search icon
என் மலர்tooltip icon

    ஆட்டோமொபைல்

    மஹிந்திரா ஸ்கார்பியோ
    X
    மஹிந்திரா ஸ்கார்பியோ

    மஹிந்திரா வாகனங்கள் புதிய விலை விவரம் அறிவிப்பு

    மஹிந்திரா நிறுவன வாகனங்களின் புதிய விலை விவரங்கள் அறிவிக்கப்பட்டு இருக்கிறது.
     

    மஹிந்திரா நிறுவனம் தனது வாகனங்கள் விலையை உயர்த்துவதாக ஏற்கனவே அறிவித்து இருந்தது. அந்த வரிசையில் புதிய விலை விவரங்களை அந்நிறுவனம் வெளியிட்டு இருக்கிறது. விலை உயர்வு 1.9 சதவீதம் என நிர்ணயம் செய்யப்பட்டு உள்ளது.

    அதாவது ஒவ்வொரு மாடல் மற்றும் வேரியண்ட்டிற்கு ஏற்ப ரூ. 4500 முதல் ரூ. 40 ஆயிரம் வரை விலை உயர்கிறது. புதிய விலை இன்று (ஜனவரி 8) முதல் அமலுக்கு வருகிறது. சமீபத்தில் அறிமுகம் செய்யப்பட்ட மஹிந்திரா தார் விலையும் உயர்த்தப்படுகிறது. 

     மஹிந்திரா ஸ்கார்பியோ

    புதிய விலை டிசம்பர் 1, 2020 முதல் ஜனவரி 7, 2021 வரை முன்பதிவு செய்தவர்களுக்கும் பொருந்தும் என அறிவிக்கப்பட்டு இருக்கிறது. சமீபத்தில் மஹிந்திரா தார் மாடல் டிசம்பர் மாதத்தில் மட்டும் 6500 முன்பதிவுகளை பெற்று இருந்ததாக அந்நிறுவனம் அறிவித்து இருக்கிறது.

    மேலும் புதிய மஹிந்திரா தார் வாங்க முன்பதிவு செய்யப்பட்ட மாடல்களில் 50 சதவீதம் ஆட்டோமேடிக் டிரான்ஸ்மிஷன் வசதி கொண்ட வேரியண்ட்கள் என அந்நிறுவனம் தெரிவித்து இருந்தது.
    Next Story
    ×