தங்கம் விலை சவரனுக்கு ரூ.280 உயர்வு

சென்னை:

தங்கம் விலை ஏறுவதும், இறங்குவதுமான நிலையே நீடிக்கிறது. அந்த வகையில், சென்னையில் ஆபரணத்தங்கத்தின் விலை வார தொடக்க நாளான கடந்த 10-ந்தேதி சவரனுக்கு ரூ.160 குறைந்தது. நேற்று சவரன் ரூ. 120 உயர்ந்து விற்பனையானது.

இந்த நிலையில் இன்று ஆபரணத்தங்கத்தின் விலை சவரனுக்கு ரூ.280 உயர்ந்து ஒரு சவரன் ரூ. 53,440-க்கும் கிராமுக்கு ரூ.35 உயர்ந்து ஒரு கிராம் ரூ. 6,680-க்கும் விற்பனையாகிறது.

வெள்ளி நேற்று கிராமுக்கு 1 ரூபாய் 20 காசுகள் குறைந்த நிலையில் இன்று 80 பைசா அதிகரித்துள்ளது. ஒரு கிராம் வெள்ளி ரூ. 95.80-க்கும் பார் வெள்ளி ரூ. 95,800-க்கும் விற்பனை செய்யப்படுகிறது.