கிறிஸ்துமஸ் ஸ்பெஷல் டூட்டி ஃப்ரூட்டி கப் கேக்

தேவையான பொருட்கள்:

மைதா  - 3/4 கப்
பேக்கிங் பவுடர் - 1/2 டீஸ்பூன்
டூட்டி ஃபுரூட்டி - 1/4 கப்
உப்பு - 1 சிட்டிகை
சர்க்கரை  - 1/3 கப்
எண்ணெய் - 1/8 கப் மற்றும் 1 டேபிள் ஸ்பூன்
வெனிலா எசன்ஸ் - 1/2 டீஸ்பூன்
தண்ணீர் - 1/4 கப்
கெட்டியான தயிர் - 1/4 கப்
வினிகர் - 1/2 டேபிள் ஸ்பூன்
பேக்கிங் சோடா - 1/4 டீஸ்பூன்

செய்முறை:

ஒரு பௌலில் சர்க்கரை, எண்ணெய், வெனிலா எசன்ஸ் மற்றும் தண்ணீர் ஊற்றி நன்கு சர்க்கரை கரையும் வரை அடித்துக் கொள்ள வேண்டும்.

பின் சிறு பௌலில் 1 டீஸ்பூன் மைதாவுடன், டூட்டி ஃப்ரூட்டியைப் போட்டு கலந்து தனியாக வைத்துக் கொள்ளவும்.

அடுத்து ஒரு அகன்ற பாத்திரத்தில் மைதா, பேக்கிங் பவுடர் மற்றும் உப்பு சேர்த்து, 2 முறை சலித்து ஒரு பௌலில் தனியாக வைத்துக் கொள்ளவும்.

பின் 1 டேபிள் ஸ்பூன் டூட்டி ஃப்ரூட்டியை தனியாக ஒரு பௌலில் வைத்துக் கொண்டு, மீதமுள்ளதை மைதா கலவையில் சேர்த்து நன்கு கலந்து கொள்ளவும்.

பின்னர் மற்றொரு பௌலில் தயிர், பேக்கிங் சோடா மற்றும் வினிகர் சேர்த்து நன்கு அடித்துக் கொள்ள வேண்டும். இறுதியில் எல்லா கலவைகளையும் ஒன்றாக கலந்து கொள்ள வேண்டும்.

பின்பு 180 டிகிரி Cல் மைக்ரோ ஓவனை சூடேற்ற வேண்டும். பின் பேக்கிங் ட்ரேயில் பேப்பரால் செய்யப்பட்ட கப் கேக் லைனரை வைத்து, அதற்குள் கலந்து வைத்துள்ள கலவையை ஊற்றி, அதன் மேல் தனியாக எடுத்து வைத்துள்ள டூட்டி ஃப்ரூட்டியை தூவி, பின்னர் மைக்ரோ ஓவனில் பேக்கிங் ட்ரேயை வைத்து, 25-30 நிமிடம் பேக்கிங் செய்து எடுத்தால், சுவையான டூட்டி ஃப்ரூட்டி கப் கேக் தயார்.