பா.ஜனதா டெபாசிட் பெற முடியாத அளவுக்கு தோல்வியை தழுவ வேண்டும்- முத்தரசன் பேச்சு

கிருஷ்ணகிரி:

கிருஷ்ணகிரி மாவட்டம் தளி சட்டசபை தொகுதியில் இந்திய கம்யூனிஸ்டு கட்சி வேட்பாளர் டி.ராமச்சந்திரனை ஆதரித்து அந்த கட்சியின் மாநில செயலாளர் முத்தரசன் நேற்று பிரசாரம் செய்தார். அப்போது அவர் பேசியதாவது:-

நடைபெற உள்ள சட்டசபை தேர்தலில் தமிழ்நாடு முழுவதும் உள்ள 234 தொகுதிகளிலும் தி.மு.க. தலைமையிலான கூட்டணி வெற்றி பெறும்.

தமிழ்நாட்டில் தளி உள்பட 20 தொகுதிகளிலும் போட்டியிடுகிற பா.ஜனதா கட்சி ஒரு இடத்தில் கூட டெபாசிட் பெற முடியாத அளவுக்கு தோல்வியை தழுவ வேண்டும். தமிழகத்திற்கு துரோகம் விளைவித்த அ.தி.மு.க.-பா.ஜனதா கூட்டணியை முறியடிக்க நாம் அனைவரும் ஒன்றிணைந்து செயல்பட வேண்டும். தி.மு.க. தேர்தல் அறிக்கையில் மகத்தான திட்டங்கள் அறிவிக்கப்பட்டுள்ளன. அந்த திட்டங்கள் அனைத்தையும் மு.க.ஸ்டாலின் முதல்-அமைச்சராக பொறுப்பேற்று நிறைவேற்றி தருவார்.

இவ்வாறு அவர் பேசினார்.