தமிழ்நாடு செய்திகள்
தஞ்சாவூர்: டெம்போ வேன் மோதிய விபத்தில் 6 பேர் உயிரிழப்பு
- விபத்தில் படுகாயமடைந்த 13 பேருக்கு மருத்துவமனையில் சிகிச்சை அளிக்கப்பட்டு வருகிறது.
- விபத்து குறித்து போலீசார் வழக்கு பதிவு செய்து விசாரணை நடத்தி வருகின்றனர்.
தஞ்சாவூர்:
தஞ்சாவூர் அருகே அரசு பேருந்தும் தனியார் டெம்போவும் நேருக்கு நேர் மோதிய விபத்தில் உயிரிழந்தோர் எண்ணிக்கை 6-ஆக உயர்ந்துள்ளது.
கர்நாடகாவிலிருந்து வேளாங்கணிக்கு சென்றபோது செங்கிப்பட்டி அருகே மோதி விபத்து ஏற்பட்டது. சம்பவ இடத்திலேயே 4 பேர் உயிரிழந்த நிலையில் ஆபத்தான நிலையில் மருத்துவமனையில் அனுமதிக்கப்பட்ட 2பேரும் உயிரிழந்தனர்.
மேலும் விபத்தில் படுகாயமடைந்த 13 பேருக்கு மருத்துவமனையில் சிகிச்சை அளிக்கப்பட்டு வருகிறது. விபத்து குறித்து போலீசார் வழக்கு பதிவு செய்து விசாரணை நடத்தி வருகின்றனர்.