விஜய்யுடன் இணைந்த விஜய் சேதுபதி - அதிகாரப்பூர்வ அறிவிப்பு

அட்லீ இயக்கி வரும் ‘பிகில்’ படத்தில் தன் பணிகளை முடித்துவிட்டு, லோகேஷ் கனகராஜ் படத்துக்காக தயாராகி வருகிறார் விஜய். இதன் முதல்கட்ட பணிகள் தீவிரமாக நடைபெற்று வருகின்றன. அக்டோபர் முதல் வாரம் படப்பிடிப்பு என்பதால், நடிகர்கள் தேர்வும் தீவிரமாக நடைபெற்று வருகிறது. 

விஜய் வில்லனாக விஜய் சேதுபதி நடிக்க இருப்பதாக ஏற்கனவே செய்திகள் வெளியானது. தற்போது படக்குழுவினர் விஜய் சேதுபதி இப்படத்தில் இணைந்திருப்பதாக அதிகாரப்பூர்வமாக அறிவித்திருக்கிறார்கள்.

தொடர்ந்து மூன்று நாட்கள் ஒவ்வொரு அறிவிப்பை வெளியிடுவதாக கூறிய படக்குழு, தற்போது முதல் அறிவிப்பாக விஜய் சேதுபதி இணைந்திருப்பதாக கூறியிருக்கிறார்கள்.