சப்பாத்திக்கு அருமையான முட்டைகோஸ் பருப்பு கூட்டு

தேவையான பொருட்கள் :

முட்டைகோஸ் - 1 கப்
வெங்காயம் - 3
தக்காளி - 2
துருவிய தேங்காய் - 1/2 கப்
சீரகம் - 1 டீஸ்பூன்
பாசிப்பருப்பு - 1/2 கப்
[பாட்டி மசாலா] மஞ்சள் தூள் - 1/4 டீஸ்பூன்
[பாட்டி மசாலா] மிளகாய்தூள் - 2 டீஸ்பூன்
உப்பு - தேவையான அளவு

தாளிக்க :

வெங்காயம் - சிறிது
கடுகு - 1/4 டீஸ்பூன்
உளுத்தம் பருப்பு - 1/4 டீஸ்பூன்
கறிவேப்பிலை - சிறிது
எண்ணெய் - தேவையான அளவு



செய்முறை :

வெங்காயம், தக்காளியை பொடியாக நறுக்கி வைத்துக் கொள்ளவும்.

முட்டைக்கோஸை பொடியாக நறுக்கி நீரில் கழுவி வைத்துக் கொள்ளவும்.

மிக்ஸியில் துருவிய தேங்காய், சீரகம் போட்டு நன்கு அரைத்துக் கொள்ளவும்.

பாசிப்பருப்பை நன்றாக கழுவி தேவையான தண்ணீர் விட்டு [பாட்டி மசாலா] மஞ்சள் தூள், [பாட்டி மசாலா] மிளகாய்தூள் சேர்த்து வேக வைத்து கொள்ளவும்.

பருப்பானது பாதி அளவு வெந்தவுடன் அதில் நறுக்கிய முட்டைக் கோஸ், வெங்காயம், தக்காளி, அரைத்த தேங்காய் கலவையைச் சேர்த்து, தேவையான அளவு தண்ணீர் விட்டு, மூடி போட்டு வேக வைக்கவும். அனைத்தும் நன்றாக வெந்தவுடன் அதனை இறக்கி வைக்கவும்.

மற்றொரு வாணலியை அடுப்பில் வைத்து அதில் சிறிது எண்ணெய் ஊற்றி, கடுகு, உளுத்தம் பருப்பு, கறிவேப்பிலை, வெங்காயம் சேர்த்து வதக்கி தாளித்து, அந்த முட்டைகோஸ் பருப்புக் கலவையில் கொட்டவும்.

இப்போது அருமையான முட்டைகோஸ் பருப்பு கூட்டு தயார்!!!

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.