ஆசிய விளையாட்டு போட்டி: கபடி, கிரிக்கெட்டில் தங்கம் வென்று இந்தியா அசத்தல்- பதக்கம் 107ஆனது! லைவ் அப்டேட்ஸ்

துடுப்பு படகுப் போட்டியில் ஆண்கள் காக்லெஸ் 4 பிரிவில் இந்தியா வீரர்கள் வெண்கலம் வென்றனர்.

உஸ்பெகிஸ்தான் தங்கப் பதக்கமும், சீனா வெள்ளிப் பதக்கமும் வென்றது.

இதன்மூலம் இந்திய அணி 1 தங்கம், 3 வெள்ளி, 3 வெண்கலம் என 7 பதக்கங்களைப் பெற்றுள்ளது.

துப்பாக்கிச் சுடுதல் பிரிவில் ஆண்கள் 10 மீட்டர் ஏர் ரைபிள் பிரிவில் இந்திய ஆண்கள் அணி சார்பில் திவ்யான்ஷிங் பன்வார், ருத்ரான்க்‌ஷ் பாட்டீல், பிரதாப் சிங் தோமர் ஆகியோர் 1893.7 புள்ளிகள் பெற்று தங்கம் வென்று அசத்தினர்.

10 மீட்டர் ஏர் ரைபிள் பிரிவு பதக்கத்திற்கான போட்டியில் இந்தியா, கொரியா, சீனா இடையே போட்டி நிலவுகிறது. இந்தியா எந்தப் பதக்கத்தை பெறும் என்ற எதிர்பார்ப்பு ஏற்பட்டுள்ளது.

துடுப்பு படகுப் போட்டியில் ஆண்கள் ஒற்றையர் பிரிவில் இந்தியாவின் பல்ராஜ் சிங் பன்வார் 4வது இடம் பிடித்து வெண்கலத்தை தவறவிட்டார். சீன வீரர் தங்கமும், ஜப்பான் வீரர் வெள்ளியும், ஹாங்காங் வீரர் வெண்கலமும் வென்றனர்.

ஆண்களுக்கான துப்பாக்கி சுடுதல் போட்டி: 10 மீட்டர் ஏர் ரைபிள் பிரிவு காலை 6.30 மணி முதல் நடைபெற்று வருகிறது. இதில் இந்திய அணி சார்பில், ருத்ரன்க்‌ஷ் பாட்ட்டீல், ஐஸ்வாரி பிரதாப் சிங் தோமர், திவ்யன்ஷ் சிங் பன்வார் ஆகியோர் விளையாடுகிறார்கள்.

4 பதக்கங்களுக்கான படகு போட்டியில் இன்று இந்தியா பங்கேற்கிறது.

டேபிள் டென்னிஸ் ஆண்கள் காலிறுதி சுற்றில் இந்தியா - தென்கொரியா அணிகள் மோதின. இதில், இந்திய அணியை 3-0 என்ற புள்ளிகள் கணக்கில் இந்தியாவை வீழ்த்தி தென்கொரியா அபாரமாக வெற்றிபெற்றது.

கால்பந்து ஆண்கள் பிரிவில் குரூப் ஏ சுற்றில் இந்தியா - மியான்மர் அணிகள் மோதின. இந்த ஆட்டத்தில் இரு அணிகளும் தலா 1 கோல் அடித்தது. இதன் மூலம் 1-1 என்ற கோல் கணக்கில் இந்த போட்டி சமன் ஆனது.

வுஷூ போட்டியில் ஆண்கள் 56 கிலோ பிரிவில் பிலிப்பைன்ஸ் வீரரிடம் இந்திய வீரர் சுனில் சிங் தோல்வியடைந்தார்.

வாலிபால் போட்டியில் ஆண்கள் கிளாசிபிகேஷன் 1-6 பிரிவில் இந்தியாவை 3-0 என்ற புள்ளிகள் வீழ்த்தி ஜப்பான் வென்றது.