குருதிக் கொடையளித்து மனித உயிர் காப்போம்- முதல்வர் மு.க.ஸ்டாலின்

உலகளவில் இன்று ரத்த தான தினம் கடைப்பிடிக்கப்படுகிறது. இதை முன்னிட்டு, ரத்தம் தானம் செய்வதை ஊக்குவிக்கும் வகையில் தமிழக முதல்வர் மு.க.ஸ்டாலின் தனது டுவிட்டர் பக்கத்தில் பதிவிட்டுள்ளார்.

இதுகுறித்து அவர் பதிவிட்டுள்ளதாவது:-

விபத்து, அறுவை சிகிச்சை உள்ளிட்ட அவசரத் தேவைகளின்போது பிறர் உயிர் காக்க குருதி கொடையளிப்போரின் நல்லுள்ளம் போற்றுவோம்!

சாதி - மதம் - நிறம் - பாலினம் என எந்த வேறுபாடும் குருதிக் கொடைக்கில்லை!

குருதிக் கொடையளித்து மனித உயிர் காப்போம்! மானுடம் தழைக்கச் செய்வோம்!

இவ்வாறு அதில் குறிப்பிட்டிருந்தார்.