செய்திகள்
டி20 கோப்பையை வெல்ல வாய்ப்புள்ள அணிகள் எது? - சொல்கிறார் வார்னே
ஐ.சி.சி டி20 உலகக் கோப்பையின் சூப்பர் 12 சுற்றுகள் தொடங்கி நடைபெற்று வருகின்றன.
சிட்னி:
ஐ.சி.சி. டி20 உலக கோப்பை 2021 கிரிக்கெட் போட்டி கடந்த 17-ம் தேதி தொடங்கி தற்போது ஓமன் மற்றும் ஐக்கிய அரபு அமீரகத்தில் நடந்துவருகிறது. இதில் பங்கேற்றுள்ள 8 அணிகள் 2 பிரிவுகளாக பிரிந்து மோதுகின்றன.
இந்நிலையில், டி20 உலக கோப்பையை வெல்லும் அணி குறித்து ஆஸ்திரேலிய முன்னாள் சுழற்பந்து வீச்சாளர் ஷேன் வார்னே தனது கருத்துக்களை டுவிட்டர் பதிவில்தெரிவித்துள்ளார்.
அதில், டி20 உலக கோப்பையை இந்தியா மற்றும் இங்கிலாந்து அணிகள் வெல்வதற்கு அதிக வாய்ப்பு உள்ளது.
இந்திய அணியானது திறமையான பல இளம் வீரர்களுடன் களமிறங்கி தனது இரு பயிற்சி ஆட்டத்திலும் வெற்றி பெற்று புது உத்வேகத்துடன் களமிறங்குகிறது.
இங்கிலாந்திலும் திறமையான வீரர்கள் உள்ளதால் அவர்களும் கோப்பையை வெல்ல வாய்ப்பு உள்ளது. ஆஸ்திரேலிய அணியையும் குறைத்து மதிப்பிட முடியாது என பதிவிட்டுள்ளார்.
இதையும் படியுங்கள்...டி20 உலகக் கோப்பை- வெஸ்ட் இண்டீசை 6 விக்கெட் வித்தியாசத்தில் வென்றது இங்கிலாந்து