பார்சிலோனா ஓபன் டென்னிஸ்: சிட்சிபாஸ், காஸ்பர் ரூட் இறுதிப்போட்டிக்கு முன்னேற்றம்

மேட்ரிட்:

பார்சிலோனா ஓபன் சர்வதேச டென்னிஸ் போட்டி ஸ்பெயினில் நடைபெற்று வருகிறது.

இதில் ஆண்கள் ஒற்றையர் பிரிவு முதலாவது அரையிறுதி ஆட்டத்தில் கிரீஸ் வீரர் சிட்சிபாஸ், செர்பிய வீரர் டுசான் லஜோவிக்குடன் மோதினார். இதில் முதல் செட்டை 5-7 என இழந்த சிட்சிபாஸ், அடுத்த இரு சுற்றுகளில் 6-4, 6-2 என கைப்பற்றி இறுதிப்போட்டிக்கு முன்னேறினார்.

இரண்டாவது அரையிறுதியில் நார்வேயின் காஸ்பர் ரூட், அர்ஜென்டினா வீரர் தாமஸ் மார்டினுடன் மோதினார்.

இதில் காஸ்பர் ரூட் 7-6 (8-6), 6-4 என்ற செட் கணக்கில் வென்று இறுதிச்சுற்றுக்கு முன்னேறினார்.

இன்று இரவு 7.30 மணிக்கு நடைபெறும் இறுதிப்போட்டியில் சிட்சிபாஸ், காஸ்பர் ரூட் ஆகியோர் மோதுகின்றனர்.