நார்ச்சத்து, நீர்ச்சத்து நிறைந்த தர்பூசணி சூப்

தேவையான பொருட்கள் :

நறுக்கிய தர்பூசணி – 2 கப்
இஞ்சி பூண்டு விழுது – ½ டேபிள்ஸ்பூன்
புதினா – சிறிதளவு
சில்லி ஃப்ளேக்ஸ் – ¼ டேபிள்ஸ்பூன்
ஆலிவ் எண்ணெய் – தேவைக்கு

செய்முறை :

கடாயில் சிறிது ஆலிவ் எண்ணெய் விட்டு இஞ்சி பூண்டு விழுதுடன் சில்லி ஃப்ளேக்ஸ் சேர்த்து வதக்கவும்.

தர்பூசணி மற்றும் புதினாவை மிக்ஸியில் நைசாக அரைத்து, அந்த விழுதை இஞ்சி பூண்டு விழுதுடன் சேர்க்கவும்.

கலவை நன்றாக கொதித்து கெட்டியாகும்வரை அடுப்பை சிம்மில் வைக்கவும்.

அடுப்பை அணைத்து சூப் பரிமாறும் போது நறுக்கிய புதினா தூவி பரிமாறவும்.