ஜனாதிபதி சென்னை வருகை: விமான நிலையத்திற்கு 5 அடுக்கு பாதுகாப்பு

ஆலந்தூர்:

சென்னை தாம்பரம் விமானப்படை தளத்தில் ராணுவ விருது வழங்கும் விழா வருகிற 3-ந்தேதி நடைபெற உள்ளது. இந்த விழாவில் பங்கேற்பதற்காக ஜனாதிபதி பிரணாப் முகர்ஜி தனி விமானம் மூலம் சென்னை வருகிறார். இதையொட்டி சென்னை விமான நிலையத்திற்கு 5 அடுக்கு போலீஸ் பாதுகாப்பு போடப்பட்டு உள்ளது.

பயணிகள் பலத்த சோதனைக்கு பின்னர் விமான நிலையத்திற்குள் அனுமதிக்கப்படுகிறார்கள். மோப்ப நாய்கள் மூலம் சோதனை நடத்தப்படுகிறது. மேலும் டெல்லியில் இருந்து 60 சிறப்பு பாதுகாப்பு அதிகாரிகள் சென்னை வந்து பாதுகாப்பு பணியில் ஈடுபட்டு உள்ளனர்.