இதுகுறித்து விளக்கம் அளித்திருக்கும் டாடா மோட்டார்ஸ் செய்தி தொடர்பாளர், "டாடா ஹேரியர் மாடலுக்கு அதிகளவு எதிர்பார்ப்பு எழுந்துள்ளது. இந்த தகவல் எங்களுக்கு கிடைத்தது. குறிப்பிட்ட விற்பனையாளரை வாடிக்கையாளர் வற்புறுத்தி முன்பணத்தை ஏற்றுக் கொள்ளுமாறு தெரிவித்திருக்கிறார்."
"டாடா பிரான்டு மீது வாடிக்கையாளர்கள் வைத்திருக்கும் நம்பிக்கைக்கு நன்றி தெரிவித்துக் கொள்கிறோம், மேலும் டாடா ஹேரியர் 2019 துவக்கத்தில் அறிமுகம் செய்யப்படும். புதிய ஹேரியர் முன்பதிவு துவங்கும் போது பெரியளவில் விளம்பரப்படுத்துவோம். அதிகாரப்பூர்வ முன்பதிவு துவங்கப்படவில்லை என்பதால், வாடிக்கையாளர் செலுத்தி முழு பணத்தை திரும்ப வழங்க உத்தரவிடப்பட்டு இருக்கிறது." என அவர் மேலும் தெரிவித்தார்.
புகைப்படம் நன்றி: Carwale
இதுவரை வெளியாகி இருக்கும் தகவல்களின் படி ஹேரியர் காரில் தற்காலிக முகப்பு விலக்குகள் மற்றும் டெயில் லைட்களஅ வழங்கப்பட்டுள்ளது. இதேபோன்று முன்பக்கம் இன்டிகேட்டர்கள் மற்றும் பின்புற மின்விலக்குகளும் தற்காலிகமானதாகவே வழங்கப்பட்டுள்ளது.
டாடா எஸ்.யு.வி.யில் இம்முறை ரூஃப் மவுன்ட் செய்யப்பட்ட ஸ்பாயிலர் மற்றும் ஸ்டாப் லேம்ப் உள்ளிட்டவை வழங்கப்பட்டுள்ளது. டாடா ஃபியாட் நிறுவனத்தின் 9-ஸ்பீடு ஆட்டோமேடிக் டிரான்ஸ்மிஷன் கொண்டிருக்கும் என கூறப்படுகிறது. எனினும், புதிய காரில் ஹூன்டாயின் 6-ஸ்பீடு ஆட்டோமேடிக் கியர்பாக்ஸ் வழங்கப்படலாம் என நம்பப்படுகிறது.
இந்த கியர்பாக்ஸ் ஃபியாட் க்ரிஸ்லரின் 140 பி.ஹெச்.பி. 2.0 லிட்டர், 4-சிலிண்டர் டர்போசார்ஜ்டு டீசல் இன்ஜினுக்கு ஏற்றதாக இருக்கும். மேலும் 6-ஸ்பீடு கியர்பாக்ஸ் விலையும் குறைவு என்பதால், டாடா இதை வழங்க அதிக வாய்ப்புகள் இருப்பதாக கூறப்படுகிறது.
டாடா ஹேரியர் எஸ்.யு.வி. அடுத்த ஆண்டின் முதல் அரையாண்டு காலக்கட்டத்தில் அறிமுகம் செய்யப்படலாம் என கூறப்படுகிறது. புதிய காரில் 6-ஸ்பீடு ஆட்டோமேடிக் கியர்பாக்ஸ் ஆப்ஷன் மட்டுமின்றி, 6-ஸ்பீடு மேனுவல் கியர்பாக்ஸ் ஸ்டான்டர்டு அம்சமாக வழங்கப்படுகிறது. இத்துடன் புதிய காரில் டாடா உருவாக்கிய ஆல்-வீல்-டிரைவ் சிஸ்டம் வழங்கப்படுகிறது.
