இட்லி தோசைக்கு அருமையான வாழைக்காய் சட்னி || Raw Banana Chutney

வாழைக்காயில் கூட்டு, பொரியல், வறுவல் என்று செய்து சாப்பிட்டு இருப்பீங்க. இன்று வாழைக்காயில் சூப்பரான சட்னி செய்வது எப்படி என்று பார்க்கலாம்.

வாழைக்காய் சட்னி

தேவையான பொருட்கள்

வாழைக்காய் – 2
தேங்காய் துருவல் – கால் கப்
வரமிளகாய் – 5
சாம்பார் வெங்காயம் – 10
பூண்டு – 4 பல்
சீரகம் – 1 டீஸ்பூன்
கறிவேப்பிலை – சிறிதளவு
உப்பு – தேவைக்கேற்ப
புளி – தேவைக்கேற்ப

எண்ணெய் – ½ டீஸ்பூன்

செய்முறை

வாழைக்காயை தோல் நீக்கி நன்றாக வேக வைத்து கொள்ளவும்.

கடாயை அடுப்பில் வைத்து எண்ணெய் ஊற்றி சூடானதும் வரமிளகாய் , பூண்டு, சாம்பார் வெங்காயம், புளி, தேங்காய் துருவல் போட்டு தனித்தனியே வறுத்து எடுத்துக்கொள்ளுங்கள

மிக்சியில் வறுத்த பொருட்களை போட்டு அதனுடன் சீரகம், கறிவேப்பிலை போட்டு நன்றாக அரைக்கவும்.

கடைசியாக உப்பு, வேக வைத்த வாழைக்காய் சேர்த்து அரைத்து எடுக்கவும்.

இப்பொழுது வாய்க்கு சுவைமிக்க வாழைக்காய் சட்னி ரெடி…

இதை… இட்லி, தோசையுடன் பரிமாறலாம்.

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.