பா.ஜ.க.வில் 18 நாட்களில் 4 கோடி பேர் இணைந்தனர்

பாரதிய ஜனதாவில் உறுப்பினர் சேர்க்கை நடந்து வருகிறது. பாரதிய ஜனதா அறிவித்துள்ள செல்போன் எண்ணுக்கு மிஸ்டு கால் கொடுத்தால் உறுப்பினராக சேர்க்கப்படுகின்றனர்.

இந்த நிலையில் கடந்த 18 நாட்களில் 4 கோடி பேர் பாரதிய ஜனதாவில் இணைந்துள்ளனர். இதுகுறித்து பாரதிய ஜனதா கட்சி தனது எக்ஸ் தள பக்கத்தில், பாரதிய ஜனதாவில் 4 கோடி உறுப்பினர்கள் இணைந்துள்ளனர். அதன் எண்ணிக்கை அதிகரித்து கொண்டிருக்கிறது. பாரதிய ஜனதா மற்றொரு மைல்கல்லை எட்டியுள்ளது என கூறியுள்ளது.

மேலும் பாரதிய ஜனதா பொதுச்செயலாளர் வினோத் தாவ்டே கூறும்போது, பாரதிய ஜனதாவின் உறுப்பினர் சேர்க்கை பிரசாரம் தொடர்ந்து வரலாறு படைத்து வருகிறது. வெறும் 18 நாட்களில் 4 கோடி உறுப்பினர்களை தாண்டியது. உறுப்பினர் பிரசாரத்துக்கு மக்களின் முழு ஆதரவு உள்ளது. இதற்கு இந்த 4 கோடி உறுப்பினர்களே சாட்சி என்றார்.