search icon
என் மலர்tooltip icon

    ஆன்மிகம்

    தென்காசி காசி விஸ்வநாத சுவாமி கோவிலில் தேர் அலங்கரித்து வைக்கப்பட்டு இருந்ததை படத்தில் காணலாம்.
    X
    தென்காசி காசி விஸ்வநாத சுவாமி கோவிலில் தேர் அலங்கரித்து வைக்கப்பட்டு இருந்ததை படத்தில் காணலாம்.

    தென்காசி காசி விஸ்வநாத சுவாமி கோவிலில் நாளை மாசித்திருவிழா தேரோட்டம்

    தென்காசி காசிவிஸ்வநாத சுவாமி கோவிலில் மாசித்திருவிழா தேரோட்டம் நாளை (வெள்ளிக்கிழமை) நடக்கிறது. திருவிழா வருகிற 27-ந் தேதி (சனிக்கிழமை) முடிவடைகிறது.
    தென்காசி காசி விஸ்வநாத சுவாமி கோவிலில் ஆண்டு தோறும் மாசித்திருவிழா வெகு சிறப்பாக நடைபெறும். அதுபோல் இந்த ஆண்டுக்கான திருவிழா கடந்த 18-ந் தேதி கொடியேற்றத்துடன் தொடங்கியது. தினமும் காலை 10 மணிக்கு அபிஷேக தீபாராதனை, இரவு 8 மணிக்கு மண்டகப்படி தீபாராதனை, சுவாமி -அம்பாள் வீதி உலா வருதல் நடைபெற்று வருகின்றன.

    திருவிழாவின் 9-ம் நாளான நாளை (வெள்ளிக்கிழமை) தேரோட்டம் நடைபெறுகிறது. இதை முன்னிட்டு அதிகாலை 6 மணிக்கு மேல் 7 மணிக்குள் சுவாமி, அம்பாள் தேருக்கு எழுந்தருள்கிறார்கள். காலை 9 மணிக்கு தேரோட்டம் நடக்கிறது. முதலில் சுவாமி தேரும், பின்னர் உலகம்மன் தேரும் வடம்பிடித்து இழுக்கப்படுகின்றது.

    தேரோட்டத்திற்காக தேர்கள் அலங்கரிக்கும் பணி நடைபெற்று வருகிறது. திருவிழா வருகிற 27-ந் தேதி (சனிக்கிழமை) முடிவடைகிறது.
    Next Story
    ×